Filed under: Fendo Orella, Radio Topo | Etiquetes: Atocha, Escocia, Gen, IzCa, Kreator, Les Noticies, magofermin, Maria del Mar Bonet, Sandino Rock, SOPA
Un amigo de yo s’amontó en un taxi. Dende a radio, Federico Jiménez Losantos clamaba contra as administracions, o sector publico, as regulacions y os funcionarios. Argumentario carajillo party. O taxista se’n tornó ent’o pasachero, trunfant y marabillau por a soflama d’o radiopredicador.–Sí sinyor! –exclamó– Asinas se’n charra! Ya en ye prou de tanta reglamentación y tanto imposau. Que deixen a la chent treballar y qui no’n quiera, a muir cardelinas!
O mío amigo le i dio a razón.
–Prou que sí –respondió–. Cal tallar de raso. O sector d’o taxi, por eixemplo, con as suyas flotas continchentadas, as suyas licencias restrinchidas que dimpués se mercan y se venden a pre d’oro, as suyas tarifas… Qué afrenta a la libertat de mercau! Por qué no deixan treballar-ie por a suya cuenta a qualsiquiera que tienga un auto adequau, y asinas s’empenta a competencia, se creya emplego y se dinamiza a economía?
O taxista se carranyó de tot, porque a l’hombre no le culliba en a cabeza que os discursos d’o famoso Jiménez le’n podesen a aplicar a ell.
José Luis Trasobares
Baixa-te-ne u ascuita o nuestro zaguer programa:
Mosica tant esferent como Lucho Bermúdez, Esne Beltza, Gen, María del Mar Bonet u Kreator nos fació honra ta charrar-tos, en os sixanta minutetz d’o programa, de temas tant esferents como a Lei SOPA y a cultura libre a traviés de Magofermin, d’o 35 cabo d’anyo d’os advogaus d’Atocha, d’a transición, d’a fin d’a edición en paper de Les Noticies, d’o festival Sandino Rock 2012 y d’o venient referendum independentista en Escocia.
Rematemos con una canta traducida a l’aragonés, ista vegada en estió una d’a colla alemana Kreator.
Filed under: Fendo Orella, Internacional, Radio Topo | Etiquetes: Asturias, Radios Libres
Baixa-te-ne u ascuita o nuestro zaguer programa:
Programa especial gravau t’o Maratón de Radios Libres asturianas que se fa iste cabo de semana en Radio QK d’Ovieu. Queriemos fer-ie parte ta refirmar a os companyers d’Asturies, y lo hemos feito recentado a historia d’as Radios Libres en a nuestra ciudat y a situación a ran nacional a día de huei.
Mosicalment faciemos un intercambio, teniemos sonando a os aragoneses Prau y una canta en asturiano d’Ixo Rai como curiosidat, y d’atra mán, a os asturianos Soncai System y una canta traducida de Los Berrones ta rematar o programa.
Una semana más hemos de demandar-tos sincusas por una error tecnica, a gravación d’o programa sona prou saturada.
Filed under: Fendo Orella, Internacional, Solidaridat | Etiquetes: Asturias, Kras, QK, Radios Libres, Sele
En Asturias, a Inspección Provincial de Telecomunicacions ha feito plegar tres cartas a las comunidatz de vecins d’o se troban tres radios libres: Kras, Sele y QK; demandando-ie que s’identifique a os propietarios de l’emisor baixo pinyora de mesmo 500.000€
Con l’esclatero obchectivo de fer miedo a os vecins, o nuevo mainate de Telecomunicacions ye mirando d’acotolar una trachectoria de 26 anyos de comunicación libre. A Coordinadora de Radios Llibres d’Asturies ha respondiu enta ista enrestida con movilizacions, o pasau viernes 13 se concentró en Ovieu debant d’a Dirección Cheneral de Comunicacions y ta iste cabo de semana Radio QK ha parau un Maratón de Radios Libres de más de 42 horas.
Fendo Orella, programa de Radio Topo 101.8 FM, hemos quiesto solidarizar-nos y fer parte d’iste Maratón que se desembolicará entre os días 20 y 22 d’iste mes. Iste chueves 18 de chinero, en o nuestro horario d’emisión, gravaremos un programa especial ta ista iniciativa.
Nos solidarizamos con as Radios Llibres d’Asturies d’igual a igual, como miembros d’una Radio Libre, como parte concienciada con una comunicación alternativa y con respecto a las nuestras luengas.
Filed under: Fendo Orella, Radio Topo | Etiquetes: 11 d'o tellau, Fraga, Habeas Corpus, L'Ainsa, O Trango, Presos, Xutik
Baixa-te-ne u ascuita o nuestro zaguer programa:
Segundo programa de 2012 que prencipiemos con una cronica dende adintro d’a manifestacion “Kolosala” d’o pasau dia 7 en Bilbao por bells asistents, leyemos una carta publicada en meyos dichitals alternativos endrezada ta Manuel Fraga Iribarne (Ybarra Iribarne como diz l’autor d’a carta) y no nos ixublidemos d’os 11 d’o Tellau d’o CSO Kike Mur que prencipian un campanya de movilizacions por a ciudat. En a zaguer meya horeta gritemos a dos mayestros d’aragones ta conoixer una mica millor l’amostranza d’ista luenga, la uno d’o CRA de L’Ainsa y l’atro d’a Casa de Choventut Universidat de Zaragoza.
Mosicalment presentemos a colla Xutik y o suyo disco Mukaki Zpirit y ta rematar o programa, como por un regular, una canta traducida, ista semana Alternativa Platino d’os madrilenyos Habeas Corpus.
Por una error tecnica nuestra mancan os zaguers minutos d’o programa, con a despedida y a canta traducida a l’aragones, tos demandamos sincusas.
Filed under: Fendo Orella, Mosica | Etiquetes: Mukaki Zpirit, Xutik, Zpaiz Mukaki
Xutik son plegaus dende Lapurdi (EH) y encara que o suyo nombre pueda no sonar-te, portan con ells tarcheta de presentacion. Dende 2008 Xutik ye un nuevo prochecto naixiu d’a radiz de Zpaiz Mukaki, a popular colla de pasavillas y bailes bascos que ha animau as fiestas d’a-saber-lo lugars dende Iparralde dica os EEUU. Un nuevo formato ta blincar d’as carreras y puyar-se-ne t’os scenarios.
Os lapurtarras contan por agora con un unico treballo, quitau en mayo de 2011 con o siello Baga-Biga y baixo o titol de “Mukaki Zpirit” como referencia a la suya simient y esprito. Iste primer CD ye feito de 14 cantas, cantadas en euskera de tot.
Xutik ye un mezclallo d’estilos que implen a morfuga de sonius festivos… y como ells mesmos reconoixen en o suyo myspace, a suya mosica prene influyencias de collas como Negu gorriak, Obrint pas, Esne beltza, Joxe Ripiau, Mano Negra u as Spice Girls.
Fan parte d’a colla Peio (cantaire), Maitena (cantaire), Balatx (gitarra), Seb (gitarra), Ortzi (bateria), Mizel (curdión y trompeta), Patxi (saxo y gaita), Amaiur (baixo) y Mac Fly (teclaus)
Si quiers saber-ne mas u ascuitar-los, ves t’o suyo myspace.
Habeas Corpus
Alternativa Platino
Somos renunciando a o suenio.
Alternativa platín.
Alternativa platín. Me’n foi dica as cellas.
Tiengo tantos amigos como coca en as pochas
Si yo. Corre que t’encorro. Me’n fico mas que no’n pillo.
Me pierde o naso y me pierde a bocatoba quan piulo.
Piulo y en pillo y me’n rido.
Piulo y pillo speed y cocaína en os centros socials.
Speed y cocaína en os escusaus d’os bars.
Tiro va, tiro va, tiro viene y va.
Consumindo-ne, consumindo-ne,
a bonico te yes consumindo.
Consumindo-ne, consumindo-ne.
Soi contra o sistema y contra toda autoridat,
contra todas as trazas que huei existen de mandar.
No admito plegar en convertir-me nunca no en un esclau
y lo foi tiro par d’atro y lo soi gramo par d’atro.
Alternativa platín.
Blinco t’o vueito y d’un blinco me blinco,
d’un blinco me blinco totz os míos prencipios.
Blinco t’o vueito y d’un blinco me blinco,
d’un blinco me blinco totz os míos prencipios.
Soi tant ciego que no veigo brenca dillá d’o mío ciego.
Me’n foi mas y mas,
me’n foi dica que ya no’n tiengo
y no veigo que soi ciego.
no veigo que soi xordo,
no veigo que soi mudo,
no sé lo que soi fendo.
Consumindo-ne, consumindo-ne,
a bonico te yes consumindo.
Consumindo-ne, consumindo-ne.
Alternativa platín lo veyes tot d’a color que te ye matando.
Trafucas un malsuenio con un suenio.
Te trafucas buscando o ciel en iste infierno.
Y te creyes millor,
y te veyes un dios,
y te creyes muit listo,
muito mas listo que no yo.
Te veyes capable de tot y yes incapable de cosa.
toda a tuya vida chira arredol d’ixa vasuera.
y te metes violento, te metes muit violento.
Te metes tant violento dica que te’n fas,
y que marcha y que buen rollo.
Lo veyes tot blanco,
lo veyes tot d’a color que te ye matando.
Consumindo-ne, consumindo-ne,
a bonico te yes consumindo.
Consumindo-ne, consumindo-ne.
Alternativa platín,
tiro va, tiro va, tiro viene y va.
Filed under: Fendo Orella, Luenga, Radio Topo | Etiquetes: D'estrela a estrela
Resumen en dos vidios d’as mas de dotze horas d’emision d’estrela a estrela d’o pasau 5 de noviembre de 2011, por as que pason un buen zarpau de convidadas en programas especials de Radio Topo como Fillos de l’Angunia (Hijos del Agobio), Fendo Orella, A Liedrera (La Enredadera), El Kantamañanas, Rueda Libre u Buceando entre papeles, amas de programas d’atras radios libres d’a ciudat.
D’estrela a estrela 1/2
D’estrela a estrela 2/2
Filed under: Fendo Orella, Radio Topo | Etiquetes: aragonés, Arredol, Dixebra, Euskal Herria, Mossos
A mía voz
tremola con os aires,
brila con o sol,
se chela con os cierzos,
s’aflama con as calors…A mía voz ye a de tu
y a d’ixa chent
que no conoixemos
ni tu ni yo.Ye a vida de nusatros,
d’os que mos fa mal
o corazón,
d’os que encara semos ninons
con o peso d’as anyadas
y as arrugas d’o dolor…A mia voz
-en tiengo encara de voz?-
ye de tu, amigo,
no la deixes morir en yo.No deixetz morir a mía voz. Anchel Conte
Baixa-te-ne u ascuita o nuestro zaguer programa:
Primer programa d’ista anyada 2012 en o que i charremos d’o diario dichital en aragonés “Arredol” con un miembro d’iste prochecto. Tamién nos amanamos ta Euskal Herria a cuenta d’a manifestación internacional d’o 7 de chinero a favor d’os presos y presas politicas bascas, ta continar fendo camín ent’a paz. Una muerte en una detención d’os mossos d’esquadra y noticietas de l’aragonés plenoron a resta d’o programa, con mosica de Temps al Temps y Soziedad Alkohólika, rematando con Dixebra.
Remera que emitimos totz os chueves en Radio Topo, 101.8 d’a freqüencia modulada zaragozana, de 18 a 19 horas. Y que tamien puedes ascuitar-nos en directo en o ret a travies d’a web de Radio Topo u en as reemisions de Radio Chabolo 107.6 FM os viernes de 17 a 18 horas.
Filed under: Internacional, Internacionalismo, Represion, Social, Solidaridat | Etiquetes: Euskal Herria, Presos
Un nuevo ciclo politico ilumina Euskal Herria. Multitut d’achents politicos, sindicals y diversas organizacions de tot lo mundo treballan chunto a la sociedat basca con l’obchectivo de lograr una solución chusta a un conflicto que se ha prolargau mientres decenios. Una labor que ha dau os suyos fruitos, ya que somos recorrendo lo camín ta levar a Euskal Herria enta una democracia y paz real. Encara queda muito por fer, pero no ye poco lo realizau dica o momento. O dialogo ubierto mientres os zaguers meses y os acuerdos y as resolucions adoptadas amuestran a solidez d’os alazetz d’a resolución d’o conflicto. Somos fendo lo camín, china-chana, d’estación en estación.
O proceso de resolución d’o conflicto debe parar firme cuenta tanto en as causas d’o conflicto como en as suyas conseqüencias. Isto, entre atras muitas qüestions, nos obliga a fablar d’a situación que viven os y as presas politicas bascas. Mientres as zagueras semanas son muitos os que han situau o suyo foco d’atención en ista situación, dende l’Acuerdo de Gernika dica un sin fin de representants politicos y organismos a favor d’os Dreitos Humanos, tanto en o País Basco como en l’ambito internacional. A situación d’os y as presas ye present en l’achenda politica. Por a nuestra parti, tenemos claro que a politica penitenciaria debe situar-se en claus de resolución democratica. En ixe sentiu, consideramos oportunas tamién ta Euskal Herria as solucions aplicadas ta los y las presas en conflictos como lo d’Irlanda u Sudafrica.
Mesmo asinas, consideramos que a pesar de que a situación d’os y as presas ye present en l’achenda politica, a politica penitenciaria contina vulnerando os suyos dreitos mas alazetals. Son muitas os y as presas que continan engarcholadas a pesar d’haber cumpliu a suya condena. Actualment, contina habendo-ie presos y presas que con malotías prou graus no son exgarcholadas. A dispersión provoca accidents de contino. Se tracta de situacions que vivimos con extrema preocupación y que ben d’estar resueltas con suma urchencia.
Debant de semellant atropello consideramos alazetal a implicación d’a sociedat. En o País Basco, una ampla mayoría d’o mapa politico, sindical y social ha insistiu terne que terne por a final d’a politica penitenciaria vichent, a l’igual que l’han feito multitut d’achents y organismos de caracter internacional. Manimenos, o feito de que a situación no haiga sufriu quasi modificacions, nos ha levau a considerar que ye o momento de reforzar as venients demandas:
1- Que os y as presas bascas sigan trasladadas ta Euskal Herria
2- A derogación d’a doctrina 197/2006 que s’aplica en l’Estau espanyol y que s’endrece a salida d’os y as presas que ya han cumpliu a suya condena.
3- A desactivación d’a cadena perpetua que s’imposa en l’Estau francés, dando paso asinas a la libertat condicional.
4- A liberación d’os y as presas que han cumpliu as ¾ partis d’a suya condena.
5- A liberación d’os y as presas graument malaudas y a toma de midas ta l’asistencia sanitaria adequada ta todas as personas engarcholadas.
6- Que a politica penitenciaria que aplican os Estaus espanyol y francés se sitúe en claus de resolución, ta incidir en positivo en a vía ubierta t’a solución d’o conflicto que vive o País Basco.
En adhesión a istas reclamacions, clamamos a la ciudadanalla a prener parti en a movilización cheneral popular convocada t’o venient 7 de chinero en Bilbao.
