[20minutos]
Siempre había pensado que la democracia servía para defender los derechos de las minorías. Pero lo ocurrido la pasada semana en el pleno del Ayuntamiento de Zaragoza confirma mi error. Hubo una intervención de una asociación que trabaja en defensa de la lengua aragonesa, pidiendo que se volviera a realizar una actividad que se dedicaba a la cultura aragonesa y a su enseñanza.
O zaguer chuebes 13 d’Abiento petenaba con una amiga por debán d’o Corte Inglés de Zaragoza. Os chuebes gosan benir escritors a siñar libros, y al beyer muita chen en a dentrada en ringlera, a mía amiga me proposó amanar-nos-ie, porque si bi eba chen ye porque bi abría bel escritor famoso. Asinas que nos i amanemos, y cuan i pleguemos nos trobemos con bella cosa no asperábanos.
Lo primero que i beyemos estió un cartel chigán de José María Aznar, con o titol d’o suyo nuebo libro y una foto suya de grandaria XXL que ye a imachen d’a portalada d’o suyo libro an que i amanixe triunfador y prepotente. “No puede estar”, diziemos, “no puede estar él aquí”. Y con un ñugo en l’estomago i dentremos. Allí bi eba muitas más copias d’ixe fierismo y menazador cartel apegaus por toz os puestos, y una ringlera prou gran de chen, más que más muller y ombres mayors, encara que tamién bi eba unas ninas con uniforme d’escuela pribada. Y dezaga d’a ringlera una mesa rodiada de guardaespaldas bestius de trache con trazas de matons do yera posau Aznar.
[Aizión Antifaxista de Praga]
O zaguer biernes, un choben skinhead antifaxista (de 18 añadas, clamau Jan Kucera) estió apuñalau, dimpués d’una breu baralla, por un nazi de 20 añadas. Jan morió lo domingo en l’espital.
Ista enrestida estió en Pribram, en os arredols de Praga. L’agresor estió arrestau, pero toda la imbestigazion se ye prenendo dende una ambista igual como si estase una “baralla de bar”, mesmo encara que l’agresor ye acusau de “intento de homicidio”
[23/01/2008 el periódico]
L’asambleya de l’Asoziazión de Bezins Lanuza-Casco Biello ha feito un manifiesto en esfensa de l’emplego d’a carrera como foro publico y libre transmisión d’ideyas y ha refusau de raso a zaguera plebia de piñoras que o Conzello de Zaragoza y a Delegazión d’o Gubierno han dixadas cayer sobre colectibos sozials que han protagonizau protestas en a carrera. Como ixemplo siñalón enta las piñoras mesas a os partizipans en o carnabal critico con a Expo 2008 desembolicau en a Madalena la zaguera añada y en l’acampada baxo lo puén de Piedra. “Creyar una morfuga de medrana a la piñora si se fa una actibidat publica en a carrera ye tallar l’echerzizio d’as libertaz”, diz l’asambleya d’o Casco Biello.
[20minutos.es]
As asoziazions de bezins de Zaragoza se troban obligadas a bosar ta la “Sociedad General de Autores y Editores” (SGAE) no so que por as actuazions de baldes que fan en os suyos locals, sino tamién por as actuazions d’a carrera. Istos dreitos d’autor pueden plegar t’os 450 euros por una actuazión.
Os bezins de Delizias y Oliber podrían trobar-se en a mesma situgazión que os bezins de San Chusé. Tienen facturas pendiens con a SGAE por os dreitos de bellas actuazions, y o chuche podría emparar-les as cuentas si no prenen as bosaduras.
En concreto, os bezins de Delizias adeudan a la soziedat d’autors un total de 850 euros, por dos actuazions de l’añada 2007. Denguna d’as actuazions cheneró esquimens ta la colla bezinal. A colla d’Oliber ha dezidiu de no bosar as facturas porque «si no bi’n ha d’esquimen ta l’asoziazión, l’unico benefiziau estaría l’autor», afirma o suyo presiden.
Istos feitos desaniman a las asoziazions a continar ufrindo actuazions, por os suyos alteros costes.
[iea.es]
Istas trobadas naxión en 1997 con a intinzión d’arroclar cada dos u tres añadas a os estudiosos de l’aragonés, ta intercambiar treballos y experienzias que fesen onra t’afondar en os estudios d’a luenga aragonesa, en o suyo conoximiento y en a millora d’as ferramientas d’analís, a la finitiba, ta fer puyar o ran zientifico y metodolochico d’amanamiento ta ista luenga.
Antimás de combidar-ie a profesors y imbestigadors foraneos que contribuigan a toz istos obchetibos, a Trobada s’endreza t’os estudiosos d’ista luenga y, más que más t’os chobens, ta que conoixcan l’estau de l’aragonés. Exposizions, ponenzias, comunicazions y publicazions se programan en ista Trobada que se ferá os beniens 14, 15 y 16 de febrero en Uesca, en a siede d’o “Instituto de Estudios Altoaragoneses”
[el periódico de aragón]
O coste d’o puén d’o “Tercer Milenio” duplica ya o presupuesto inizial d’o prochecto de l’incheniero Juan José Arenas. Asinas lo confirmó ayer l’alcalde de Zaragoza, Juan Alberto Belloch, qui reconoxió que “como minimo” s’ha doblau ya la cantidat de 22,8 millons d’euros con a que se alchudicó ista embolicada obra d’incheniería a Dragados en abiento d’o 2005.
L’alcalde confirmó, con tot y con ixo, atamás de todas istas bizisituz a obra rematará a tiempo ta la Expo. Y dende ZAV remerón que “parix que a obra siga biba. Ye unica en o mundo y luego podrán disfrutar d’ella toz os ziudadans”.
Pero os desfases no pas son exclusibos d’ista obra d’incheniería que esnabesa l’Ebro por L’Almozara. O pabellón puén de l’arquitecta iraquí Zaha Hadid supera ya os 62 millóns d’euros, una cantidat que duplica de raso la d’o “Tercer Milenio”.
[Teruel info 23.09.05 ]
Ta os que no lo conoixcan Manuel Pizarro ye una d’as presonas más influyéns en iste Estau (y difuera d’el) que ye naxiu en Teruel, estando conoxidas dentre os bezins as besitas, de bote y boleyo, de bel ex-presidén d’o gubierno con bigote y mainates d’o PP y d’o mundo d’as finanzas t’o luxoso chalet d’iste “magnate”
Dentre atras cosas, ha estau bizepresidén d’a “Bolsa de Madrid”, presidén d’Ibercaja y a CECA (Confederación Española de Cajas de Ahorros) y contina estando lo presidén d’Endesa.
Chuebes 17 de chinero
18,30 oras
Asambleya d’a Campaña contra Gran Scala
Zentro Zibico “Laín Entralgo”
(Paseyo d’a Mina s/n. Zaragoza).
Sabado 19 de chinero
Ecolochistas en Aizión ha parau t’o benién sabado 19 de chinero una rufierta en o Palazio Montcada de Fraga arredol d’o prochecto de Gran Scala en Os Monegros, aintro d’as Chornadas Culturals que leban por títol “Monegros is not Las Vegas”. A colla ecolochista ha clamau a la rufierta “O nuestro futuro en chuego” y lo incluye aintro de dibersos prochectos ta un desembolique sostenible.
IPCENA, Ecologistas en Acción, Monegros no se vende, SEO/Bird Life, Plataforma de Docentes de Aragón y CNT Fraga son as collas que partiziparán en a rufierta, que se mirarán de fer conoxer as enrestidas a o meyo ambién que probocará Gran Scala.
Nuebo numero d’a rebista ta ninons y ninonas que fa o Rolde:
http://www.unizar.es/cce/vjuan/papirroi2web.pdf
