Fendo Orella 101.8 FM

[Aizión Antifaxista de Praga]

O zaguer biernes, un choben skinhead antifaxista (de 18 añadas, clamau Jan Kucera) estió apuñalau, dimpués d’una breu baralla, por un nazi de 20 añadas. Jan morió lo domingo en l’espital.

Ista enrestida estió en Pribram, en os arredols de Praga. L’agresor estió arrestau, pero toda la imbestigazion se ye prenendo dende una ambista igual como si estase una “baralla de bar”, mesmo encara que l’agresor ye acusau de “intento de homicidio”

Os testigos dizen que una colla de nazis enristió a unos antifaxistas en un pub, fendo-ie o saludo hitleriano y faltando. Dimpués enristión a o skinhead antifaxista de 18 añadas Jan Kucera difuera d’o local. L’agresor, con más de 10 añadas d’experienzia en artes marzials, apuñaló a o choben en a espalda y o peito.

En primerias os amigos de Jan fazión un poder t’aturar a zereña emorrachia d’o peito dica que i estió plegada l’ambulanzia, pero allora trobón que tamién eba estau apuñalau en a espalda. Jan tresbatió asabelo de sangre y encara que baralló por a suya bida, cazegó a zaguera baralla o domingo 20 de chinero.

A suya canta preferida yera “Till the day I die I’ll be Antifascist” d’una colla eslobaca clamada Rozop.

Isto ye pasando prou asobén, ye l’inte de tornar o truco.

www.antifa.cz