Fendo Orella 101.8 FM

[12/02/2008 el periodico]

O Conzello de Zaragoza s’endeudará en o 2008 ta bosar a Expo y de camín s’apretará o zincho ta tornar ta la estabilidat economica en o 2010. O tenién d’alcalde de Fazienda, Francisco Catalá, reconoxió ayer en o pleno que a ziudat tardará 30 añadas en tornar os creditos que permiten bosar as conductas d’a muestra d’una sola begada.

Refuse de todas as alegazions
No bi abió rufierta en l’aprobazión finitiba d’o presupuesto, y tampoco no en o refuse de todas as alegazions recibidas sobre o documento economico. A ziudat tiene bía libre ta demandar 130 millons d’euros de nuebos ampres a os bancos, más que no nunca, y ta imbertir alto u baxo 180 millons d’euros, d’os que casi a metat irán dreitos ta satisfer conductas d’a muestra internazional.

Contradiczión
En a suya interbenzión, l’edil sozialista insistió en que todas as conductas ligadas con Ranillas se yeran osando en cuatro añadas, dende o 2006 t’o 2008 y con una liquidazión final en o 2009. Con tot y con ixo, o ortaboz d’IU, José Manuel Alonso, remeró que os creditos extra d’a fita se bosaran mientres tres decadas, dica o 2037″. Y Catalá remató a la fin con él: “Ye berdat, bosaremos a Expo mientres 30 añadas”.

Atamás d’as criticas por a gran baxada en a imbersión prebista en o 2009 y o 2010 –91 y 100 millons respectibamén–, o ligallo PSOE-PAR consiguió un boto de confitanza en traza d’abstenzión por parti d’o Partido opular y d’Izquierda Unida.