Fendo Orella 101.8 FM

[19/02/2008 EL PERIÓDICO]

Un obrero que treballaba en as obras de construczión de “Villa Expo”, en Zaragoza, tresbatió a bida en a tardi d’ayere en cayer d’un quinteno piso. Felipe Vargas, de 54 añadas y bezín de Soria, se trobaba en una finestra chunto con un compañero cuan o tarabidau metalico se benzió y arrozegó a o treballador, que morió en l’inte.

A bictima, que yera achustau en una subcontrata d’EASA, se trobaba en l’interior de l’edifizio en construczión. O tarabidau que yera en a frontera no aturó a suya cayida, seguntes dizión testigos presenzials.

L’edifizio an que se rechistró lo siniestro cubillará a os comisarios y atros mainates d’a “Exposición de Zaragoza”. En a suya construczión fan parti interpresas como Ebrosa y Estructuras Aragón SA (EASA).

Nomás que en l’añada 2007, en Aragón morión 57 personas en aczidéns laborals, muitos en o sector d’a construczión y atros d’os clamaus “in itínere”, en o biache enta o treballo.