Fendo Orella 101.8 FM

A FACAO, asoziazión contraria a la ofizialidat d’o catalán en Aragón a o que quieren atomizar, contina fendo mal a las luengas d’Aragón y a la chen que as estudia y esfiende.

locacaodelafacao.wordpress.com

“Güe, 6 de marzo de 2008, ha estau un diya espezial, porque grazias ta os blaveros d’a Francha emos conoxiu o mondongo de l’estau. Fa un tiempo denunziemos en poblico que Facao yera un cuco d’a estrema dreita biolenta en a Francha. (més…)

[el periódico]

Esbiellar-se u disparixer. As estazions de montaña de tot lo mundo –bi incluyiu o Pirineo– abrán de fer zereñas imbersions economicas as añadas beniéns ta fer-se-ie a o nuebo eszenario d’o cambio climatico, que, seguntes dibersos estudios, ferá incapable l’esquí baxo los 2.000 metros d’altaria. O prozeso de calentamiento global parixe no aber marcha enta zaga y por ixo, muito luego, os complexos de montaña abrán d’embrecar-sen con equipamientos d’ozio t’o berano y con a tecnolochía que siga menester ta guaranziar as condizions d’a nieu d’ibierno.
(més…)

Dimpués d’as zagueras bacanzas torna Fendo Orella t’as ondas de Radio Topo 101.8 FM.

Iste benién biernes 28 de marzo, dende as 19.00 oras, tendremos en o nuestro programa a representáns d’a Plataforma en esfensa d’a Luenga aragonesa (PEA) que i charraran d’a rueda prensa que ba fer-se ixe mesmo maitín sobre as zagueras enrestidas d’Expo2008 contra l’aragonés.

Tamién i tendremos a cronica d’o II Festibal de resistenzia contra la mina de Borobia, l’actualidat sozial y luengüistica d’istas zagueras semanas y, prou que sí, o trestallo d’animals d’Aragón.

http://pea.blogdns.net/
http://es.youtube.com/watch?v=RDj85mrgJ7c

[Rueda de prensa]
Biernes, 29 de marzo
11:00 oras
Federación de Asociaciones de Barrio de Zaragoza (FABZ)
C/ San Vicente de Paúl, 26
50001, Zaragoza

(més…)

O Chustizia d’Aragón, uno d’os prinzipals siñals d’idendidat aragoneses, ufre a suya pachina web en as tres luengas d’Aragón: castellano, aragonés y catalán.

www.eljusticiadearagon.com

Por segunda añada, os chobens d’a bal d’o Manubles
mos emos organizau contra la esferra ecolochica y sozial que
suposa la ubridura d’una mina de magnesitas en o bezín lugar
de Borobia.

Tos queremos combidar, un añada mas, a que compartaz con
nusatros una nueba chornada de resistenzia con actibidaz y
conziertos.

O benién chuebes 20 de marzo tos aguardamos a toz en o nuestro
lugar, Villalengua/Billaluenga (Comarca de Calatayut)
(més…)

[Carta de Manuel Pérez]

Me trobo goyoso y muito chuniu a iste pueblo con qui emos dau a nuestra bida, a nuestra sangre y os nuestros ideyals. Treballo tot lo que puedo ta que enante a luita. Soi cada begada más combenziu d’o triunfo d’un pueblo que luita dica la muerte. Bi’n ha de dificultaz, pero todas se’n pueden benzer terne que terne, con boluntat de fierro y aimor ta un pueblo que luita.

(més…)

O zirco meyatico PP-PSOE y o plante d’a cucha antiespañolista no pueden estar fenomenos más luens, pero tienen o efecto común de que ta toz os antiespañolistas istos comizios quedan asobelo de luen. Os independentistas no han sentiu cosa d’o suyo, y sí muita fribolidat. Y os partius que irán enta as urnas no explican qué se puede fer reyalmén en Madrit por a independenzia, contra la ilegalizazión u por as luengas reyalmén discriminadas, y asinas, asinas…

Dizen os expertos que Zapatero ha afinau más que Rajoy al triar os traches ta las rufiertas; os suyos yeran más duros, no se arrugaban tanto, y ixo potenziaba a suya imachen de presidén. A suya diczión tamién ha estau millor; a o suyo ribal le ha pesau ixe defecto d’arrastras as “eses” a la fin d’as frases, y tamién a traza en que os güellos se le’n iban ta o cronometro en o primer round. ¿Y quí no beyó o lunes a George Clooney dezaga de Zapatero cuan esbotó a suya millor sonrisa ta deseyar “Buena nuei… y buena suerte”? Bels zeños de Rajoy, a la contra, remeraban a un personache de cómic: Popeye. Los dos iban bien rasuraus, ixo sí, no como Nixon, que perdió aquella rufierta electoral en as añadas 70 por afeitar-se masiadas oras antis y presentar-se-ie en a tele con unas trazas asabelo de chandras.

(més…)

Muitos tos en alcordaz d’o caso de Ramón Redondo, a qui casi asesinan a trucazos una colla de neonazis en o bico de l’Actur de Zaragoza en marzo de 2006.

Iste MARTES 11 DE MARZO contina o chuizio contra istos fatos. En anteriors sesions, Ramon Redondo se i trobó muito solenco, mientres que bi eba collas de neonazis refirmando a os suyos brutals agresors. Mesmo tenió que surtir por a puerta de zaga d’os chuzgaus, estando él a bictima d’a cobarde abatanada.

Sentimos que ye menester refirmar a iste mesache y concarar-se con os neonazis. Encará más cuan os abogaus d’os neonazis saben que si o chuizio no’n tiene de repercusión publica, pueden rematar absueltos u con condenas irrisorias a penar d’a mida d’as suyas enrestidas.

A FITA, O MARTES A LAS 10 D’O MAITÍN EN L’AUDIENZIA PROBINZIAL, en o Coso Alto, cantón con l’Abenida Cesar Augusto.

¡¡No i faltes y no’n tiengas de medrana!! A os neonazis cal concarar-se-les y amostrar-les que con nusatras chunidas no tienen pon que fer con a suya biolenzia xenofoba y faxista.

¿Creyes que a DChA abría d’introduzir mas onsos n’o Pirineu?

En Fendo Orella queremos saber que piensan os aragonesofablans sobre iste tema, ta ixo, feremos un programa espezial en o que charraremos d’os onsos en l’ecosistema pirinenco y contimpararemos a suya situazion con a d’os suyos, cada bez mas lexanos, parientes d’a cordillera cantabrica.

Escribe-nos dando a tuya opinion sobre os onsos, u dizindo-nos tot lo que sepas sobre ellos a fendo.orella(a)gmail.com, u simplamen dixa un comentario en ista notizia.

Os onsos, luego en Fendo Orella. Quere-mos saber a tuya opinion!!