Fendo Orella 101.8 FM

[el periódico]

Esbiellar-se u disparixer. As estazions de montaña de tot lo mundo –bi incluyiu o Pirineo– abrán de fer zereñas imbersions economicas as añadas beniéns ta fer-se-ie a o nuebo eszenario d’o cambio climatico, que, seguntes dibersos estudios, ferá incapable l’esquí baxo los 2.000 metros d’altaria. O prozeso de calentamiento global parixe no aber marcha enta zaga y por ixo, muito luego, os complexos de montaña abrán d’embrecar-sen con equipamientos d’ozio t’o berano y con a tecnolochía que siga menester ta guaranziar as condizions d’a nieu d’ibierno.

Ista ye, a lo menos, a conclusión exposada por os organizadors d’o zinqueno Congreso Mundial de Turismo de Nieu y de Montaña, rematau ayer en Encamp (Andorra).

A experienzia italiana, explicó Gaido, contrimuestra que, con a progresiba achiquida de diyas d’esquí por culpa d’a puyada de temperaturas, “as estazions de montaña no han más remedio que estar ocupadas mientres tot l’año ta estar rentables”, bi adibió lo presidén de l’Instituto d’Imbestigazión Economica (IRE) de Turín, Luigi Gaido, que consideró menester amillorar os aczesos t’os zentros d’esquí.