Fendo Orella 101.8 FM

ZARAGOZA 2008, GUERRA Y DESEMBOLIQUE (IN)SOSTENIBLE
POR UNA BIELLA CULTURA D’A PAZ. ESFILE D’AS FUERZAS ARMADAS D’A RISA

En Zaragoza, patimos milentas d’ectareas destinadas a maniobras militars, posibles bases d’espionache d’a OTAN, esfiles militars chigáns, macro zelebrazións d’o capitalismo mundial esfrazadas de creximiento sostenible. Debán de toda ista maquinaria instituzional militarizada, alazetada en millóns d’euros y consensos mediaticos cuasi obligatorios, queremos fer sentir a nuestra boz disidén y critica con a unica fuerza d’as nuestras razóns y as nuestras personas.

As actibidaz d’o cabo de semana tendrán o suyo requilorio lo sabado anterior, fendo alcordanza una añada más d’a militarizazión de l’espazio d’a ziudat:

SABADO 24 MAYO: En o Diya Internazional d’as Mullers por a Paz, Acto publico contra la militarizazión d’o territorio, a las 18’30 oras en a Plaza d’España de Zaragoza
(més…)

22/05/2008 A. MATUTE

A nuei se tranca sobre os móns de Torrero y o silenzio d’os pinars no ye crebau que por o belar de zientos de güellas “tensinas” (una raza autoctona d’a bal de Tena que en istos intes se troba en periglo de disparixer) que aguardan a o suyo amo, José María Redondo.

Redondo, un ganadero de 59 añadas, surtió lo pasau biernes dende Errera d’os Nabarros con tot lo suyo estallo, bellas 1.100 capezas. O suyo destino: Sallén de Galligo, do as suyas güellas pasarán o berano minchando l’estiba dica l’arribada de l’agüerro.

A crisis que bibe o sector ha obligau a iste ganadero a lebar t’o Pirineo lo suyo estallo igual como feban os suyos debanpasaus, a trabiés d’as cabañeras. O deseyo de que perbiba la tradizión se chunta con as dificultaz economicas d’os ganaders. “No podemos bosar os costes d’o transporte, quitamos lo chusto ta minchar”, s’aclama Pilar, a suya muller.
(més…)

[La Haine, Felisa Sastre]

Fa 60 añadas, de traza unilateral y biolando a Resoluzión d’a ONU por a que s’estableba o trestallo de Palestina, os dirichéns sionistas, endrezaus por David Ben Gurión, proclamaban baxo un gran retrato de Theodor Herz, a creyazión de l’Estau chodigo d’Israel.

Conoixcamos de raso lo que en 2008 se zelebra dentre os chodigos sionistas de tot lo mundo refirmaus por os Estaus democraticos d’oczidén.

En primer puesto, zelebran l’estricallo y acotolamiento de más de seiszientas ziudaz y lugars palestinos y l’asesinato en masa de milentas de campesinos, dimpués d’una terrible campaña feita por organizazións paramilitars terroristas igual como as Haganah, Stern y Irgun ta fer posible a creyazión de l’estau sionista chodigo.
(més…)

[COA-MOC, Alternativa Antimilitarista en Zaragoza]

Atro añada más se zelebrará o segundo domingo de mayo, aintro d’as fiestas d’o Rabal zaragozano, a tradizional romería enta l’armita de San Gregorio. Y atra begada más i quedará zensurada la presenzia d’as opinións que reclaman a tornada ta l’emplego zibil d’istas tierras. Iste món contina en o preto d’o “Campo de maniobras de San Gregorio”, a mayor amplaria ocupada por o “Ministerio de Defensa”, an que no se permite, ni sisquiá en istos diyas, a libre expresión.

As suyas 33.839 ectarias continan estando feitas serbir ta las maniobras d’os echerzitos d’a OTAN y a benién parazión de nuebas misións en países en conflicto. Aquí se entrenan os soldaus que combaten en Iraq, Afganistán y en atros puestos d’o mundo.

O COA-MOC de Zaragoza, chunto con atras collas bezinals y ecolochistas, enzetón en 1999 una campaña contra o cambo de maniobras y poligono de tiro de l’echerzito español de San Gregorio, aprobeitando a romería ta l’armita de San Gregorio, que se i fa añada par d’atra en o mes de mayo, ta fer aizións de protesta contra o cambo. En l’añada 2003, en o preto d’a Guerra d’Irak y d’a campaña electoral munizipal y autonomica, baxo instruczións d’o mismo mando militar (de trazas prepoténs y probocaderas) s’interzeptó a dentrada d’a mayoría d’integráns d’a IV marcha “Desarmar San Gregorio”. Dende allora, a protesta s’ha feita en meyo de biedaus, piñoras y, de cabo cuán, mesmo menazas (…)
(més…)

Os Reis presidirán l’1 de chunio en Zaragoza o “Desfile del Día de las Fuerzas Armadas”, que estiaño contará con más de 1.200 militars d’os tres echerzitos y a “Guardia Civil”, más de 80 beíclos y bellas 50 aeronaus. Pero ista no ye a unica bisita reyal que’n tendrá Aragón en as beniéns semanas(…) Serán os Reis os que biachen ta la capital aragonesa mientres a semana d’as Fuerzas Armadas, diyas antis de partizipar en l’alboroque d’a Expo 2008, do tamién son combidaus os Prinzipes.

Acompañaus por a ministra d’Esfensa, Carme Chacón, a cupula militar, o presidén d’o Gubierno Aragonés, y l’alcalde de Zaragoza, os monarcas protagonizarán l’1 de chunio uno d’os intes más importáns en a mesma añada que a capital aragonesa remera, con a resta de l’estau, o bizentenario d’a Guerra d’a Independenzia y aculle a Expo 2008.
(més…)

A “Unidad de Intervención de la Policía” numero 11 (UIP), de nueba creyazión y con siede en Zaragoza, s’enguerará de raso lo benién 1 de chunio, con enchaquia d’a zelebrazión d’o Diya d’as Fuerzas Armadas”

Os achéns que la integran son fendo un curso a tot estrús de formazión en Linares. A nueba unidat, que en primerías no contará que con dos trestallos –uno menos que a resta d’as UIPs–, contará con más d’un 50% d’achéns (60) que ya son destinaus en a plantilla d’o “Cuerpo Nacional de Policía” en Zaragoza.
(més…)

CERÇ
I FIRA DE LA MÚSICA I LA CULTURA ARAGONESA
I FERIA D’A MOSICA Y A CULTURA ARAGONESA
I FERIA DE LA MÚSICA Y LA CULTURA ARAGONESA

Organizan: Associació Cultural del Matarranya, Ayuntamiento de Massalió /Mazaleón, Club de la Juventud y Magofermin Produzions

Colaboran: Aragon Musical, A. C. Ranetas, Simbiosis Street Weat, A. de Mujeres Sadurixa, Cooperativa San Isidro, A. de Jubilados Mazaleón, AMPA Mazaleón, A. de Música Mazaleón

Programa completo d’actibidaz. Mayo 2008
(més…)

Ya podez sentir u baxar-tos d’o rete o programa d’o 25 d’abril an que estrebistemos a un destacau militán de l’asoziazión Iniciativa Cultural de la Franja (ICF) encausau en o prozeso d’a FACAO por expresar a relazión entre ista y a extrema dreita españolista.

http://fendoorella.mypodcast.com

Antiparti, y en o tocán a o tema FACAO, o benién chuebes 8 de mayo a siede d’o PAR de Zaragoza -como no podeba estar d’atra traza- acullirá una charrada sobre luengas (sin garra alazet filolochico u zientifico) an que interbendrán militáns d’a FACAO, y de bez, d’o PAR:

[Notizia quitada de "locacaodelafaco.wordpress.com"]

El PAR acull a la seu de Saragossa a FACAO, grup de secessionistes que es relacionen amb l’extremadreta

El Partit Aragonès, soci de govern a Aragó amb el PSOE, acull una presentació de la FACAO a la seu de Saragossa el 8 de maig de 2008, a les 20h (Coso, 87, Saragossa). La presentació anirà a càrrec de Julián Naval Fuster, militant del Partit Aragonès, que ha concorregut a les llistes del PAR a Tamarit de la Llitera i ha estat membre durant anys de la Comissió Permanent de Cultura del PAR. I amb la col·laboració d’Héctor Castro Ariño (també conegut com Éctor), militant del PAR, ha estat regidor pel mateix partit a Altorricó i va perdre el càrrec les darreres eleccions i és vocal a l’Executiva del Rolde Choben - Jóvenes del PAR.

Diferents personalitats de defensa de l’aragonès i el català a Aragó han mostrat el seu interès per assistir-hi i mostrar l’absència d’arguments acadèmics, i sobretot, mostrar la perillositat de les vinculacions de la FACAO amb l’extremadreta. FACAO ha estat denunciada públicament per les seues manifestacions a Saragossa amb Democracia Nacional, per l’apologia a la violència i les campanyes d’intoxicació del seu president i pel manteniment d’ex-falangistes en les seues files.

(més…)

A Coordinadera ye formada por personas y colectibos que treballan por una fin politica a o conflicto basco, alazetada en o dialogo y a negoziazión. S’han programau dos charradas ligadas con o sumario 18/98 y as suyas negatibas consecuenzias sobre as posibilidaz d’ixa fin politica.

Biernes 9 de mayo 19,00 oras
Facultat d’Economicas (C/ Dr. Cerrada s/n)

“Audiencia Nacional: historia y situación actual. El 18/98 visto desde dentro”

Bi interbendrán Augusto Gil Matamala (abogau cusirador en o prozeso 18/98, ex presidén d’Abogados Europeos Demócratas) y José Ignacio Lacasta (Catedratico de Filosofía d’o Dreito)
–
Biernes 23 de mayo 19,00 oras
Facultat d’Economicas (C/ Dr. Cerrada s/n)

“Argumentos para una paz negociada”

Bi interbendrán Martxelo Otamendi (ex director d’Egunkaria y director de Berria), Cármen Lamarca (presidenta de l’Asociación pro Derechos Humanos de España. Red por las Libertades y el Diálogo de Madrid) y Françesc Tubau (campaña “Si al procés de pau” de Catalunya)
–
Coordinadera por o dialogo y a negoziazión (Zaragoza)