Fendo Orella 101.8 FM

CERÇ
I FIRA DE LA MÚSICA I LA CULTURA ARAGONESA
I FERIA D’A MOSICA Y A CULTURA ARAGONESA
I FERIA DE LA MÚSICA Y LA CULTURA ARAGONESA

Organizan: Associació Cultural del Matarranya, Ayuntamiento de Massalió /Mazaleón, Club de la Juventud y Magofermin Produzions

Colaboran: Aragon Musical, A. C. Ranetas, Simbiosis Street Weat, A. de Mujeres Sadurixa, Cooperativa San Isidro, A. de Jubilados Mazaleón, AMPA Mazaleón, A. de Música Mazaleón

Programa completo d’actibidaz. Mayo 2008

BIERNES 18
22.30 Club d’a chobentut. Festibal de cortos
En a siede d’o “Club de la Juventud de Mazaleón” se prochectarán bels cortos estatals que i amostrarán un amplo abanico de cheneros. Ista actibidat se fa con l’aduya de l’Asociación Cultural Ranetas de Alcañiz.

SABADO 17
10.30 Alboroque d’a muestra

11.00 Replazeta. Master class de batería por MARCELO LEMA

11.30 Carrer del Mig. Chuegos tradizionals ta ninos
Os partizipáns podrán disfrutar de chuegos tradizionals aragoneses con prous materials como birlas, soga, tirachinas y atros. Toz os ninos recullirán un presén por partizipar-ie.

11.45 Cambra de Plenos. Enguero d’a Feria
L’enguero lo ferá l’Alcalde de Mazaleón / Massalió, Rafael Martí, un representán d’ASCUMA, un representán d’o “Club de la Juventud de Mazaleón” y un representán de “Magofermín produzións”

12.00 Replazeta. Actuazión d’a colla TEMPS AL TEMPS
Temps al temps ye una colla matarrañenca que ha dixau dezaga as distorsións ta ficar-se en ambiéns más intimistas y poeticos. Rezientemén han editau o suyo primer disco titulau “Ratets” an que han musicau a bels poetas aragoneses y con o que estión nominaus t’os “Premios de la Música Aragonesa 2008″

13.00 Replazeta. Actuazión d’o cantautor zaragozano VICTOR MENESES
Iste choben cantautor zaragozano, asabelo influyenziau por Ismael Serrano, ye fendo garras en o mundo d’a mosica. As suyas actuazións combinan as composizións propias y as bersións.

14.00 Replazeta. Actuzción d’a colla MATAZÍA
Matazía se fa en o 2004 en Lituenigo (Zaragoza) do cuatro mesaches influyenziaus por o rock estatal deziden parar una colla ta fer un punk rock con un apaño femenino en a boz. Fa bels meses beyó a luz a suya primera maqueta, “algo cambiará” que ye l’alazet d’o suyo actual repertorio.

15.00 Replazeta. Actuazión d’a colla COLECTIBO ASALTO LÍRIKO
Dende Andorra plegan os mesaches d’o Colectibo Asalto Lírico que fan mezcolanza d’o rap, o hip hop, o reagge y o dub ta conseguir un resultau que puede dezir-se, a lo menos como sorprendén. Actualmén son en intes de dentrar ta l’estudio ta grabar o suyo primer compacto dimpués d’a edizión d’a suya maqueta “suena gordo”.

16.00 Replazeta. Actuazión d’a colla THE BULLETS
As alcañizanas THE BULLETS leban bels añadas petenando los lugars aragoneses con o suyo punk rock melodico con boz femenina. Melodía y belozidat son os siñals caracteristicos d’os suyos directos.

17.00 Replazeta. Actuazión d’a colla ZOBUX
Istos cuatro zaragozanos que definen a suya mosica con frases como “HARDCORE MELODÍA, CON PREMEDITACIÓN Y ALEVOSÍA” o “A MÍ LA MELODÍA ME LLENA DE ALEGRÍA” tienen editadas bels maquetas y dezaga d’els leban ya más d’un zentenar de conziertos an que han treballau o suyo soniu.

17.30. Carreras d’o lugar. V Trobada de dolçainers, grallers i geganters.

20.30 Cambra de Plenos. Presentazión d’o segundo disco de LOS DRAPS “Un crit al vent”
A presentazión a ferán os alcaldes de Mazaleón y Peñarroya, a productora zaragozana Magofermín y os miembros d’a colla.

23.30 Cambra munizipal. Conzierto con:

INESTABLES
INESTABLES ye formau por cuatro roqueros de Zaragoza que han dezidiu chitar-se ta la carretera ta fer lo que más les peta: rock clasico. Dende a edizión d’o suyo primer disco “Al revés”, no han aturau de reyalizar conziertos por tot lo territorio aragonés.

GEN
Rock de serie b (isto ye punk y rabia) ye l’estilo que dizen tañer istos cuatro personaches que ya leban muitísmas añadas en os eszenarios. Con cuatro discos en a carrera, o benién agüerro ban a trancar-sen en l’estudio ta creyar-ie o suyo zinqueno treballo. “Contundencia, crítica y fuerza” son as parolas que millor definen os suyos conziertos que no dixan indiferén a dengún.

VISIÓN TUNEL
Meyos tiempos, melodía y una zereña critica ruxian o posthardcore que han plasmau Visión Túnel en toz os discos que han grabau dica agora. Con o suyo zaguer disco “Vacío” rezién
editau, os zaragozanos han enzetau una chira que les lebará por Aragón, Nabarra, Euskadi y atros territorios de l’estau.

LOS DRAPS
Donzainas, contundenzia y critica sozial son lo que Los Draps ufren en a suya mosica. A colla d’o Matarraña presentará en Mazaleón / Massalió o suyo segundo disco que ha plasmau a experienzia d’os más de 100 conziertos que han feitos en as zagueras añadas compartindo eszenario con collas igual como Soziedad Alkoholika, Habeas Corques, Koma, Obrint Pas y asinas asinas.

[Más info]
Demba d’acapada libre con escusaus
Toz os actos son de baldes
Coordinador Marc Martí 607 96 37 15 / marcmb@gmail.com