Fendo Orella 101.8 FM

Os Reis presidirán l’1 de chunio en Zaragoza o “Desfile del Día de las Fuerzas Armadas”, que estiaño contará con más de 1.200 militars d’os tres echerzitos y a “Guardia Civil”, más de 80 beíclos y bellas 50 aeronaus. Pero ista no ye a unica bisita reyal que’n tendrá Aragón en as beniéns semanas(…) Serán os Reis os que biachen ta la capital aragonesa mientres a semana d’as Fuerzas Armadas, diyas antis de partizipar en l’alboroque d’a Expo 2008, do tamién son combidaus os Prinzipes.

Acompañaus por a ministra d’Esfensa, Carme Chacón, a cupula militar, o presidén d’o Gubierno Aragonés, y l’alcalde de Zaragoza, os monarcas protagonizarán l’1 de chunio uno d’os intes más importáns en a mesma añada que a capital aragonesa remera, con a resta de l’estau, o bizentenario d’a Guerra d’a Independenzia y aculle a Expo 2008.
A esfilada escomenzipiará a o meyodiya. Como ye tradizional, a “Patrulla Águila” será la encargada de meter a fin prochectando en o zielo zaragozano as colors d’o siñal español.

En rematar a parada militar, os Reis don Juan Carlos y Doña Sofía ufrirán t’as autoridaz asisténs una recullida en o Conzello de Zaragoza, mientres la que o monarca ferá o tradizional brindis por España y dedicará bellas parolas t’os asisténs.