Classificat com a: Cultura
2008, mf013 – Banda naixida d’a unión d’antigos componens de Criatura y Nevergood se ha iu tornando en una d’as referenzias d’o post hardcore en Aragón. As suyas anteriors grabazions, “interlude” y “les miserables”, les han lebau a fer conziertos por tot l’estau, y mesmo a esnabesar Europa. Ista experienzia se beye en un directo contundén, pero de bez psicodelico, que no dixa indiferén a dengún. 
10.000 añadas de benganza serían pocas ta equilibrar a balanza. A barbarie, a inchustizia, a la finitiba lo que denunzian istos mesaches en a suyas letras y que tanta rabia les proboca. Ritmicas apabullans con melodías ipnoticas ta un más que reconoixible soniu “interlude”. As bozes en franzés (fueras de bella exzepzión) rematan d’auntillar a impresión de que tenemos en as mans un treballo diferén.
Grabau en Ultramarinos Costa Brava y Montreal Studios.
Formazión: lorenzo (guitarra), santi (guitarra), gerardo (baixo), pelopo (voz) y jesús (bateria)
Classificat com a: Sozial
Miraban d’omenachear a José Antonio Primo de Rivera. A protesta en a siede d’o PSOE ha rematau con o rezo d’o Padre Nuestro y a interpretazión d’o “Cara al Sol”.
San Lorenzo de l’Escorial- A Guardia Zebil no dixó aczeder enta la bal d’os Cayius a dos autobuses y bels autos en os que biachaban personas con simbolochía falanchista que miraban de fer un omenache a o fundador de Falange Española, José Antonio Primo de Rivera. 
Al no poder aczeder enta o templo, una colla de falangistas se han conzentrau en as proximidaz d’a siede d’o PSOE, en a madrileña carrera de Ferraz, ta denunziar que o Gubierno no les dixaba zelebrar l’omenache a Primo de Rivera que leban fendo dende fa añadas con enchaquia d’o cabo d’año d’a suya muerte, ocurrida o 20 de nobiembre de 1936.
En l’acto de Ferraz, que ha rematau con o rezo d’o Padre Nuestro y a interpretazión d’o “Cara al Sol”, o falangista Diego Márquez ha preniu a parola ta referir-se a la situazión de desemplego que bibe España y denunziar que “un sistema politico ba a undir a os españols, ba a desmembrar o suyo país y ba a trestallar a toz os ziudadanos”
Durante a conzentrazión, de nomás treinta personas -muitas bestidas de chambra azul d’a Falange- se ha aplaudiu “a libertat d’os Falangistas” y se han chilau consignas como “Garzón y ZP, dictadura ye” y “sozialistas terroristas”.
Classificat com a: Sozial | Etiquetes: 20N, Antifaxista, nobiembre, Zaragoza
Classificat com a: Ecolochía, Sozial | Etiquetes: Huerva vivo, Tosos, Uerba biba
Dende intreses inmobiliarios se ye promobendo xutar a Uerba, con un absurdo recreximiento de l’entibo d’As Torcas, en Tosos.
Ta promober nuebas urbanizazions en Aguilón, Fuendetoz, Puebla d’Albortón, Balmadrit y Billanueba, dende os suyos conzellos, se ye empentando un trescole dende a Uerba enta la comarca d’o Campo de Belchit y enta la cuenca de l’Auguasbibas. Nomás que en Balmadrit ye prochectada la construczión d’una mega urbanizazión de 1.000 bibiendas en o preto de l’artiga.
Classificat com a: Cultura
BAS A DENTRAR EN A UNIBERSIDAT, ¿Y AGORA QUÉ?
Tot lo que un esbenidero (y actual) unibersitario amenista saber sobre a reforma y nunca no gosón de confesar-le.
¿Sabebas que…
(1)… yes un espezie en extinzión?
Yes parti d’a zaguera chenerazión que dentra en a unibersidat publica tal y como la conoixemos. ¿Quí tiene a culpa? A mayor reforma d’a istoria d’a unibersidat: a comberchenzia Europeya (Plan Bolonia).
(2)…no yes libre d’os suyos efectos?
¡Informa-te-ne! Ye un simple alcuerdo entre Estaus, que no obliga a os países y que cadagún ye aplicando-lo con as diferenzias que dezide. Dizen que quieren mayor mobilidat y omologazión de titols. ¿Quí se i oposa? Pero, ¿y toda la resta? ¿Y lo reyalmén importán? ¿Y lo que nunca no nos cuentan? En 2010 se preba de que siga implantada de tot. Ya i hai unibersidaz i adaptadas.
(3)…cambea a durazión d’a titulazions?
Os Graus tienen una añada menos (4 cursos) que as antigas lizenziaturas:
-1 añada d’asignaturas comuns chenerals
O primer cursos unibersitario se cazega en compensar lo que tantos profesors almiten: que cada diya s’amuestra menos en os istitutos. ¿Por qué no s’apaña o problema en secundaria?
-2 añadas de contenius d’a tuya carrera
Dizen quere que sigas o protagonista d’o tuyo aprendizache. Pero a begadas tienen lapsus y confiesan que no quieren bosar a tuya “sobreformazión”: les ye prou con que aprendas lo que amenistarás ta o tuyo esbenider treballo. Lo claman “abilidaz, destrezas y competenzias!.
-Y dica 1 añada de practicas
Atra añada de contenius que te furtan. As practicas pueden estar utils en bels casos. Pero ¿a qué pre? ¿Te las remuneras tu?
-Bi ha titulazions que por lei se quedan difuera d’a reforma
Medizina, Arquitectura…Con tanta debaluazión d’a educazión, ¿qué pasaría con os enfermos y os edifizios?¿Y as carreras sí reformadas? (més…)
Classificat com a: Cultura, Internazional | Etiquetes: la gossa sorda, saó
Por l’año 97 una colla de chobens de Pego, fartos d’esfumarriar canutos y mirar-sen as caras dezidión fer bella cosa, a mosica bakalao lo engaronaba tot en ixe inte por a comarca de La Marina y, si quereban fer cualcosa esferén, yera platero que s’eban de mullar.
En 2003 quitón o suyo primer treballo serioso clamau “Vigila”, an que se trobaba la canta “Senyor Pirotècnic”, con la cual ganón o premio de l’Esclat 2003, organizau por maulets y a rebista Enderrock. Ixe premio les permitió tañer en o festibal Rebrot d’ixa añada. Parón un bus dende Pego y marchón enta Berga, yera o primer festibal que feban y a primera begada que puyaban ta Catalunya. Vigila tenió prou buena acullida por parti d’a chen y o calendario de conziertos se les multiplicó.
Classificat com a: Ecolochía, Sozial | Etiquetes: bechetarianismo, espezismo, liberazión animal, vegan
“A custión no ye si pueden charrar; sino, ¿Pueden sufrir?”
- Jeremy Bentham -
“Si os mataderos tenesen parez de beire, toz seríanos bechetarianos”.
- Paul McCartney -
