Fendo Orella 101.8 FM


Uerba biba
novembre 12, 2008, 3:41 pm
Filed under: Ecolochía, Sozial | Etiquetes: , ,

Dende intreses inmobiliarios se ye promobendo xutar a Uerba, con un absurdo recreximiento de l’entibo d’As Torcas, en Tosos.

Ta promober nuebas urbanizazions en Aguilón, Fuendetoz, Puebla d’Albortón, Balmadrit y Billanueba, dende os suyos conzellos, se ye empentando un trescole dende a Uerba enta la comarca d’o Campo de Belchit y enta la cuenca de l’Auguasbibas. Nomás que en Balmadrit ye prochectada la construczión d’una mega urbanizazión de 1.000 bibiendas en o preto de l’artiga.

¿Construyir una ziudat en l’artiga?

A 20 kilometros a o sur de Zaragoza capital, en Balmadrit, s’empenta un prochecto ta la construczión d’una gran urbanizazión d’una milenta bibiendas. O puesto manca d’augua pues ye una demba de mallacán. Pero los especuladors inmobiliarios han bisto a oportunidat de fer ista ziudat dormitorio trescolando augua d’a Uerba, dende 30 kilometros de distanzia. Ta ixo quieren fer o recreximiento de l’entibo d’As Torcas.

A CHE les ha feito una primera atorgadura d’augua, que l’Asoziazión Uerba Biba ya refusó, de 104 millons de litros añals (3,32 l/seg) y han prenzipiau as obras ta enamplar-la a 630 millons de litros (20 l/seg).

Ye una atorgadura que nunca no s’eba d’aber sisquiá tramitada, porque:

  • Se falseó d’an s’iba a pillar l’augua y s’amagó a o Conzello de Tosos.
  • Nunca no chustificón a nezesidat de l’augua. No’n amenistan: o Conzello de Fuendetoz quiere bender la que le sobra ta la cantera d’Azuara.
  • Ye un trescole t’atra cuenca, cualcosa biedada cuan la d’orichen ye defizitaria, como lo caso d’a Uerba.

Demandamos a o Gubierno d’Aragón que faiga serbir a nueba cultura de l’augua que diz promober.

Tememos por a bida d’os nuestros ríos por o cambio climatico. Pero a Uerba, modesta, polida y amparadora d’a bida en a suya ribera, corre un periglo mayor: qui son obligaus a esfender-la, han prenzipiau a ixutar-la. Ye un prochecto inchustificable, que preba de lebar augua ta Billanueba de Uerba (que la pillaba dreitamén d’o río, que toca as suyas casas) puyando-la más de 100 m. ta un deposito y fer-le una cañería de 9,2 Km. que cuesta 359.000 € (bels 60 millons de pezetas). Y lo pior ye que no son  60 millons malfurriaus, sino feitos serbir ta prechudiziar o río.

Concaraus a o recreximiento de l’entibo d’As Torcas y a l’expolio d’o ya buedo caudal d’a Uerba, l’Asoziazión Uerba Biba y o Conzello de Tosos luitan por aturar dito prochecto.

Debán de l’amenaza de l’enguero d’as obras d’o recreximiento ista Asoziazión organizó una “Marcha en esfensa d’a Uerba” o cabo de semana d’o 9 d’agosto. Una cursa que tenió como destino a Expo 2008, suposau baluarte d’una chestión sostenible de l’augua.

Ta saber-ne mas:
http://huervavivo.wordpress.com/

About these ads

1 comentari fins ara
Deixa un comentari

Ahora la próxima cita será en Tosos el 22 de Noviembre.
a las 10 de la mañana os esperamos para hacer un paseo por las orillas del Huerva hasta la presa.
Música y reivindicación para un bonito día. LLevarse bocata. Un saludo

Comentari per Huerva Vivo




Deixa un comentari

Fill in your details below or click an icon to log in:

WordPress.com Logo

You are commenting using your WordPress.com account. Log Out / Canvia )

Twitter picture

You are commenting using your Twitter account. Log Out / Canvia )

Facebook photo

You are commenting using your Facebook account. Log Out / Canvia )

Google+ photo

You are commenting using your Google+ account. Log Out / Canvia )

Connecting to %s



Follow

Get every new post delivered to your Inbox.

Join 281 other followers

%d bloggers like this: