Añada 1999, os diyas se suzeden sin que cosa suzeda. Fartos d’o destino enrebullau por as filanderas de l’aburrimiento, esquibos a o destino ya marcau, dimpués de compartir oras de fastio an que l’Unico repleno parix charrar de mosica amaneix como comodín a frase “cal fer-lo!”. Y ya se sabe d’o dito a o feito treito. Asinas que creyemos o siguién exemplo: si un automóbil sale de A y atro de B ¿Por qué no ir toz en autobús? Con tot isto prenzipiemos a tontiar poquet a poquet Jatsu, Txitxes, Zaloa y Fory y decamín amonico chuntando cosas que cadagún trayó d’a plaza d’o mercau. Faziemos una brenda que ye una maqueta de zinco temas, la cual pasau o tiempo nos asusta pero no nos fa miedo. Sufriemos un cambio en a colla; o batería (Fory) dimpués de fer un pacto con satán nos abandona.
Un informe d’a UNESCO rebela que d’os 6.000 idiomas existens en o mundo, más de 200 se han acotolaus en as zagueras tres chenerazions, 538 son en situazión cretica, 502 en serio peligro, 632 en peligro y 607 en situazión “vulnerable”.
L’aragonés y l’asturiano-leonés son, dentro d’o territorio español, dos luengas en situazión “peligrosa”, seguntes a terzera edizión de l’Atlas d’as luengas en Peligro en o Mundo feito por a Organizazión d’a ONU ta la Educazión, a Zienzia y a Cultura (UNESCO), presentau iste chuebes.
Seguntes l’Atlas, l’euskera se mantiene entre as 2.500 luengas en peligro en o mundo, dentro d’a categoría “vulnerable”, una situazión que, seguntes a UNESCO, se produze cuan a mayoría d’os ninos lo charran pero o suyo emplego ye restrinchiu a determinados ámbitos, “lo que ye de traza esclatera a ebaluazión más exacta de l’euskera”, explicó lo filologo finlandés Tapani Salminen.
Si dezimos que no corren buenos tiempos de seguras que ya no ye notizia ta dengún, os sintomas d’ista crisis cada begada son más plateros y istos, como no, afectan a os de cutio; chobens, treballadors, estudians, paraus… Debán d’ista situazión parixe que a clase politica, mas que una soluzión reyal, lo que buscan son apaños ta mantener como siga o sistema que esfiende de raso, a maxima de: “o rico mas rico, o pobre mas pobre”.
O Conzello de Zaragoza no ye ni muito menos una excepzión, ye un eixemplo esclatero d’una politica que ye prou luén d’estar sozial. No emos de parar cuenta que en o malfurrie reyalizau en a materializazión d’a Expo 2008, an que malfurrioron zientos de millons en un prochecto de mas que dudosa utilidat. Agora emos d’endurar istos exzesos en traza de retalles en presupuestos de gasto sozial, casas de chobentut trancadas y ature d’as obras en belunas d’ellas, más que más en o prochecto que se prebaba de fer en l’antiga farinera de San Chusé. No contentos con dixar-nos sin espazios do reyalizar as nuestras actibidaz, tamién nos tallan as pocas libertaz que tenébanos ta fer actibidaz en a carrera con a clamada ordenanza zebica, que bieda reyalizar actibidaz en a bia publica como cantar, minchar, fer malabars y amás, meyán piñoras, enrestidas, redadas, detenzions… Fa bels años ta concar-se con iste problema, se le dió bida a un local albandonau ta creyar-ie un zentro sozial, tot funzionando se i reyalizoron asabelo actibidaz ta chobens y mayors, cursez de baldes, zine, documentals, exposizions, tallers, y asinas asinas. Estió desaloixau en mayo de 2008 con trucazos y porrazos, Rasmia murió pero no pas nusatros. (més…)
Keny naixió en abiento de 1983 en Marsella (Oczitania), en una familia con radizes archentinas.
A las nueu añadas ya eba esalampau de casa suya, pasando por bels internaus, do prenzipió a esmolar as suyas ideyas: «As suyas leis son inmorals, a mia delincuenzia tiene prenzipios» diziba. Bien luego prenzipiaría a escribir rap “me metié a escribir Rap a las 12 añadas, me yera menester, escribiba cosas intimas que me feban onra ta desafogar-me y que alzaba ta yo, y textos prebocadors ta florer a la mierda y sembrar a rebelión.”
Keny Arkana esparde o suyo mensache ta toz os cantons d’o mundo, ixo le fazió plegar en Chiapas “m’intreso por a politica encara que no me reconoixco en dengún partiu, y extraniamén en o zapatismo me trobé. O costau alternatibo y umanista d’o mobimiento zapatista – tot lo que ye a esfensa d’a naturaleza, o ser umano y a suya dignidat y a suya libertat- ye unibersal.”
Podría dezir-se que en 1996 escomenzipió a suya carrera mosical en formar o colectibo Mars Patrie, que dimpués se tornaría en Etat-Major, con qui fería os suyos primers directos en a suya ziudat y en l’año 2003 quitaría l’EP de títol Volume 1. (més…)
Classificat com a: Aragon, Colonialismo | Etiquetes: Belloch, Escrivá de Balaguer, Opus Dei
Tristemén conoixiu por os dragaus de l’Ebro, a relichión en o Conzello de Zaragoza, o banderón colonialista d’a Plaza Aragón… Juan Alberto Belloch, ixe gran democrata. Belloch, ixe gran sozialista. Belloch, ixe gran español.
Por orden d’o siñor alcalde a carrera General Sueiro de Zaragoza pasará a clamar-se San Josemaría Escrivá de Balaguer en bellas semanas. Y ye que o primer edil sozialista, prenió un compromís personal con un responsable d’o colechio mayor unibersitario Miraflores, ligau a l’Opus Dei, y ha dau orden a la conzellera de Cultura, Pilar Alcober (tamién sozialista, ixa que s’arreguiba de l’aragonés) de que adiba iste nombre en o listau de carreras que ban a cambiar o suyo nombre por estar ligadas a o rechimen franquista. (més…)
Classificat com a: Ecolochía
A soziedat que chestiona o zentro ibernal, EIVASA, o Gubierno d’Aragón y o Conzello de Chaca, monezipio en o que ye posau o zentro, han plegau a un alcuerdo ta desbloqueyar ista situación.
O Conzello de Chaca aprebó o miercols 21 de Chinero, en pleno monezipal, o borrador d’o convenio de traza inizial, ya que a comisión informatiba d’Urbanismo lo sacó enta debán, con os botos faborables de PSOE y PAR, o zaguer 14 de Chinero. Con l’alcuerdo se mete fin a una situazión que ha ipotecau o desembolique d’Astún dende fa 17 añadas (seguntes a suya opinión).
(més…)
Gran esconoixiu d’o Pirineo aragonés, Castanesa ye a bal más oriental y encara birchen d’a Ribagorza, ya rayando con Catalunya. Con poco más de 170 abitadors fixos, os suyos pobladors i biben más que más d’a ganadería. Ye una d’as zonas menos poblada d’a ralla a penar d’a suya proximidat con a urbanizada billa de Benás.
