Classificat com a: Aragon, Luenga | Etiquetes: Aragó trilingüe, Aragón trilingüe, Ley de lenguas
Manifestazión Aragón ye Trilingüe
Sabado 16 de mayo, 12.00 oras
Glorieta Sasera (Zaragoza)
Somos sieglos de marguinazión, bergueña y ixubliu. Somos ixe nino carrañau en a escuela por charrar como en casa suya. Somos ixe mozo beniu ta la ziudat que charraba basto. Somos ixe polaco que parla chapurriau. Somos ixa biella que morió charrando igual como sus pais, pero no como los suyos fillos. Somos ixa parola correchida. Somos ixe lugar ixublidau. Somos a rebaixada cutiana
Pero tamién somos dignidat. Somos cultura. Somos resistenzia. Somos ixas luengas que encara no han puesto acotolar. Por ixo, iste cabo de semana ye una fita istorica. Dimpués de sieglos saldremos t’as carreras de Zaragoza ta desichir os nuestros dreitos furtaus. Saldremos a amostrar-ie o nuestro tresoro, o nuestro erenzio lingüistico. So que ixo.
Aragón ye trilingüe, y prou que continará estando-ne.
Hue a 3 anyadas d’ixe mayo royo de 2006, podríanos dicir que as cosas continan igual como en prencipiar, a o caso Atenco lo contina caracterizando a Ilegalidat, a Impunidat y a Inchusticia
N’o recuento d’os danyos, os asesins, os violadors, os asaltadors de domicilios, os fotedors de lapos, os torturadors continan baixo lo manto protector d’Institucions obsoletas y ineficaces, a 3 anyadas os autors materials d’istos feitos, recibión una chapadeta y un cheque d’impunidat d’a Suprema Corte de Chusticia; os autors materials perpetradors dreitos de tal bestialidat, tampoco no han estau castigaus, no i hai sisquiá un policía u melitar en a garchola.
A 3 anyadas, o guvierno corrupto apostó a que istos feitos serían n’o ixubliu y a carmenada y a bestialidat con la que hemos estau trataus sería aprendida por o pueblo ta silenciar cualsiquier chito de disidencia u forau de conciencia social y humanista.
(més…)
