Classificat com a: Aragon | Etiquetes: Billamayor, Federico Sayrols, fosal, Villamayor
Cualsiquiera que faiga una gambada por a partida de Bal d’Atalaya, en Billamayor, rematará trobando-se-ie con un chicot edifizio meyo espaldau en un barzal. ¿Cubillar de pastors? ¿Paridera? O suyo nombre lo diz tot, o Fosal de Federico, construyiu a finals d’o sieglo XIX ta un solenco ombre, un ateu.
Mientres decadas o fosal estió a zaguera morada d’os ninos de Billamayor cualas almas iban t’o limbo: isto ye, d’ixos que moriban sin aber estau baltizaus. “Isto se sabe por tradizión oral -apunta Javier Roche, bezín d’a localidat- pero fa muitismas añadas que no se bi enterreca a dengún”. En reyalidat, sisquiá en Billamayor se remera qui yera ixe Federico que dió nombre a la construczión, dica que Roche escrubió un testamento que lo aclara tot.
Se clamaba Federico Sayrols Campomany y yera un industrial d’orichen catalán que, en 1891, biendo amanar-se a muerte, fazió testamento: “expresa no ser catolico, apostolico y romano -escribió lo notario Juan Francisco Barta sin amagar a suya xorrontadura- y desea que en su entierro se prescinda de toda ceremonia de culto catolico, y que se le dé sepultura como se les da a los que, como él, no pertencen a nuestra Santa religión“.
Carta de Rodrigo Lanza
16 chulio 2009
Plego de rezibir a sentenzia d’o Tribunal Supremo, en a que dictamina la mia dentrada de camín en a garchola, por un crimen que no he feito, perdón, a mia segunda dentrada.
De cabo cuán no sé que pensar, siento muitas cosas de bez, agradeiximiento a la chent que ha creyiu en yo y en a BERDAT antis que no cualsiquier atra cosa, rabia y impotenzia debant d’os y as que se niegan a bier a berdat y que s’estiman más de chuzgar y enchustiziar a o “feble” antis que no chustificar un sistema que parla sobre integrazión, chustizia y democrazia, tot chugando por dezaga d’a cortina a un chuego muito diferent de corrupzión y semisión; rebuto de colera en bier como, no so que me fan sufrir a yo con ista inchustificada condena, sino a muitas personas, amigos, chirmanas y compañeras que han luitau por mantener-se en pie debant d’ista telaraina d’intreses, a la que claman chustizia.
Una sentenzia alazetada so que en intreses politicos y no pas en buscar a o “culpable”, lo meto dentre cometas porque a berdat ye que abrían de buscar-ne dentre ellos.
Isto que soi bibindo, dende l’empezipiallo, ha estau un caso pleno de “irregularidaz”, dende que labón a carrera do tenió lugar tot borrando-ie as pruebas, dica l’actitut d’a Chueza d’Instruczión, que no so que nos negó a posibilidat d’imbestigar, sino que nos refusó todas y cada una d’as nuestras demandas, sin prener as pruebas que alazetan a nuestra inozenzia, como a primera bersión d’o caso, de l’alabez Alcalde de Barzelona, Joan Clos que, en rezibir un informe (d’a polizía, prou que sí), afirmó publicament a bersión de que una mazetera cayó dende un edifizio y trucó a o polizía feriu. Ista primera bersión ofizial confirma a nuestra inozenzia.
No sé guaire bien que rezentar agora reyalment, siento que o mundo se m’esboldrega enfrent d’os güellos, pero de bez me trobo muito mas fuerte que no nunca, no ye l’inte de reblar ni cosa parellana, toda la ira y a impotenzia que tenemos no be quedar-se astí sino salir en busca d’a luita por a berdat, como ye bien sabiu: “si luitas puedes perder, si no luitas yes perdiu”, pues quiero que sepan que no soi perdiu ni muito menos, que continaré luitando dica la mia absoluzión y que no pienso amagar a cara debant d’os mentirols que m’acusan de cualcosa que no he feita, que sé que no me trobo solenco ni que o caso de yo ye l’unico, que contino difuera y por más trancadura u años que me fotan no lograrán callar-me, porque a luita por a berdat ye a luita por a libertat y a penar de saber que estaré dentre cletas no lograrán engarcholar os mios suenios ni as mias luitas que m’amanan ta istos.
Rodrigo Lanza
[Más info]
http://absoluciondetenidos4f.blogspot.com/
