Filed under: Sozial | Etiquetes: 4F, Joan Clos, Mossos, Rodrigo Lanza, Sant Pere mes Baix
O diya 4 de febrero de 2006, en a carrera Sant Pere mes Baix, 55 de Barzelona bi ha una borina de mena “rave” en una casa “ocupada”. A Guardia Urbana (polizía local) tien encordonada la zona. L’inmueble -propiedat d’o Conzello- abría d’estar cusirau por a Guardia Urbana ta pribar o suyo emplego. A reyalidat ye que bi ha una borina an que a chen dentra y sale -mesmo se sabe d’a presenzia de secretas dentro-. Si fa u no fa a las 6.20 d’o maitín a Guardia Urbana dezide biedar o paso por ixa carrera. Bellas personas preban de ficar-se en a borina y unatras simplemén d’esnabesar a carrera. Rodrigo Lanza -dentre atros- demanda que le dixen pasar ta ir t’a boca d’o Metro que bi ha a o canto. Le dizen que se’n baiga ta unatra (muito más luén). Tanimientres se produze una carga. Rodrigo Lanza rezibe un fuerte trucazo con una porra en o tozuelo que le fa sangrar muitismo y cayer enturdiu por tierra. A l’inte d’a carga salen bezins de bels inmuebles que chilan contra la polizía. Cayen obchetos, dentre ellos mazetas. Una, problamén arrullada dende a casa d’a borina, impacta en o tozuelo d’un Guardia Urbano dixándolo ferido grau. Dimpués d’a carga se produzen 9 detenius. Zinco en yeran en a carrera -nunca no estión dentro de l’edifizio, dentre ellos Rodrigo Lanza- y cuatro que salen en ixe inte de l’edifizio. D’os 9 detenius se zeban con tres. Tres sudamericanos con pinta d’alternatibos que yeran en a carrera.
L’alcalde Joan Clos surte de maitins o diya benién en toz os meyos de comunicazión dizindo que una mazeta chitada dende un edifizio eba feriu de grabedat a un guardia urbano. Ista bersión se segundia ora par d’atra en as notizias. De contino l’informe polizial por o que Clos parla d’a mazeta “disparixe”. Clos ye en silenzio dica chinero d’o 2007, que en un programa de telebisión, torna a dizir que “tenié un informe, no remero si oral u escrito”. Como ye de dar dengún no quiere que Clos charre, y iste documento, que por protocolo a polizía le’n entregó, disparixe de tot.
Filed under: muller, Sozial | Etiquetes: BIC, Mullers independentistas d'Aragón
En o 2009 en Aragón no s’ha dau garra muerte por biolenzia de chenero, manimenos son 700 as denunzias presentadas, a ran estatal se plega en alto u baixo as 50 muertes.
Encara que a biolenzia fisica y más que más a d’as bictimas mortals ye a más bistera, por no dizir a unica a la que se l’atorga importanzia dende bels ambitos d’a soziedat, no’n ye a unica, a biolenzia ent’as mullers tien o suyo orichen en as relazions de desigualdat, en o mantenimiento d’una soziedat patriarcal y en una bisión androzentrica d’o mundo. Ta conseguir acotolar ista pasa emos d’esmontar muitos d’os estereotipos y ideyas preconzebidas, clabadas en a nuestra soziedat de traza remanén grazias a una sozializazión desigual y inchusta y que se mueben grazias a o beiclo d’o luengache.
Un luengache que esbalgua de contino a la muller. Cuan isto acayeze a ran indibidual s’achique l’estima d’a colla oprimida, atorgando de traza directa y conszién mayor control a l’abusador. A ran colectibo acayeze lo mesmo, prinzipalmén a trabiés d’os meyos de comunicazión, do a publizidat rebaixa terne que terne a imachen d’a muller ligando-la con estereotipos sexuals irreyals. A trabiés d’o luengache, l’emplego de parolas tan cutianas como “isteria” portan connotazions despectibas ent’as mullers ya que a suya radiz epistemolochica bien d’o griego histerius “matriquera”, ligando a mullers fuera de control y a reyazions desacheradas. En l’ambito laboral, infrabalguando treballos ligaus con a muller. En a educazión, do son pocos os textos pedagochicos que faigan referenzia a mullers en a istoria y más en o tocán a Aragón, y asinas asinas.
Filed under: Aragon, Colonialismo, Cultura, Internazional, Sozial | Etiquetes: Dario Fo
Per Darío Fo
Gran estrapaluzio ha causau o fallo d’o Trebunal Europeyo de Dreitos Umanos d’Estrasburgo que, en almetir a denunzia d’una ziudadana italiana, declara que a presenzia de cruzifixos en as aulas atenta contra la libertat d’os pais ta educar a sus fillos seguntes as suyas conbizions y contra la libertat de relichión de l’alumnalla. Escandaliza más que más a os catolicos apostolicos y romanos. Pero no pas a os cristianos. Perque tamién bi n’ha, de cristianos, que no son apostolicos romanos y no consideran que o símbolo d’a cruz siga a suya balor alazetal. Prou que sí, ye luen d’estar ofensibo ta qui son ateus y no tienen garra relichión, como yo, ni tampoco no me pareix ofensibo ta qui profesan una atra relichión.
L’elemento extraordinario d’a sentenzia, destinada a probocar no nomás escandalera sino que debate y enfrontinamiento, ye o feito de que irrumpe en a pantalla plana d’a reyalidat italiana que bibe – bibirá? – mientes milenios a la güembra d’o poder d’a Ilesia romana. Dende iste punto d’ambista ye a cretica funda a o suyo sinyal per excelencia, a cruz. Propuesto dica agora como una simbolochía imposada, penchada en todas as escuelas, espitals, y as oficinas como sinyal d’identidat d’a nuestra cultura. Una omnibora cultura d’estau. Y os catolicos no renunziarán fazilment a la ideya de que son os chestors d´a relichión de l´estau.
Manimenos, o trebunal europeyo bi ha adibiu que l’alumnalla de todas as edatz pueden interpretar fazilment a presenzia d’os cruzifixos en as aulas como un esclatero sinyal relichioso, que por tanto podría condizionar-les: encara que ye un estimulo ta os ninos y ninas ya catolicos, puet estar un condizionamiento y un trastorno ta os d´atras relichions y os ateus.
En o mio lugar i hai dos BMW, la uno de l’alcalde y l’atro, o d’o mosén.
Siñor alcalde bibe en un chalet con piszina a bels 200 metros d’o bar, pero a suya gran pancha, prominén mesmo dentre os mainates de l’Alcarria, le crosida a portar-se en BMW diya par d’atro, si fa u no fa a las cuatro. A partida de mus.
O mosén nunca no ba t’o bar pero tamién troba sincusa ta luzir cochazo. Lo escosca. O BMW d’o mosén ye blanco, pero no cal escoscar-lo con augua santificada, encara menos con a sudor d’a frén. Ye lo unico que o mosén d’o mio lugar escosca, porque tien una asistenta personal t’a resta d’as cosas que s’empuercan.
En o mio lugar bi ha dos BMW, la uno negro ta ubrir a baraxa y amostrar a carta d’o caziquismo, y l’atro blanco igual como as almas pero tan puerco que ye menester escoscar-lo toz os diyas.
Silvestre Jigo
Os ziudadans d´os bicos más pobres de Lima obtienen como puede l´augua que os suyos gobernants les niegan.
Fa dos anyadas, os abitadors d´os bicos más altizos d´a ziudat- en as estribazions d´os Andes- escomenzipión a experimentar con retes de plastico parellanas en grandaria a las de boleibol (8 metros por 4) ta chupir a boira que nueu meses a l´anyo zaboya las carreras.
Entre que a plebia en Lima no plega en os 40 mililitros a l´anyo y que l´augua de boca ye un serbizio poco cutiano, os bezins d´o bico de Bellavista, en o destrito de Villa María d´o Triunfo han teniu que recurrir a l´inchenio..
O sistema, que ha iu perfezionando-se en iste tiempo, consiste en que os retes de plastico se chipien y biertan as chislas de rosada en condensar-sen en unas canals de fabricación casera. Istos condutos chitan l´augua en tanques d´a grandaria d´una piszina que son instalaus en o cobaixo d´o bico.
D´ista traza, cada 24 oras os limeños obtienen d´a boira uns 500 litros d´augua.
Antiparti d´os emplegos domesticos y alimenticios, os bezins de Bellavista fan serbir o liquido ta creyar chicotz güertos de auto-abastecimiento y ta o cultivo d´arbols de Tara, cuyo fruito contien tanins que s´emplegan ta o tratamiento de muebles de cuero.
L´inbento de capturar a boira bien a paliar una doble zercunstanzia que alticama a os peruanos: per un costau, os suyos ibons tropicals, cada begada más arguellaus, bierten menos augua de deschelo a os rios; y per atro, a duplicación d´a población limeñilla- que güe sobrepasa os güeito millons de abitadors- ha deixado insufizients os suministros d´a ziudat.
Insurgente.org
A parola “payola” bien de l’anglés pay for all (bosar por tot) que ye un bose ilegal que demandan os dueños d’as radios u productors mosicals d’as emisoras a las collas ta meter-los en as transmisions y que sigan sentius por l’audienzia.
Editau por o siello RoadRunner y grabau en os estudeos Electrical Audio de Chicago, baixo los mandos de Steve Albini (Nirvana, Pixies, Neurosis…) Payola ye o 6eno disco d’a colla Berri Txarrak.
Dende Yesca-Madrid nos fa goi combidar-tos a o nuestro I Campionato contra la simbolochía franquista “Placa-Placa a o Franquismo”. ¿O reto? O Campionato consiste en que cada colectibo partizipán consiga o mayor numero de simbolos franquistas quitau d’as carreras d’os nuestros lugars y ziudaz. Seguntes a mena d’alquisizión, se puntuará d’a siguién traza:
- 1 punto: placas d’o Ministerio de la Vivienda (INV)
- 5 puntos: placas de Carreras, Plazas, Abenidas…
- 10 puntos: trozos de molimentos franquistas
L’obchetibo d’iste concurso ye escoscar as carreras de Castiella de faixismo, sacando d’ellas os suyos simbolos y os suyos personaches, ixos que desgraziadamén encara continan presens en os nuestros lugars, remerando lo chenozidio franquista y a os suyos protagonistas, en omenache a os asesins, torturadors, pistolers d’o rechimen qui continan penchaus, tallaus y arixius encara en os edifizios y carreras de muitos lugars.
