Fendo Orella 101.8 FM

Dende Yesca-Madrid nos fa goi combidar-tos a o nuestro I Campionato contra la simbolochía franquista “Placa-Placa a o Franquismo”. ¿O reto? O Campionato consiste en que cada colectibo partizipán consiga o mayor numero de simbolos franquistas quitau d’as carreras d’os nuestros lugars y ziudaz. Seguntes a mena d’alquisizión, se puntuará d’a siguién traza:

• 1 punto: placas d’o Ministerio de la Vivienda (INV)
• 5 puntos: placas de Carreras, Plazas, Abenidas…
• 10 puntos: trozos de molimentos franquistas

L’obchetibo d’iste concurso ye escoscar as carreras de Castiella de faixismo, sacando d’ellas os suyos simbolos y os suyos personaches, ixos que desgraziadamén encara continan presens en os nuestros lugars, remerando lo chenozidio franquista y a os suyos protagonistas, en omenache a os asesins, torturadors, pistolers d’o rechimen qui continan penchaus, tallaus y arixius encara en os edifizios y carreras de muitos lugars.

Tos alentamos a que rechirez en os buestros bicos os nombres de todas ixas carreras por as que garroniamos a sobén sin saber que en ellas s’omenacheya a bel faixista u a bella bictoria d’o bando nazional, a que parez cuenta en as fronteras que encara alzan esculturas, placas y tallaus d’a epoca franquista, y dentre toz, faigamos que disparixcan. Se ferá un acto publico rebindicando a Memoria Istorica con toz os simbolos sacaus y prou que sí, bi abrá premios t’os campions y subcampions: un fantastico lote de productos castellanos y unatro de material combatibo.

Alentar-tos a partizipar-ie y tornemos a dignidat a os lugars castellanos y a qui luitón en ellos contra la dictadura franquista; recuperemos a memoria istorica d’as bictimas d’un rechimen tiranico y asesín.

¡PLACA-PLACA A O FRANQUISMO!
¡ESCOSQUEMOS DE FAIXISMO OS LUGARS DE CASTIELLA!

Si soz intresaus en partizipar-ie, nimbiaz un correu a: yesca.madrid@gmail.com y tos nimbiaremos más informazión.

http://yescamadrid.blogspot.com/

¡Salut y nos biemos en as carreras!