O diya 16 d’abiento de 2009 estió chuzgau en Zaragoza o nuestro compañero Alvaro, acusau d’aber fotiu un cantalazo a un auto d’a Polizía Local o diya 30 de Mayo de 2008, en o bico de Torrero, an yera dende feba más de dos añadas o Zentro Sozial Okupau “Rasmia” y que bi estió desaloixau ixe mesmo diya dentre un granizo espliegue polizial. Fa bels diyas conoixébanos a sentenzia y ayer, diya 26 de chenero de 2010, Heraldo de Aragón publicaba la notizia ocupando si fa u no fa la totalidat d’a suya pachina 11, rezentando-ie tamién lo que pasó seguntes a suya ambista d’os feitos d’ixe diya de mayo. Lo que i pasó estió dimpués d’o desaloix y a retilán situazión de sitio polizial en o bico, una colla de bellas 20 u 30 personas dentre as que se i trobaba o nuestro compañero Alvaro, que eban acudiu ta fer beyer o suyo refirme a o Zentro Sozial Okupau “Rasmia”, se i trobón con un auto d’a Polizía Local y un cantalazo impactó en a finestra d’o copiloto de l’auto. Como consecuenzia d’isto, un d’os tres ocupans de l’auto presentó una ferida de 3 zentimetros en a barba. Antimás os beires d’a finestra le fazión mal en un güello pero no tien perdida d’a bista. As secuelas nomás que son a zicatriza de 3 zentimetros que le ocasiona un chicorrón prechudizio estetico. Poco dimpués d’isto, Alvaro estió identificau por a Polizia Nazional no guaire lexos d’o puesto chunto a dos zagals más. Antiparti, Alvaro no estió deteniu dica o lunes benién diya 1 de chunio en casa suya. Alvaro ye presentau como unico culpable y Heraldo de Aragón remarca terne que terne que “No bi’n ha de confabulazion”, aprezisándose a dizir cualcosa que dengún no ha demandada y que dengún no pensamos…
Filed under: Fendo Orella, Internazional, Mosica | Etiquetes: galiza, O nosso caminho, Skarnio
Coderencia en os actos y eficacia en as trazas, borina, luita y compromís son as parolas que definen a iste colectivo politico-mosical galego.
Skarnio naixió fa ya 12 anyadas en o bico de O Calvario de Vigo, y ha rematau tornando-se en un prochecto a ran nacional galego con integrants en Vigo, A Corunha y Ourense.
Dimpués de librar os suyos dos primers treballos, “A filosofia da acçom da guerrilha urbana” (1999) y “Arredista” (2003) escomencipian a estar una colla reconoixida, portando a ormino dillá de Galiza o suyo soniu ska con furas letras politicas sobre temas como l’independentismo, a luita obrera u a luenga gallega.
En 2008 quitón o suyo tercer disco, autoproduciu con “Arredista Produçons” y baixo licencia Creative Commons. En “O nosso caminho” amuestran o bagache mosical d’istas 12 anyadas. Bi colabora chent como Juantxo “Skalariak”, Almudena “Transilvanians”, Mini “A Quenlla”, Senem “Xenreira”…
Miembros d’a colla
Paulo: Voz; Manolo: Guitarras; Fran: Guitarras ; Xavi: Teclaus; Moro: Baixo; Manuel: Bateria; Alfonso: Trombón; Dani: Saxo altero; Alex: Saxo tenor; Pitxi: Trompeta; Serxio: Saxo altero
Discografía
- A filosofía da acçom da guerrilha urbana (1999)
- Arredista (2003)
- O nosso caminho (2008)
Filed under: Colonialismo, Cultura, Internazional, Luenga | Etiquetes: galego, Galiza non se vende
Dende Galiza Nom Se Vende queremos manifestar o nuestro refuse de tot a o decreto d’o galego d’o PP, un decreto contrario a la normalización d’a nuestra luenga, porque retalla os dreitos d’as personas galegofablants e vieda a labor de normalización lingüística de toda la ciudadanía, que temos dreito a fer-lo servir, por estar a nuestra fabla, a luenga gallega.
Chuntos en contra d’a esferra y privatización d’as nuestras Rías, d’os nuestros monts, asinas como d’aquels espacios que estión de contino ta nusatras escenario y refirme d’a vida, paisache y fogarache en o nuestro caminar galaico, asistimos agora a una nueva enrestida a la nuestra extraordinaria diversidat, d’a man una atra vegada d’un decreto, o decreto d’o galego.
Iste decreto, como atros, mete de manifiesto o desconoiximento de tot respeuto a la reyalidat d’o nuestro país y d’a nuestra cultura por parti de qui nos guvierna. Habendo de tener o guvierno gallego l’esclatero ochetivo de protecher a nuestra lengua, a unica que ye en periglo d’acotolamiento, y no fendo-lo, GNSV se veye n’a obligación de denunciar ista autitut prepotent y destrutiva d’o nuestro patrimonio.
No i reconoix a desigualdat d’o gallego debant d’as atrás luengas y as trata como si estasen en a mesma posición, mete a o guvierno d’a Xunta en promotor d’a desapareixión d’a fabla galega
Ta nusatros ni bi ha la más chicota duda d’a necesidat d’una protección especial ta la nuestra fabla, que se troba en una situación de desigualdat que puede levar a la suya desapareixión, pero dende os esferents guviernos nunca no bi habió una esclatera intención de fer d’o gallego a luenga vehicular d’o nuestro país que ye l’unico camín d’a normalización.
Ta os colectivos que formamos parti de GNSV, como gallegas y gallegos, y conscients d’a nuestra identidat, sabemos que o gallego ye una fabla más, ni millor ni pior que no atras, e tamién como atrás, creyada dende a convivencia a o luengo d’o tiempo d’as personas integrants d’un pueblo, por o que tamién ye patrimonio d’a humanidad, asinas que por ixo, no podemos consentir o que son fendo con ella.
A luenga ye a construcción social que nos mantien chuntos en o más important procheuto coleutivo d’a nuestra historia, porque ye agora y aquí: estar una sociedat sosteniblement relacionada con o suyo entorno, tanto biolochicament como culturalment.
A nuestra fabla ye una ferramienta que nos mantién pegaus a la nuestra tierra y a o mundo en una actitut activa, participativa, creyativa. Y asinas como o nuestro entorno ye como cualsiquier atro d’o planeta, ni más ni menos, – unico, valioso, ubierto – ta enriqueixer o puzzle mundial con atros millons de piezas, asinas a nuestra luenga – con a que contruyimos o nuestro pensamiento – ye a nuestra aportación más valiosa a la cultura universal.
Imos a clavar os uellos dillá d’a infamia, ta dovinar un atro mundo posible:
L’aire será escoscau de tot vereno que no vienga d’os miedos humanos y d’as humanas pasions. En as carreras, os autos serán esclafaus per os cans. A chent no será adugada per l’auto, ni será programada por a computadora, ni será mercada por o supermercau, ni será uellada por o televisor.
O televisor deixará d’estar o miembro más important d’a familia, y será tratau igual como a plancha u o lavarropas. A chent treballará ta vivir, en cuenta de vivir ta treballar. Se i adibe a os codigos penals o delito de jautada, que cometen qui viven por tener u por ganar, en cuentas de vivir por vivir nomás, como canta o paxaro sin saber que canta y como chuga o nino sin saber que chuga.
En garra país serán presos os mesaches que se nieguen a fer o servicio melitar, sino os que quieran fer-lo. Os economistas no clamarán ran de vida a o ran de consumo, ni clamarán vida a la cantidat de cosas.
Os cociners no creyerán que a las langostas (pantigranas u grichas) les fa goi que las escalfen vivas. Os historiadors no creyerán que a os países les cuaca estar invadius. Os politicos no creyerán que a os pobres les fa goyo michar promesas
A solemnidat se deixará de creyer que ye una virtut y dengún no prenerá en serio a cualsiquiera que no siga capaz de fer-se chanza a si mesmo. A muerte y os diners perderán os suyos machicos poders y ni por defunción ni por fortuna se convertirá o canalla en virtuoso caballero.
DAM ye l’acronimo de «Da Arabic MCs», encara que tamién significa «sangre» en arabe (دم) y hebreu (דם). Ye a primera y principal colla de rap palestino.
Formada por Tamer Nafar, o suyo chirmán Suhell y Mahmoud Jreri, levan actuando dende a fin d’os 90. Os tres miembros son naixius de Lod y creixión en o suyo rabal. Lod ye una ciudat an que conviven arabes y chodigos, a 20 kilometros de Cherusalén.
Tamer y o suyo chirmán levaban rapeyando dende 1998 y contactón con Jreri Mahmoud, qui ta par d’alavez ya escribiba las suyas propias letras. De camín decidión ir a comunal y asinas naixió DAM en 1999.
A mosica de DAM ye una fusión unica dentre este y ueste, que combina ritmos de percusión arabe, melodías d’orient meyo y hip hop urbano. As suyas letras son chupidas, más que más, d’o conflicto palestino-israyelí y a resistencia palestina, encara que tamién i fan referencia a la luita por a libertat y a igualdat, os dreitos d’as mullers, o terrorismo y as drogas.
Mosicalment prenen a suya inspiración d’artistas d’o hip hop internacional (Nas, 2Pac, Saian Supa Crew…) igual como d’a mosica arabe, (Marcel Califa, Kazem Saher, George Wassou, Majda al Romi…)
DAM canta en arabe, pero tamién lo fa en anglés, francés y mesmo hebreu. «Os arabes ya saben como viven, hemos d’informar a os israyelianos sobre lo que i pasa». Asinas a colla ha espardiu o suyo mensache en 4 chiras por Europa y as suyas letras han plegau ha fer-se servir dende Universidatz dica manifestacions pro-Palestina arreu d’o mundo.
Discografía
- 1998, Stop Selling Drugs. Album debut, no surtió que a ran local.
- 2001, Min Irhab (Who’s the terrorist?) Con iste vistero títol l’álbum amananixió en Internet y bi estió descargau por más de 1 millón de personas en un mes.
- 2006, Ihda (Dedicatoria) ye o suyo tercer treballo, de vez que o suyo primer disco de distribución internacional.
As dificultatz con as que cuentan os artistas palestinos han feito que DAM no haiga puesto publicar que o suyo tercer disco.
Filed under: Fendo Orella, Internazional, Mosica | Etiquetes: Balkan Beat Box, Gypsy punk
Ori Kaplan y Tamir Muskat creixión, la uno como clarinetista de mosica klezmer y l’atro como baterista d’una colla punk. Cuán se trobón en Brooklyn -atamás d’estar naixius d’Israyel- escomenzipión a tañer chuntos con bellas dificultaz en trobar o suyo estilo mosical, asinas que dezidión creyar-ne uno nuebo. O resultau ye un mezclallo unico de mosica klezmer chodiga con mosica d’o Mediterraneo y os Balcans, de hip-hop, dub chamaicano y ritmos dancehall. Cualcosa que beluns claman “Gypsy punk”.
A la parella Kaplan-Muskat s’adibiría, en abiento de 2006 Yomer Yosef, trancando a formazión actual d’a colla.
L’obchetibo de Balkan Beat yera prener as tradizions mosicals antigas, esbiellar-las con hip-hop y creyar un nuebo mezclallo d’estilos mosicals difuera d’o contexto tradizional de mosica d’o mundo.
De ninos eban sentiu que a mosica tradizional yera obsoleta y no feba onra ta refleixar as experienzias arredol d’a creixién cultura mundial. Crebando ista ideya han puesto portar istas biellas mosicas ta clubs y pistas de baile.
Dentre as suyas influyenzias mosicals se troban artistas como Boban Markovic, Rachid Taha, Fanfare Ciocarlia, Manu Chao u Charlie Parker.
Balkan Beat Box ye un prochecto mosical ubierto, an que gosa de partizipar atros muitos mosicos, igual en conziertos como en l’estudio. Cal destacar que dentre toda ista chen, se i troban tamién rapers palestinos que han feito parti en conziertos de Balkan Beat Box en Israyel.
Discografía
- Balkan Beat Box (2005)
- Nu Med (2007)
- Nu Made (Remixes & Videos) (2008)
Filed under: Aragon, Cultura, Luenga, Mosica | Etiquetes: Déchusban, María José Hernández, nogará, Temps al temps
En Aragón bi ha tres luengas. En Aragón se canta. En Aragón se canta en tres luengas.
En a suya fayena d’amostrar y socializar as luengas aragonesas, l’Asociación Cultural Nogará -con l’aduya d’a chent de Magofermín- ha organizau iste concierto de cantautors aragoneses por un Aragón trilingüe.
Pero ista fita ye muito más que no un concierto, ye una trobada de chirmandat d’as tres luengas que se charran en Aragón -castellano, aragonés y catalán- a traviés d’a mosica d’autor. Tres luengas y tres proposas mosicals d’ixa reyalidat cutiana que reivindicamos.
Porque queremos a igualdat, cooficialidat: charramos y no reblamos.
Viernes, 15 de chenero de 2010
20.30 horas
Refugio del Crápula, C/ Mayor
Filed under: Colonialismo, Internazionalismo, muller, Solidaridat, Sozial | Etiquetes: muller, sembarathi
Sembarathi nos rezenta a suya istoria que corrobora un bideo quitau de Sri Lanka de traza clandestina. Amaga o suyo rostro esfigurau per a pudor y per seguridat, pero tamién per puro despeito. “Por qué tapa o mundo os suyos güellos debant d´o infierno que ye esnabesando lo nuestro pueblo?” se pregunta ista muller antis de prenzipiar a describir-lo.
Me digo Sembarathi y soi naixida de Killinochi (Sri Lanka) fa 39 anyadas. Tiengo una filla de seis anyos y un fillo de nueu. Han perdiu lo pelo per tot lo que les ye tocando beyer mientres os zaguers meses. A sobent se rebellan chilando de nueis.
O 21 d’abiento de 2008, o nuestro lugarón estió bombardiau dende l´aire pero, afortunadament, no yéranos en casa nuestra. En chinero i tornemos ta replegar as nuestras cosas y estiemos bombardiaus de nuebas, ista begada dende un dron (abión no trepulau). A casa d’os nuestros bezins quedó carbonizada y os suyos zinco abitadors ban morir-ie. Poco dimpués nos ne benioron a escar ta trasladar-nos a un espital pero as bombas cayeban dende totz os puestos y no tenébanos do acubillar-nos. Nos ne metiemos en a ilesia pensado que i seríanos seguros pero tamién estió bombardiada. Una bomba de fosforo me cremó a ropa y parti d’a cara.
[Vimeo 8567068]
Bidio grabau en Setiembre de 2009, do Rodrigo Lanza, deteniu y condenau a 5 añadas de garchola (d’os que ya en cumplió 2) por os suzesos d’o 4 de Febrero de 2006 en Barzelona (4F). Nos rezenta lo que reyalmén i pasó, as torturas en comisaría, as irregularidaz d’o chuizio y l’esbenidero…
Actualmén Rodrigo se troba de nuebas en a garchola, ta cumplir-ie a resta d’a condena.
Iste bidio ye reyalizau por a Colla de Refirme a Rodrigo Lanza en Zaragoza.
absoluciondetenidos4f.blogspot.com/
Zaragoza – O puesto lo podrás conoixer en Radio Topo 101.8 FM y en www.noblezabaturra.org o diya 15 de chenero.
BIERNES 15:
19 oras. Presentazión, socalze y audizión a cargo d’o Sr. Mugres
SABADO 16:
14 oras. Chenta popular begana
18 oras. Obra de teyatro “Cosa ye berdat ni mentira” de Lu de Lurdes (Ta totz os publicos).
21 oras. Audizón hardcore punk
DOMINGO 17:
12 oras. Socalze
14 oras. Chenta popular begana
LUNES 18:
19.30 oras. Aizión global contra la guerra y por a esmelitarizazión de Palestina. Procheczión d’o documental “To shoot an elephant”. Presentazión a cargo d’o Colectibo d’obchezión y Antimelitarismo – Alternatiba Antimelitarista. MOC.
(més…)
