Filed under: Fendo Orella, Luenga, Radio Topo | Etiquetes: Academia de l'aragones, ACAR, aragonés, Fendo Orella, Lei de luengas, O Trango, Radio Topo
Baixa y ascuita os nuestros zaguers programas (mp3)
24/02/2010
L’ACAR (Academia de l’aragones) nos presenta la nueva grafia de l’aragones
Fendo Orella – Nueva grafia ACAR
17/02/2010
O Trango nos charra sobre a Lei de luengas
Remera que’n tiens mas en www.archive.org
Levaba poco tiempo en a fabrica, quan una maquina le mosegó a mán. Se l’heba eslampau un filo. Tot querendo agafar-lo, Héctor bi estió agafau.
No carmenó. Héctor se fotió a vida buscando filos tresbatius, fundando sindicatos, achuntando a os espardius y arriscando a mán y toda la resta en a fayena de texir lo que o miedo estixeba. Creixéndose en o castigo, esnabesó lo tiempo d’as listas negras y as anyadas d’a garchola, y esnabesó tamién as redotas y as traidurías y os desanimos. Creyeba en o que creyeba contra tot o esclatero, y asinas estió, contino estando-ne, dica o cabo d’os diyas suyos.
Bi yéranos muitos. Yéranos aguardando en o portegau d’o fosal. Héctor iba a estar enterrecau en o tozal que se pinga sobre a placha d’o Buceo. Bi levábanos asabelo rato, ixa meyodiada grisa y d’airera, cuan uns obrers d’o fosal i plegón portando un atabul sin flors ni chent de duelo. Y dezaga d’ixe atabul dentrón, en procesión, beluns d’os que yeran asperando a Héctor.
¿Se trafucón d’atabul? Qui en sabe. Yera muit de Héctor ixo d’ufrir os suyos amigos a o muerto que bi yera solenco.
D. Mariano Constante Campo, aragonés de Capdesaso (Uesca), combatient en a Guerra Cevil con a 43 División de l’exercito republicano espanyol, a famosa división d’a “Bolsa de Bielsa” estió un melitant d’as Choventutz Socialistas Unificatas. Meses antis d’a fin d’a contienda armada pasó ta l’exilio en Francia en febrero de 1939. Enrolau en una Companya de Treballadors Foranos a o servicio de l’exercito francés, cayó prisionero d’os alemans en chunio de 1940. Estió deportau en o campo de Mauthausen (Austria) por a suya melitancia antifaixista y testigo de tot l’holocausto dica a suya liberación en mayo de 1945. Antimás d’os punibles treballos que soportó, tenió que despedir-se de muitos companyers. En Mauthausen i dentrón 841 republicanos aragoneses, en morindo-ie 474. A suya sobrevivencia tenió muito a veyer con a organización clandestina, a solidaridat entre os presos republicans y o suyo gran sentiu d’a humor.
O companyero Constante estió condecorau con a Medalla a las Valors Humanas por o Guvierno d’Aragón en 2002 zaga de reconoixer o suyo papel como “exemplo vivo d’a luita d’o ser humano contra la intolerancia y por conseguir un mundo an que as personas podamos vivir en paz”. A suya labor tamién ba mereixer bellas reconoxeiduras internacionals.
D. Mariano Constante escribió bellas obras, todas endrezadas a fer conoixer as horrors d’o nazionalsocialismo que ba sufrir en as suyas propias carnes. Istas obras son: “Los años rojos”, “Yo fui ordenanza de las SS”, y “Republicanos aragoneses en los campos nazis”.
Tamién cal destacar a zinta/documental: “Mauthausen, una uellada espanyola”, d’Aitor Fernandez-Pacheco (Chaya films – Francia – 2008/TVE) de 83 menutos sobre Mauthausen, a traviés d’o testimonio de Mariano Constante y d’as suyas vivencias en iste campo nazi.
SOA se quiere solidarizar con toda la familia antifaixista ya que con a perdida de Mariano Constante se pierde o testimonio vivo d’as horrors que os republicanos aragoneses sufrieron en totz istos campos.
D. Mariano….” con la 43, Madre no llore usted, por el mundo en que creo con fe lucharé…”
Articlo traduciu d’a pachina d’o SOA
http://nazionobrera.blogspot.com/2010/02/muere-mariano-constante-un-luchador-por.html
Antismás, as mullers se posaban en a proa d’a canoa y os hombres en a popa. Yeran as mullers qui cazaban y pescaban. Ellas saliban d’os lugarons y se’n tornaban cuan podeban u quereban. Os hombres construyiban as cabanas, paraban a birolla, manteneban enchegadas as cheras contra la fredor, cudiaban a os fillos y tanaban os pelellos d’abrigo.
Asinas yera la vida dentre os indios onas y os yagans, en a Tierra d’o Fuego, dica que un diya os hombres matón a todas as mullers y se metión as mascaras que as mullers heban imbentadas ta fer-les miedo.
So que as ninas recién naixidas se salvón de l’acotoladura. Tot creixendo, os asesins les diciban y les segundiaban que servir a os hombres yera o suyo destino. Ellas lo creyón. Tamién lo creyón as suyas fillas y as fillas d’as fillas suyas.
Filed under: Colonialismo, Cultura, Internazional, Luenga | Etiquetes: galego, galiza
Mientres o PP contina fablando de “presions contra la mayoría social”, a población gallega amostró o 21 de chinero en Compostela y atros puestos d’o país o suyo refuse a o decreto d’o galego en l’amostranza presentau o pasau Aviento, que proposa un modelo lingüistico tripartiu que no amaga os intreses por a imposición d’o espanyol en Galiza.
A chornada convocada por Mocidade pola Lingua y Queremos Galego prencipió con una firme baixa n’as aulas de totz os puntos d’o país, que a plataforma Queremos Galego estima de 90% mientres as fuerzas d’o estau espanyol y a Xunta rebaixa a o 50%. Anxo Louzao, d’o sendicato CIG-amostranza confirmaba a las 10 horas coladas que l’ature yera un “éxito de raso”, igual como Xosé Cabido, d’o STEG (Sendicato de Treballadors/as d’Amostranza de Galiza). En as redoladas rurals l’ausencia en as a aulas estió mayor que no en os puntos urbans.
A esferencia dentre os centros d’amostranza publicos y privaus estió esclatera, por estar istoz zaguers una d’as visteras vanguardias d’a luita contra la luenga de Galiza. L’almenistración se da bando con que garra mayestro d’a privada secundó a vada.
A primera hora d’o maitín dozenas d’autos plegaus dende bels puntos d’o país embozaban as dentradas de Compostela. Arredol d’a 11.30 l’Alameda yera ya pleniza, o que rezagó a salida d’a manifestación dica las 12 horas. Amán d’a 1, bellas 5000 personas prencipiaban a plenar a Plaza do Obradoiro, mientres buena cosa d’as personas manifestants encara no heban saliu d’o punto d’empecipie. Mientres o tracheuto bellas entidatz e comercios carauterizaus por o suyo refuse a o galego, como Antonio Pernas u as Caixas, estió tacaus de narancha. Mazadas como “Nuñez Feijoo, enemigo d’o galego”, “Contra l’amostranza colonial, soberanía nacional” u “Nomás en una Galiza liberada será libre a nuestra fabla” estión chiladas dica la plegada.
A dentrada n’a Plaza d’o Obradoiro mientres a lectura d’o manifiesto estió imposible de tot ta os cientos de personas. En rematar os autos estión cremaus bels sinyals espanyols. Datos oficials cifran l’asistencia en bellas 50.000 personas, numero historico parando cuenta que se trata d’un diya laborable y no sinyalau en o calendario soberanista.
De todas y totz ye sabiu a situación d’as personas que estioron torturadas, detenidas sin motivo y acusadas de cosas que no facioron, asinas como a situación actual de Rodrigo Lanza secuestrau en garchola (de nuevas) igual como Alex y a dentrada bien luego de Juan, de Patricia y de Alfredo.
Que pensemos que’n ye una inchusticia ye muito bien, pero hemos de dar-le a importancia que ye menester, asinas ves t’a manifestación, y no so que ixo, diya par d’atro bi ha muito que fer.
¡¡¡ESCRIBE-LE!!!
Rodrigo Lanza Huidobro
C.P. Quatre Camins (MR3).
Ap. Correus 335
Granollers (Barcelona) 08430.
Ta saber-ne más:
http://absoluciondetenidos4f.blogspot.com/
Vidio:
http://www.vimeo.com/8567068.
Orlando Goicoechea reconoixe as fustas por a ulor, de qué arbols bienen, qué edat tienen, y ulorándo-las sabe si estión talladas a ora u a desora y les debina os posibles contratiempos.
El ye fustero dende que feba os suyos propios chugez en o tarrau de casa suya d’o bico de Cayo Hueso. Nunca no tenió maquinas ni aduyans. A man feba tot lo que fa, y d’a suya man naixen os millors muebles de La Habana: mesas ta minchar zelebrando, leitos y sillas que te fa duelo de debantar-te, almarios do a la ropa le cuaca quedar-se.
Orlando treballa dende l’amanixer. Y cuan o sol se’n ba d’o tarrau, se tranca y enchega o bidio. Dimpués d’un puyal d’años de treballo, Orlando s’ha feito o presén de mercar-se un bidio, y bi beye una zinta par d’atra.
No sabeba que yeras deleroso por o zine le diz un bezín.
Y Orlando le’n explica que no, que a él o zine le bufa la pocha, pero sino por o bidio no podría aturar as zintas ta estudiar-ie os muebles.
