Filed under: Aragon, Sozial | Etiquetes: Borobia, Manubles, Mina, Torrubia, Villalengua
IV Festival de Resistencia contra la Mina de Borobia (y o fosal de repuis nucleyars de Torrubia)
A la menaza d’una mina a cielo ubierto en a localidat de Borobia, en as ripas d’o Moncayo, estianyo s’adibe a candidatura de Torrubia t’acubillar o fosal de repuis nucleyars (ATC). Doble menaza, doble ilusion. Os chovens de Villaluenga han parau ta iste chueves 1 d’abril, en a suya quatrena edicion, una respuesta mas cerenya d’o Festival de Resistencia -si puestar- contra la Mina de Borobia (y estianyo tamien contra o fosal nucleyar de Torrubia).
Una calendata y un puesto do complegan as ganas de resistir y vivir d’os lugars d’a val d’o Manubles, chunto con os d’a Isuela, l’Aranda, a Ribota…
Manubles no rebla.
No a la mina de Borobia.
Filed under: Colonialismo, Internazional, Internazionalismo, Solidaridat, Sozial
En o pasau 18 de chinero, Leonard Peltier, un indio americano activista, escritor, artista y candidato a o Premio Nobel d’a Paz de 2007 fació 12.400 diyas en a garchola en una celda d’os Estaus Unius.
En 1975 estió acusau d’a muerte de dos policías d’o FBI. Dimpués d’encorrer a un fuchitivo dica hue no identificau, os dos achents estión mesos en un tiroteyo dentro d’a reserva de Pine Ridge, en l’estau de Dakota d’o Sur. En o meyo d’o revolicio, dos disparos, morindo-ie tamién Joe Killsright Stuntz, perteneixient a la tribu Lakota, ta qui nunca no estió ubierta una investigación creminal.
Dimpués d’o incident, o FBI desembolicó una violenta operación de cazata que remató con engarcholamiento de Bob Robideau y Dino Butler, os dos pertenecients a la comunidat Lakota de Pine Ridge. Leonard Perltier estió extraditau dende Canadá, desichindo lo gubierno d’ixe país a condición de albandono d’a pena de muerte a las autoridatz norteamericanas.
En abril de 1977 Leonard Peltier estió condenau a dos cadenas ta cutio por a muerte d’os achents Jack Coler y Ronald Williams. En a base d’acusación bellas pruebas d’o crimen estirón fabricadas por lo FBI. A evidencia balística comprobó que l’arma emplegada por Peltier no estió a mesma que amortó a os dos policías. Tamién o FBI obtenió declaracions falsas baixo coacción de testigos, como lo caso de Myrtle Poor Bear, que escribió tres declaracions diferents, una d’ellas dicindo-ie que yera a parella de Peltier, quan el nunca no la heba conoixiu
En o pasau 28 de chulio a comisión federal achuntada ta l’aplicación d’a libertat condicional decidió no absolver a l’activista indio. Ta que o preso estase absolviu a comisión habría d’obtener una confesión de culpabilidat en relación a os crimens, u siga, Peltier tenía que mentir ta estar perdonau y liberau por as autoridatz.
Por no haber seguiu iste absurdo criterio, Leonard Peltier contina preso y tasament será ascuitau dica dentro de vente anyadas, quan una atra comisión decida fer un nuevo analís d’o proceso.
Dentre a indiferencia y o desconoiximiento que existe d’ista demanda, continan pasando los diyas d’iste inchusto engarcholamiento.
Filed under: Fendo Orella | Etiquetes: A Enrestida, Històries del Paradis, Xavi Sarrià
Conoixida la suya faina mosical como cantaire d’a colla Obrint Pas, Xavi Sarrià en ha desembolicadas atras muitas. Ha feito parti de prochectos como Radio Klara, L’Avanç u L’Accent en l’actualidat.
En as suyas parolas “La literatura et dóna més llibertat que la música” y hue nos presentara o suyo primer libro “Històries del Paradís”.
“Un conte de llibres que sorprendrà, no perquè l’haja escrit “el cantant d’Obrint Pas”, sinó perquè és un llibre ben fet i dóna una visió valenciana del món mentre anem caient als jardins d’un paradís en crisi, consolant-nos amb un: “Fins ara tot va bé”.
Feliu Ventura, cantautor.
ZSA A Enrestida
Callizo San Cristobal (Bico d’a Madalena)
19.00 horas
Domingos, viernes y miercols, hemos iu cambeando de diyas, tamien de voces, pero Fendo Orella continamos con a mesma rasmia y ilusion que en o primer programa. Rasmia y ilusion que hemos compartiu con as luitas a las que hemos ampradas a voz, y con o puyal de convidaus y convidadas que han adibidas as suyas voces con as de nusatrxs y a comunal han plegadas en l’aire a travies d’o 101.8 FM.
Hemos sentiu arrienda vegadas que resistir ye vencer, pues nusatrxs levamos vencendo 6 anyadas, semana par d’atra nos negamos a disparixer. Nos negamos a que l’aragones disparixca y lo femos fendo servir ista luenga como una ferramienta de resistencia, de comunicacion, de luita. Resistimos y enristimos: un cutiello doblement esmolau.
Por atras 6 anyadas mas plenando l’aire de luita y resistencia
Por atras 6 anyadas mas de Radio Topo.
Salut.
Filed under: Fendo Orella, Radio Topo | Etiquetes: AEK, Chorche Romance, Fendo Orella, Inglorious Basterd, Mario Sasot, Radio Topo, Xavier Sarrià, Xunta
Fendo Orella
6eno cabo d’anyo
Marzo 2010
Todas as luitas que cullen en una luenga
Miercols 17
Programa especial “Luengas de resistencia”
Charramos con a Xunta pola defensa de la Llingua asturiana y l’AEK de Baztan (Navarra)
De 19 a 20 horas
Radio Topo 101.8 FM
Miercols 24
Programa especial “Comunicacion en luengas minorizadas”
Con Mario Sasot (periodista y mayestro) y Chorche Romance (periodista y historiador)
De 18 a 20 horas
Radio Topo 101.8 FM
Chueves 25
Procheccion cinta “Maldaus Bordes”
Inglorious Basterds (Q. Tarantino) en V.O. con subtitols en aragones
Cine con palometas de panizo y pinchos vechetarianos
20.30 horas
ZSA A Enrestida (Callizo San Cristobal)
Viernes 26
Presentacion d’o libro “Històries del Paradís”
Por o suyo autor Xavi Sarrià (Obrint Pas)
19.00 horas
ZSA A Enrestida (Callizo San Cristobal)
Filed under: Aragon, Luenga | Etiquetes: Aragó, franja, Josep Guardia Lahosa, matarranya, Temps al temps
Prop del riu a on s’ofegue la sort, segons a quin cantó tindràs més dolor o més sort, la diferència entristeix lo cor del jove quan aprèn la lliçó. Terra de ningú, l’han fet culpable del dolor, la humanitat s’equivoque segon a segon, per les mentides dels seus salvadors. Però l’aigua mos mulle i cure les ferides que els antics homes van deixar al seu pas, sense preguntar… Quan mos parlen sabem escoltar, quan mos ensenyen sabem opinar, però mos criden i natres alcem la veu; Quan mos obliden, és quan ensenyem les dents, sol cal creuar el riu i ningú pare a la corrent. Lo riu de la sort i la tragèdia, segons a quin cantó hi haurà més dolor o més sort, aquella franja fictícia, invent dels teus salvadors. Al riu Algars, a la seua gent, a la seua terra, a la nostra llengua.
Josep Guardia Lahosa.
Una ventena d’interpresas que cotizan en bolsa y famosos d’a grandaria de Buenafuente, El Follonero, Gasol, Melendi, Angels Barceló, Michael Robinson, Juan José Millás, Javier Mariscal, Fernando Romay, Carlos Sainz, Ferrán Adriá… participan (no sabemos si a cambio de bella cosa u por motivos ideolochicos personals) en ista nueva campanya publicitaria y de marketing titulada “Isto lo apanyamos dentre totz” que preba de retornar l’optimismo perdiu, y de vez, fer-le una man a l’alicayiu gubierno.
Un eslogan: “isto lo apanyamos dentre totz”, ta no preguntar-se qué y quí son os responsables d’a situación de miseria y necesidat an que son caitos cientos de milentas de personas. Que o capitalismo “hispanico” ye en crisis, que vustet ye desemplegada, que no plega a estar nian mileurista, que ye espantau por o panorama laboral, no’n importa, una crica de famosos (muitos d’ells millonaires) han decidiu de debantar-le l’animo, porque dicen que tot ye un problema d’optimismo, y que totz chuntos (se referirán a capitalistas y treballadors/as) podemos salir d’a crisis. O desclasamiento ye serviu, o tufo a dictau dende as tucas socialdemocratas, tamién en ye.
A campanya publicitaria en radio y televisión tendrá una duración de dos meses, manimenos as atras accions continarán dica l’empecipie d’o verano.
As interpresas participants son Telefónica, Iberia, El Corte Inglés, BBVA, Banco Santander, La Caixa, Caja Madrid, Repsol, Cepsa, Endesa, Iberdrola, Red Eléctrica, Mapfre, Renfe, Abertis, Mercadona, Indra y a patronal d’a construcción, Seopan.
Una campanya organizada por a Fundación Confianza promoverá l’optimismo dentre a ciudadanía ta quitar-nos a pasividat y fer frent a la crisis. O 70% d’a cayita d’o consumo en l’estau espanyol se debe a motivos exclusivament psicolochicos, dicen.
A incertidumbre, o pesimismo, o miedo u a pasividat son beluns d’istos elementos, y totz ells pueden fer (y de feito ya ha ocurriu en atros casos) que una crisis se prolongue en tiempo dillá d’o que marcan os endicadors economicos.
“Queremos cambiar l’actitut d’a sociedat, pasar d’una actitut pasiva enta una activa”, explanica Javier Gomez-Navarro, president d’o Consello Superior d’as Camaras de Comercio (y que estió menistro de Comercio con Felipe González).
A campanya cuenta con una web: “Estoloarreglamosentretodos.org” an que os ciudadans pueden recentar o suyo caso de superación. Tamién a traviés d’a pachina se pueden conoixer iniciativas e historias d’esfuerzo y inchenio que alienten a comportamientos favorables.
A dengún no se le fa estranio cuan muere un hombre de cuasi 90 anyadas. Ye tan natural como a luz d’a luna, tan común como un Arco San Chuan dimpués d’una ruixada de verano.
Manimenos, o deceso de Howard Zinn nos sorprende. Ye cierto que iba a fer 90 anyos, pero con tot y con ixo yera un sobrebueno conferenciant con brilo en os uellos. O suyo sentiu d’a humor feba a os suyos discursos una beroya purna y humanizaba os suyos escritos.
Zinn ye probablement millor conoixiu por a suya obra mayestra “L’atra historia de Estados Uniu”, con vendas de millos d’exemplars. Yera enreligau en a corrient “historia dende o cobaixo” y escribiba dende l’anvista d’o seutor más baixo d’as sociedatz, y no d’o más altizo. Escribió sobre os esclavos negros que luitaban por a suya libertat, os indichenas que luitaban por a suya soberanía, os treballadors blancos y pobres que luitaban por o suyo dreito a fer sendicatos, as mullers que luitaban por o dreito a treballar y a votar, y tamién sobre os soldaus, homosexuals, presos y estudiants que luitaban ta aprender a historia de o suyo país.
Encara que Zinn yera un brilant historiador, que ubrió nuevos camins de pensamiento, el no escribió sobre os pobres con distancia academica. Ba creixer en una desesperant pobreza, se inscribió en a Fuerza Aerea mientres a Segunda Guerra Mundial y se fació piloto de bombardeyo. En salir d’o servicio melitar, aproveitó l’aduya economica federal ta estudiar en a Universidat de Columbia en Nueva Cork, an que recibió o suyo doctorau.
Mientres continaba con os suyos estudios superiors, feba clases en a universidad Spelman en Atlanta (Georgia), an que aprendió cosas inesperadas, porque o movimiento de Dreitos Cevils d’os negros heba rechitau y bi habió protestas estudiantis contra o sistema estadounidenco d’apartheid. Cuan yeran espardindo fuellas, bellas activistas de Spelman, una universidat mullers negras estioron detenidas y menazadas por a policía, que les prohibió repartir fuellas.
Zinn, o mayestro de Dreito Constitucional y de Historia Churidica ta muitas d’istas estudiants aprendió que as parolas d’os libros de dreito y d’os casos churidicos no’n significan mica en o mundo d’a vida reyal d’o sistema d’apartheid en Georgia. En o suyo libro “Las declaracions de independencia”, publicau en 1990, Zinn escribió:
“A lei yera esclatera. Una serie de decisions d’a Suprema Corte fación posible o dreito a repartir fuellas en una carrera publica. Sería difícil trobar-ie cosa ás determinant que no isto. Ye lo que les dicié a las mías alumnas. Pero paré cuenta en que tamién heba de decir-les cualcosa más: que a lei, rai. Si ellas yeran repartindo fuellas en a carrera Peachtree y un policia blanco (totz os policias d’Atlanta yeran blancos ta par d’alavez) plegaba decindo “Muevan-sen-ne!”, que ye lo que podaban fer?”
Asinas yera la vida en Atlanta e 1961, y o movimiento l’amostró a Zinn muitas d’as reyalidatz d’Estau Unius.
Howard Zinn. Historiador. Activista. Dramaturgo. Escritor prodichioso. O pai d’o movimiento de “L’atra historia”. Amigo.
Dende o corredor d’a muerte, soi Mumia Abu-Jamal.
…………………………………….
Muitas d’as obras de Howard Zinn han estau publicadas en l’estau espanyol por a editorial Hiru de Euskal Herria: “La otra historia de EEUU”, “EEUU, por qué tener esperanzas en tiempos difíciles”, a suya autobiografía “Nadie es neutral en un tren en marcha” y as obras de teyatro “Emma” y “Marx en el Soho”.
