Filed under: Aragon, Colonialismo | Etiquetes: 29 de chunio, 29 de junio, 29 de juny, nueva planta
“Considerando haber perdido los Reinos de Aragón y de Valencia, y todos sus habitadores por el rebelión que cometieron, faltando enteramente al juramento de fidelidad que me hicieron como a su legítimo Rey y Señor, todos sus fueros, privilegios, exenciones y libertades que gozaban y que con tan liberal mano se les habían concedido, así por mí como por los Señores Reyes mis predecesores, particularizándolos en esto de los demás Reinos de esta Corona; y tocándome el dominio absoluto de los referidos reinos de Aragón y de Valencia, pues a la circunstancia de ser comprendidos en los demás que tan legítimamente poseo en esta Monarquía, se añade ahora la del justo derecho de la conquista que de ellos han hecho últimamente mis Armas con el motivo de su rebelión; y considerando también, que uno de los principales atributos de la Soberanía es la imposición y derogación de leyes, las cuales con la variedad de los tiempos y mudanza de costumbres podría yo alterar, aun sin los graves y fundados motivos y circunstancias que hoy concurren para ello en lo tocante a los de Aragón y Valencia”
Decreto de Nueva Planta
29 de chunio de 1707
Filed under: Colonialismo, Fendo Orella, Internazional | Etiquetes: La Roja, South Africa, Sudafrica
En a puerta bi ha un chicota crica de vichilancia que pregunta ta do vas. “Tiengo una cita con o bispe”. “Un inte” responde l’improvisau guarda antes de no mirar-se en una lista ta comprobar que s’aspera a un periodista a ista hora. A Catedral Metodista de Johannesburgo ye un bestial edificio construyiu con a mentalidat d’amostrar a gloria y poder d’a suya ilesia en o mesmo centro de negocios d’a ciudat. Pero huei a suya grandaria fa honra t’atras fins, pues ye capable d’acubillar dica 2.000 refuchiaus africanos -más que más zimbabuenses, encara que tamién bi’n ha de países como lo Congo, Ruanda, Sudán u Somalia- “apadrinaus” por o bispo Paul Verryn.
Verryn ye un viello conoixiu d’as luitas socials sudafricanas dende as anyadas 80, quan yera pastor d’una chiqueta parroquia de Soweto y s’adedicaba a oficiar os enterrecos d’os activistas asesinaus por a policía. Talment por que ya las ha vistas de todas as colors no se le veye mica alticamau devant d’a orden de destitución d’o Consello Metodista Sudafricano. “O Consello ha reblau devant d’as presions d’o Gubierno a o que l’estorban os refuchiaus -cuenta, a tamás d’a viedadura expresa de parlar con a prensa- pero toda la congregación ye muito chunta arredol a iste prochecto y van a fracasar”.
Verryn y “os suyos refuchiaus”, como los clama la prensa local, son en reyalidat victimas d’o Mundial. Y antimás no’n son as unicas. Por tot o país bi ha milentas de personas, más que más as más pobres, que son estadas esplazadas por a construcción d’infraestructuras directa u indirectament ligadas con a fita, que han vistas cómo a suya traza de vida pasaba a estar criminalizada u que, como en o caso d’os refuchiaus d’a Catedral Metodista, sencillament “estorbaban”. Se trata de l’altra cara d’o Mundial, d’a chent que dificilment tendrá bella cosa que celebrar encara que a selección d’o suyo país lograse plegar en a final y devantar-ie a codiciada copa.
“Fa más de seis anyadas que mantenemos o nuestro programa d’asistencia a refuchiaus y indichents sudafricanos y nunca no hemos teniu dengún problema, sino que hemos reciviu a-saber-lo muestras de refirme por parti d’o Gubierno”, contina Verryn, pero tot amanándose o Mundial as cosas prencipión a cambiar. “O suyo argumento ye que quieren achiquir a inseguridat, pero con isto son dicindo que os pobres son totz criminals? -se pregunta- En reyalidat de lo que preban ye amagar a pobreza como si estase polvo que s’escoba baixo l’alfombra. No quieren que o mundo conoixca la verdadera Sudafrica”.
L’actitut ye a clau esferencial d’o rock. Sin ella, soque i trobaríanos una opción estetica, un feble embolique que s’esbafa malas que lo estapamos.
A colla Governors se caracteriza más que más por a suya actitut vital, tan cerenya y intensa como positiva y creyadera.
“Frenetikodrome” ye o títol d’o suyo segundo disco. Un melodico y treballau espacio mosical con un sobrebueno tratamiento de voces, que se recreya en una colla cerenya y vistera a ran audio-visual.
Iste concepto artistico-mosical d’a colla ubre o pote d’a suya verdadera esencia, y redama la rasmia que le caracteriza. Mantienen un altero ran compositivo y o disco sona actual. A humanidat d’as suyas letras, fa o poder d’acertar siempre en o reyal, en o valido, transmitindo mensaches y comunicando ideyas que sin duda nos fan creixer tanto personal como culturalment. “Frenetikodrome” ye un chuego mosical en o rafe d’o salto d’a vida.
O nuevo disco, ye estau grabau por Haritz Harreguy en l’estudio Hi Gain, masterizau por Jonan Ordorika en Mamia estudios y produciu por J. Sang y o mesmo Haritz. En iste nuevo treballo Governors nos presenta once temas nuevos y bi incluye a canta y o vidio-clip “Kristal Kolpatuak”, que cuenta con a colaboración d’Eñaut Elorrieta (Ken Zazpi) y Sorkun. Dita canta y vidio se fación servir ta presentar o festival Hatortxurock d’o 2009 y amás surtió ganador d’o festival de cine y vidio vasco en a suya pasada edición.
Todas as mosicas y seis d’as letras son composicions d’o cantaire J.Sang, qui ha contau en a resta d’as parolas con a colaboración d’Eider Zumalde, Aitor Antruejo u o mesmo Fredi Paia. Governors tornan a enrestir con un disco activo y directo que alienta rock’n'roll por totz os cabos.
http://www.myspace.com/governorszone
Filed under: Aragon, Cultura, Luenga | Etiquetes: Charraire, Pandicosa, Panticosa
A fiesta d’as luengas d’Aragón. 12 chunio. Pandicosa. La festa de les llengües d’Aragó. 12 juny. La fiesta de las lenguas de Aragón. 12 junio. Panticosa.
