Replega de vidios feita por Galiza Contrainfo sobre as mobilizacions y actos independentistas con enchaquia d’o diya d’a Patria Galega en Compostela.
24 de chulio
Concentración de NÓS-UP contra o Chacobeu y acto d’AMI en a plaza 8 de Marzo.
http://blip.tv/file/3942429
Manifestación de BRIGA y pasavillas d’a chovenalla d’AMI.
http://blip.tv/file/3942272
Ceivar – III Cadena humana por a libertat d’os presos independentistas.
http://blip.tv/file/3934783
Conferencia de prensa de Causa Galiza.
http://blip.tv/file/3934416
25 de chulio
Manifestación de Causa Galiza.
http://blip.tv/file/3934240
Chornadas sobre as luengas y cultura d’Aragón en o 10eno cabo d’anyo de l’Asociación Cultural O Trinquete (ACOT) d’Arandiga.
Chornadas sobre as Luengas d’Aragón
Viernes 30 de chulio
22.00 Prochección d’audiovisuals “Tradicions y luengas d’Aragón”
Sabado 31 de chulio
11.00 Exposición “A luenga d’o corazón” de materials en aragonés (libros, discos, comics…) por l’A.C. Ixes de Reclizas. Sabado y domingo de 11.00 a 13.00, y de tardes de 17.00 a 20.00.
18.00 Charrada “Historia d’o movimiento social por as luengas d’Aragón” por Dabi Lahiguera. Rufierta “Rechira y recuperación de l’aragonés en a Val d’o Xalón” con as asociacions La Replaceta, Nogará-Religada, Ligallo de Fablans, L’Albada y l’Academia de l’Aragonés.
21.00 Cena popular
22.30 Concierto acustico “Dechusband” (Folk-pop)
Sabado 14 d’agosto
22.00 Cine de verano
Domingo 15 d’agosto
08.00 4ª Cursa senderista popular. D’Arandiga ta Villanueva de Xalón.
10ena Trobada por a Cultura aragonesa
Sabado 28 d’agosto
11.30 Tallers infantils
12.30 Teyatro infantil “O yayo volador” (Algabenaires/Nogará-Religada)
14.00 Chenta popular
18.00 Gymkana. Chuegos tradicionals aragoneses.
18.30 Concurso gastronomico “Tortiellas arandiguinas”
19.30 Pasavillas con l’Asociación de Chigants de L’Almunia y Profés Prou.
21.30 Cena popular
23.00 Concierto d’Ixuquera, Hababaura, Alkol 96 y Petrikas.
Ta saber-ne más:
http://acotarandiga.blogspot.com
Filed under: Aragon, Meyo Ambién, Sozial | Etiquetes: Carrasca Rock, Ejulve, incendios, Xulb
O Carrasca Rock ye un festival de collas de mosica d’esferents estilos que se mira d’empentar as collas chovens aragonesas. Tamién ye una fita que reivindica o dreito a vivir en os nuestros lugars dignament, desembolicando actividatz culturals y festivas en o meyo rural ta fer-lo más vistero y dinamico.
Ista 5ena edición ye muito especial, son cinco anyos organizando conciertos en Ejulve y amás se ferá un anyo d’os bestials incendios que esferrón os nuestros monts. L’Asociación Carrasca Rock ye vinclada a la Plataforma Ciudadana “Nuestros montes no se olvidan”.
Viernes 23 de chulio:
20:30 Rarezas
23:30 El Enchufado del Carclero, Manolo Kabezabolo, Huellas de Barro y Apelo
Sabado 24 de chulio:
20:30 A Compañía de Chesús
23:30 Ixuquera, Lilith, Azero y Los Draps
Dentrada y acampada de gufanya.
Prés populars en a barra.
Se i ferán cenas populars os dos diyas a las 22.00 horas, pré de 7€ (cal reservar en o mail carrascarock@hotmail.com)
Ta saber-ne más:
http://www.turismoandorrasierradearcos.com
http://ejulvecarrascarock.wordpress.com
Presto. Voi ent’o treballo. Ye de maitins. Baixo t’a carrera con a mosica d’o dispertador encara en o tozuelo. Badallo. Tot remerando a letra en asturiano d’ixa canta marcho camín ta l’aturada d’o bus. Una colleta de mesachas ya i aguardan, ascuito, son rumanas. A escape plega o bus y nos ne puyamos totz. Debant de yo una muller que viste una chambreta con parolas en anglés. A o canto d’ella, un atra porta un bolso en francés. Marcho ta zaga. Un viello agradeix a una mesacha suramericana que l’haiga deixau o posiento, cadagún en o suyo castellano. Ella pilla d’o sulero a suya mochila, do escribió con rotulador negro en letras chinas o nombre d’o mesache que le feba goi. Contino más ta zaga. Astí una choven mai, con a suya filla y a promesa que se fació quan ella naixió tatuada en arabe en o suyo brazo. Me miro contino a un choven piquero con un entrepan en papel de plata, escribe un sms de buen diya en catalán a la suya parella. En o posiento d’enfrent una estudiant d’alemán repasa las zagueras leccions en o suyo e-book. Contino enta zaga. A o canto d’a puerta, de piet, un senegalés con mosica wolof a tot estrús. Yo tamien ascuito mosica en o mobil, agora ye sonando una canta en occitano. Y pienso en aragonés: por qué dimpués nos dicen que ye tan dificil entender-nos?
Filed under: Aragon, Luenga | Etiquetes: Academia de l'aragones, ACAR, aragonés, Ortografía
En que se fizo publica la Propuesta Ortografica Provisional de l’Academia de l’Aragonés (febrero de 2010) s’ubrió un plazo de dos meses ta que os miembros d’a comunidat lingüistica analisasen o documento y ninviasen esmiendas ta correchir, amillorar u aportar puntos de vista particulars. Como ya ye sabiu, ixa Propuesta se chestó durant tres anyadas de treballo, basando-nos en una metodolochía rigorosa, lo esprito de consenso y a coherencia. Pasan de cient as esmiendas recibidas, d’as que n’hemos dau treslau a 93 que cumpliban, alto u baixo, los requisitos planteyaus. Atras que yeran solas opinions, u que no materializaban esmiendas concretas, s’han refusau como tals esmiendas (anque han estau leyidas y mereixen os nuestros respectos) y no las contestamos aquí.
Hemos numerau as esmiendas ta poder seguir un orden y tener-las referenciadas. Belunas han estau acceptadas y belatras no, pero todas nos han serviu ta revisar, reflexionar y fer comprebacions. Belunas planteyaban simples, pero importants, correccions d’errors; atras pretendeban cambios sustancials de difícil encaixe en una propuesta que ha naixiu d’o consenso entre muitos puntos de vista diferents. A totz es esmendants lis queremos contrimostrar un profundo agradeiximiento, que ye cierto y sincero, y esperamos d’ells a comprensión por a dificultat d’o nuestro treballo y l’absolución si en bella cosa nos hemos trafucau. Valoramos as horas invertidas en o treballo porque sabemos de primer man quánto cuesta analisar os documentos (a propia Propuesta, Edacar 6, y o Documento de Prencipios y Criterios, Edacar 5), apercazar l’alcance d’a normativa, valorar o que ye esmendable y plasmar-lo por escrito, en muitos casos con una excelent altura scientifica. Lo valoramos y l’agradeixemos.
En bells documentos presentaus no se leyen con claridat quantos simbolos, especialment foneticos u fonolochicos, segurament por no haber-los incrustau os autors en os archivos. Debant d’ixo no podemos fer res, encara que o sentiu u o conteniu d’a esmienda queda esclatero de todas trazas.
Contino van as esmiendas y, agora ya sí, se podrá comprebar a suya incidencia en a Propuesta Ortografica que en istos zaguers meses hemos rematau y li hemos tirau a provisionalidat.
Gracias y a seguir treballando por a luenga.
Filed under: Fendo Orella, Mosica | Etiquetes: Jose Ripiau, Txaranga Farrantxi
Joxe Ripiau, colla euskalduna de mosica fundada por Iñigo Muguruza. O suyo nombre vien d’una variant d’o merengue dominicano clamada perico ripiao.
A colla yera formada en os suyos empecipiallos por Iñigo Muguruza (baixo y guitarra), Jabier Muguruza (curdión) y Sergio Ordóñez (güiro y percusions), encara que en 1998 se bi adibió Asier Ituarte (trombón), pasando a estar un quarteto.
A suya mosica yera una mezcolanza de reggae, ska, ritmos latinos y parolas liricas u socials en euskera. Ligau a la colla existiba Txaranga Farrantxi, do Iñigo deixaba o baixo y tanyeba percusions, d’ista traza Joxe Ripiau se tornaba en un pasavillas.
Historia
Joxe Ripiau se fa en 1996, en tornar Iñigo Muguruza d’un viache ta Puerto Rico. Inspirau por as collas de perico ripiao decidió fer un combo de mosica caribenya. Ta part d’alavez Iñigo feba parti de Negu Gorriak y prene chunto a o suyo chermán Jabier y Sergio Ordóñez a colla como bella cosal puntual.
O primer álbum d’a colla estió Positive Bomb, grabau y publicau a tot estrús en os estudios Katarain, yera un breballo d’estilos: raggamuffin, cumbia, ska y reggae (bi amanixión dos versions de clasicos d’o ska: «Cherry Oh Baby» d’Eric Donaldson y «Pressure drop» de The Maytals). Bi colaborón, entre atros, Fermin Muguruza y Andoni Basterretxea (antigo cantaire de Delirium Tremens, colla en a que tamién militó Iñigo). A publicación de l’álbum creyó rumors sobre a deseparación de Negu Gorriak y encara que os miembros d’a colla lo desmintión en una entrevista, Fermín anunció a fin de Negu Gorriak en octubre. Iñigo decidió allora continar con o prochecto Ripiau.
Por Chulia Barrau.
Escribo isto horas antes que no prencipie o zaguer partiu d’o mundial, quan encara las ciudatz son plenas de sinyals espanyols por bars, botigas y finestras. Quan millons de personas que han puesto fuyir d’ixa vida suya plena de miserias visten as chambretas oficials, pelucas u qualsiquier catatico con as colors nacionals.
Muitas cosas bullen por a mia cabeza. Malas que prencipió lo mundial un puyal de sentimientos, reflexions y ideyas me sulsiban por dentro. Dimpués de concarar-me con ellas y con a dificultat d’expresar-las, en he replegau un sinyalín que m’aganaba de compartir.
No me’n foi por qui ganará la final, ni por qui la perderá. Escribo isto dende l’anvista cheneral que me da la neutralidat, quan encara no ha prencipiau o partiu. Espanya u Holanda plenarán en un par d’horetas as suyas carreras y plazas de chilos de celebración. Con tot y con ixo maitín, lunes, qui encara tienga treballo habrá d’ir-ie. Qui no’n tienga, qualsiquiera d’ixas 4 millons de personas en l’ature, habrán de tornar a concarar-se con a fosca reyalidat.
Bi ha a-saber-lo qüestions d’as que caldría charrar ta contextualizar iste texto: a situación politica y economica en Surafrica, a situación economica y politica en l’Estau, y a situación politica y economica mundial.
L’esviellau “pan y circo” arriva, sieglos dimpués, en traza de mundial. De colors royo y oro. Y totz con l’imperio. Ave Cesar. Totz baixo lo sinyal espanyol, o sinyal d’os no nacionalistas. Cada vegada menos pan pero más circo.
Espanya se fa con os gols d’a selección y as portaladas d’os periodicos, con a TV y o merchandising patrio. Espanya ye un feble chigant que se mira de fer garras sobre uns nuevos alazetz, ni echercito, ni luenga, ni cultura, ni historia: l’esporte.
Huei que as carreras son plenas de sinyals espanyols. Huei que o patriotismo tot lo imple. Huei que l’espanyolismo ye puyau t’a suya tuca baixa la guardia y se nos amuestra espullau, y ye quan menos miedo ha de fer-nos.
Cómo puet fer-nos miedo un pueblo hipnotizau por a maquinaria meyatica, capable d’aturar-se de tot ta mirar-se a un pulpo profetizar o ganador d’o mundial?
Encara no ha prencipau a final pero ya totz se miran o previo d’o partiu. O pulpo Paul profetizó que a ganadera estaría Espanya, pero ni ella ni Holanda han feito un gol encara. Prou que no son buenos intes, pero antes que no prencipie o partiu veigo lo resultau platero: plegará o nuestro inte, o futuro no ye d’ells.
Artieda 2010 – Esfendemos a tierra
16 y 17 de chulio. Fiesta con Groovy Grandpa, The Lliterans Soundsistem y Talinfiernoytorna. Gymkana antipatriarcal con A Clau Roya. Pasavillas por o lugar con Profés Prou y Os gaiters de Chaca. Chentas populars. Concierto con Rebel Spell, Prau, China Chana, Gen y Banda Batxoki. Puestos de venda de material. Charrada sobre esfensa d’a tierra con chent d’o BIC, Bardenas Ya, AHT-Gelditu… Teyatro O yayo volador. Exposición de material de Río Aragón d’as 30 anyadas de luita contra o recreiximiento de Yesa.
Filed under: Colonialismo, Sozial | Etiquetes: Aduya humanitaria, Echercito, ONG
Qual ye reyalment a eficacia d’os echercitos como achents d’aduya humanitaria?
“L’echercito regala arroz sin fer estudeos nutricionals. Fa hespitals ta operar chent de cáncer quan os problemas más grans son os espenyos. Instala motobombas en os pozos ta quitar l’augua en cuentas de fer servir pozals, sin previyer qui bosará o combustible ni d’an saldrán as piezas de repuesto quan s’estorben. Reparten medicamentos sin parar cuenta en os protocolos de sanidat. Tasament proporcionan formación a las victimas y ni se les viene t’o tozuelo pensar en a continidat u a sostenibilidat d’os prochectos. Alazetalment, os reclutas curan y alimentan a las poblacions os meses que dura la suya invasión particular. Dimpués, recullen os trastes y marchan con l’esmo tranquilo, convencius d’haber feito un gran treballo (…)
Por definición lo que as fuerzas armadas fan no ye salvar vidas, fan un poder t’amugar o numero de muertes, más que más entre a suya propias chent. Y matar a poca chent ye muito esferent que salvar vidas, encara que muito a sovent s’enreliga la una cosa con l’altra. O paradigma d’ista farsa ye ista combinación d’a que he parlau antes, de balas y arroz, que equivale alazetalment a esfender as victimas primero y matar-las dimpués, u por tranquilidat d’os nuestros esmos, matar-las con a pancha plena.”
Jordi Raich, coordinador de prochectos humanitarios y escritor.
Texto preso d’o libro “Humanitarismo militar, Militarismo humanitario”
Habeas Corpus, Grupo de Riesgo. Colla madrilenya d’esprito hardcore que debutó en 1995 con Sociedad Mecanizada, encara que feba tiempo que ya heba prencipiau a suya trachectoria. Se i podeba viyer a una colla rapida y hardcore de raso.
Dimpues d’unas anyadas d’ature, tornón con o suyo segundo álbum, titolau N.N. Una anyada dimpués, en 1999, editan o que estió suyo tercer disco: A las cosas por su nombre, con a novedat de trobar-ie cenyos de rap y metal en as suyas cantas. Iste album reculliba cantas como “Basta Ya”
En 2001 sale a la venda Otra vuelta de tuerca, más salvache y amanau t’o metal que no anteriors treballos. En iste treballo se troban cantas como “En el punto de mira” u “Desde que el mundo es mundo”, ista zaguera con a colaboración de Juan de Soziedad Alkoholika.
En 2002 editan un EP titolau HC y en 2004 Armamente, disco en o que as influencias metalicas son más importants que no nunca, pero de vez alzando as suyas radices raperas en bellas cantas como “Miedo a despertar”. L’anyada siguient (2005) sale t’o mercau Subversiones, un EP de versions de clasicos d’o punk vasco como RIP, La Polla Records, Barricada, Cicatriz u Vómito.
En 2006 editan Basado en una historia real, ficándose de tot en o metalcore. Cuenta con colaboracions de Gorka (Berri Txarrak) y Pirri (Escuela de Odio)
O 31 de marzo de 2008 publican o disco Justicia. Os tretze temas d’o disco se distribuyón en formato CD igual como en LP. Ta quan se grabó iste disco, a formación d’a colla heba disminuida a 4 integrants, consiguindo un disco más metalero que no dengún anterior. As voces de M.A.R.S. en iste disco suenan muito más graus y agresivas, igual como en l’anterior disco.
En o 2009 a colla libra un disco clamau Rarezas. Se i recullen cantas ineditas, remixes u versions d’atras collas como Sick Of It All, Motörhead, Agnostic Front…
O suyo disco zaguero, A dolor, ye un LP compartiu con os asturianos Escuela de Odio.
