Ta iste chueves venient, diya 23 de setiembre, a chent de A Enrestida ha organizau de conchunta con l’Academia de l’Aragonés un curset-charrada prou intresant sobre a Propuesta Ortografica de l’ACAR.
Se ferá a las 19.30 en o Centro Social Autochestionau A Enrestida, en o callizo San Cristobal d’o vico d’a Madalena.
Hemos aproveitau l’ature d’o verano ta conoixer atras luengas. En ista chiqueta replega no bi’n ha que un sinyalín, pero fa honra ta viyer que a tamás d’a globalización o mundo contina estando un arco San Chuan de culturas.
A delera capitalista d’una unica cultura global esboldrega las identidatz d’os pueblos d’o mundo, imposando-ie os costumbres d’una cultura de mercau. Con tot y con ixo, en totz os pueblos d’o mundo bi ha qui ta concara-se con l’anglucia d’os diners. Ixa ye a nuestra fayena…
- Abjasio
- Bislama
- Chamorro
- Wendo
- Casubio
- Hausa
- Dzongkha
- Telegu
- Rapanuí
- Tuvano
- Foroyskt
- Chuvasio
- Divehi
- Cingalés
- Aainu
- Tigrinya
- Ge’ez
- Kumiai
Totz os textos d’ista replega son publicaus baixo licencia Creative Commons Reconoiximiento Compartir Igual 3.0 en estar quitaus y traducius, si fa u no fa totz, de Wikipedia. Si quiers saber más sobre Creative Commons puetz fer-lo en a suya web.
L’abjasio (Аҧсуа [aphsua]) ye una luenga que fa parte d’a familia caucasica, branca abjaso-adigué u noroccidental, a la que tamién perteneixen o cabardiano-circasiano y l’acotolau ubijé. Alto u baixo en tien 105.000 de fablants, a mayoría en a Republica d’Abjasia (norueste de l’actual Georgia), en a costa oriental d’o mar Negro. Se troba bien ligau con l’abaza, que se charra en a rechión vecina de Karacháevo-Cherkesia.
L’abjasio alza una literatura tradicional oral muito antiga (primer milenio a.C.), que remera, con mezclas mitolochicas os orichens d’a sociedat iraní y a suya cultura, que podió haber inspirau bells capitols d’a literatura griega.
Os suyos parladors se trobán más que más en Abajsia y Mingrelia, pero tamién en chiquetas comunidatz de Turquía. Se conserva en Siria dende que os debantpasaus d’os actuals fablants, que no’n son que bellas milentas, fuyón ta l’Imperio otomano ta eslampar d’o cristianismo en a conquista rusa d’ixa zona d’o Caucaso en 1864.
Dimpués de bellas experiencias ta escribir con caracters latinos u georgianos, dende 1954 se fa sevir l’alfabeto cirilico con bells signos adhibius.
O bislama ye una luenga criolla melanesia parlada prencipalment en Vanuatu. Chunto con l’anglés y o francés, ye una d’as luengas oficials.
L’orichen d’o bislama (antesmas clamau Bichelama) proviene d’o sieglo XIX con a parola “Beach-la-mar” d’o francés “bêche de mer”, pepino de mar.
Ye a luenga prencipal de muitos d’os ni-Vanuatu Urbanos (os que viven en Port Vila y Luganville), y a segunda luenga t’a resta d’os habitadors d’o país. O bislama ye un mezclallo d’ampres de l’anglés, francés y luengas aborichens d’as familias norte, centro y sur de l’archipielago, con una sintaxis más parellana a una luenga de Vanuatu.
O bislama ye ligau con o “tok pisin” de Papúa Nueva Guinea, o “pidgin” d’as Islas Salomón y o “broken” de l’Estrecho de Torres en Australia.
L’himno nacional de Vanuatu “Yumi, Yumi, Yumi” (nusatros, nusatros nusatros) ye escrito en bislama.
