Filed under: Antifaixismo, Internacional | Etiquetes: CUP, Guillem Agulló, Maulets, Sallent
Dende que o Concello de Sallent aprebó por unanimitat a moción d’a CUP, l’11 d’abril de 2008, a insistencia ta que se fese efectivo l’acuerdo ye estau constant. Finalment, o pasau miercols 23 de marzo se penchó a placa que remera a o choven de Maulets asasinau.
A moción, propuesta de Maulets, suposó poder denunciar en o Concello a impunidat que esfrutan bellas collas faixistas violentas debant d’as enrestidas suyas igual como d’a complicidat de fuerzas policials y politicas, muito xorrontaderas en o País Valencià.
A CUP agradeixemos que Maulets, os companyers y a familia de Guillem Agulló haigan acompanyau ista iniciativa y queremos que a carrera siga un sinyal más d’a negativa a xublidar ni a perdonar.
O venient chueves 31 de marzo a las 19:00 horas en o Centro Social Librería La Pantera Rossa (carrera Sant Vicent de Paul 28, Zaragoza) a Coordinadera Antifaixista de Zaragoza tien o goi de convidar-te a la charrada “Belchite: entre la memoria y el olvido. Desmitificando la leyenda franquista”
Dimpués d’a visita que faciemos en as pasadas chornadas Noviembre Antifaixista 2010 t’o lugar viello de Belchit, y continando con un d’os nuestros obchectivos recuperar a memoria historica, dende a Coordinadera Antifaixista veyemos menester espardir un d’os feitos mas xublidau y manipoliau d’a nuestra historia recient.
Belchit ha cayiu en a galbana y o xubliu. Mientres anyadas o rechimen franquista lo tornó en un sinyal y manipolió a historia t’o suyo propio intrés. Por ixo creyemos important dar a conoixer l’atra parte d’os feitos, l’atra parti d’a historia que no nos conton en os libros.
Ta ixo contaremos con a presencia de Juan Carlos Salavera, de l’Asociación Cultural Paniquesa de Belchit, menador habitual d’o lugar viello y gran conoixedor d’a historia de Belchit (en a Republica, en a guerra y en a postguerra).
Tos i asperamos a todas/totz!
Quan os nazis vinioron a levar-se a os comunistas,
guardé silencio,
porque yo no yera comunista.Quan engarcholoron a os socialdemocratas,
guardé silencio,
porque yo no yera socialdemocrata.Quan vinioron a buscar a os sindicalistas,
no protesté,
porque yo no yera sindicalista.Quan vinioron a levar-se a os chodigos,
no protesté,
porque yo no yera chodigo.Quan vinioron a buscar-me,
no i heba dengún mas que podese protestar.Martin Niemöller, pastor alemán antifaixista, prisionero d’o campo de concentración de Dachau
Baixa y ascuita os nuestros zaguers programas en o venient vinclo:
Continamos emitindo totz os lunes de 18.00 a 19.00 horas, ascuitanos en o 101.8 FM de Radio Topo u por internet. Tamien puetz fer-lo lo martes de maitins d’ixas dos mesmas trazas, de 11.00 a 12.00 horas en as repeticions.
Filed under: Colonialismo, Internacional, Internacionalismo, Social, Solidaridat
Por Santiago Alba Rico.
Hue 40 manifestants han estau asesinaus en a plaza Taghrir de Sanaa, en Yemen, o suyo gubierno ye refirmau por os EEUU y por Arabia Saudí. Hue ha estau volau o molimento d’a plaza d’a Perla, en Bahrein, país ocupau dendo o miercols por tropas d’Arabia Saudí movilizadas ta reprimir as manifestacions an que son muertas ya bellas decenas de personas.
Hue os iraquíes han tornau a salir t’a carrera ta reclamar pan y libertat en manifestacions que se repiten dende fa semanas, con a-saber-lo de victimas mortals en un país estricallau de tot por os EEUU y os suyos aliaus.
Ista semana han continau en Marruecos y en Archelia as protestas en as carreras contra os nuestros amigos dictadors. Ista semana Palestina ha continau reclamando a fin d’a ocupación israelí, refirmada por EEUU y a UE. Ista semana han muerto decenas de personas en os cutianos bombardeyos estadounidencos sobre Afganistán y Pakistán.
Zapatero plega de declarar, dimpués d’anunciar a participación de l’estau espanyol en as operacions melitars contra Libia: “A nuestra responsabilidat ye con o pueblo de Libia”. Si os burros graman y os tocins ronyen, ¿por qué os socialdemocratas parlan?
A nuestra responsabilidat, a d’os pueblos europeu y estadounidenco, ye a de surtir t’a carrera, no nomás ta protestar-ie contra la intervención, no, sino ta ninviar a Zapatero y a Rajoy, a Sarkozy, a Berlusconi, a Obama y Clinton (y totz os demás) a fer companya a Mubarak y Ben Alí. Mientres ixo no ocurra, nian o pueblo de Libia podrá librar-se de Gadafi nian o mundo pronunciar bellas parolas sin escanyar-se.
Se puet estar un inmoral honrau; un inmoral quedo.
Un firme “sí” prenunciau por un chefe de brigada d’os Mossos d’Esquadra debant d’a chueza confirmó o martis pasau que iste cuerpo policial fa servir fichers politicos y persigue a os movimientos socials y vecinals de Barcelona. Con a suya afirmación, l’achent de l’auctoridat respondeba a una qüestión de l’advogau Jordi Busquets, que l’heba preguntau si conoixeba a militancia d’o suyo client, Jonathan Ivorra, dentro de l’Assemblea de Joves de l’Eixample Nord. De feito, o policía no nomás confirmó que ya teneba constancia de que Ivorra yera miembro d’o colectivo independentista, que tamién que lo sabeba dende tiempos antis que se convocase a manifestación mientres a que se van a producir as algaradas que l’han feito posar-se en a cadiera d’os acusaus.
Mientres o chuicio a Ivorra arribón a declaran dica nueu policías diferents, entre ells, qui va reconoixer ubiertament os seguimientos a os movimientos socials, que también admitió que ell no heba estau en a manifestación. De feito, o mosso aseguró a la chueza que heba reconoixiu a Jonathan Ivorra a traviés d’una imachen de TV3 y BTV, y admitió que a suya anvista yera sesgada.
Iste mesmo achent estió l’encargau d’explicar una sobrerariza historia sobre como transcurrió a detención d’Ivorra. Va asegurar que en veyer as imachens va parar cuenta que una d’as personas yera un choven d’a carrera Sardenya, an que ell feba faina cutianament. Dimpués, dició, fendo ronda lo tornó a veyer y advirtió a os suyos companyers de que Ivorra se trobaba en a carrera en ixos intes. Seguntes l’achent armau estión allora quan se procedió a la suya detención.
Antimás de l’admisión d’a persecución politica, o testimonio d’os diferents achents d’os Mossos destacó tamién por una ripa de contradiccions y zonas foscas. Ta escomencipiar, os achents que heban estau en a manifestación asegurón haber presenciau l’aventamiento de cohetes, manimenos no van saber explicar por qué no se i heba deteniu u perseguiu a os responsables de l’acción en l’inte d’os feitos. De feito, ni sisquiera no podión explicar por qué no se levón os casquetz d’os cohetes u o colchón que proteixeba a un d’os manifestants. Ixo podría haber permitiu d’extrayer-ne ditaladas, u saber si os cohetes suposaban un periglo real u yeran simples cohetes de verbena.
Antimás, bell-un d’os achents aseguró que os cohetes les pasón muit amán d’an yeran, prebando de confirma a existencia d’un presunto delito d’atentau a l’auctoridat. Un extremo que quedaba descartau en a primera declaración d’istos policias debant d’o chuez instructor, quan asegurón que os cohetes les heban pasau muito más luent.
Ta rematar, tamién mientres o testimonio d’os policías se podió evidenciar atrás zonas foscas. Seguntes os achents, con ells bi heba un periodista, de qui desconoixiemos o nombre y a qui no identificón, a tamás de que podría estar un testimonio de gran valura. Os achents tampoco no van saber explicar por qué os responsbles d’o Museo d’Art Contemporani de Barcelona no han quiesto presenta garra reclamación por danyos y perchuicios, quan os presuntos cohetes impactón contra la frontera de l’edificio d’o museyo.
X. Gispert Zegrí de L’Accent
Más de 300 personas se manifestan en Torrero contra os retalles socials
A Plataforma Solidaria de Torrero congregó o sabado 12 de marzo a “más de 300 personas” seguntes os organizadors, ta protestar “por as desigualdatz y inchusticias que se son producindo” con enchaquia d’a crisi, “pero tamién d’os retalles socials y de dreitos laborals”.
Asinas los destacó Chema Gregorio, president de l’asociación de vecins de A Paz y un d’os vocers d’ista plataforma, qui tamién subrayó que “o nuestro venient obchectivo ye creyar un rete solidario en o vico que sirva ta conoixer con detalle as desigualdatz que bi’n ha, as necesidatz que sufren aquells que son veyendo-sen más afectaus por a crisi, ta que sigan protagonistas en una asambleya an que se creyen collas de treballo que determinen as necesidatz a cubrir y as midas ta fer-lo, y denunciar-lo publicament.
A fita yera a primera enchaquia ta fer-lo en a carrera y con a uellada d’os vecins y tenión un important refirme. Bells colectivos d’o vico acudión a la protesta que prencipió en a plaza d’as Canteras y recorrió l’avenida America dica plegar en a plaza d’a Memoria Historia, an que se i leyó un manifiesto d’a plataforma y se metió a fin a la convocatoria entonando o Canto a la Libertat de José Antonio Labordeta.
“I han participau as cinco parroquias d’o vico, Cáritas, as asociacions de vecins, as de O Cantero y Trébol, as asociacions de pais y mais de dos escuelas publicas y una atra concertada, entre atros muitos”, afirmón dende a plataforma.
A proxima fita será o venient viernes a las 17.00 horas en as instalacions de l’asociación de vecins d’A Paz (en a carrera Uvieu), quan s’achuntará l’asambleya d’ista plataforma ta estudiar cómo s’organiza o rete solidario en Torrero.
Filed under: Ecolochía, Internacional, Meyo Ambién, Solidaridat, Tecnolochia | Etiquetes: Chapón, Enerchía nucleyar, Meyo ambient, Tierratremo
25 anyos dimpués d’a esferra de Chernobil, se repite a historia en Chapón, en os arredols de Tokio. O suceso demuestra concluyentement que os riesgos que comporta a tecnolochía atomica –criminalment minimizaus en os zaguers anyos por un recreixiu lobby pronucleyar– son de tot inasumibles.
Un anequilador tierratremo d’a escala d’o sucediu dengún no podeba preveyer-lo. Nian Chapón, una nación que ha aprendiu a convivir con ells, una sociedat altament tecnificada que creyeba haber comprendiu tanto como yera posible os riesgos que comporta y con tantas precaucions de seguridat como pareixeban amenistables.
Pero estió una error. O país enfrontina agora, unas horas dimpués d’o pior tierratremo dende que se cuenta con rechistros sismicos, una esferra encara mayor. O reactor de Fukushima ye tan graument danyau que a pesar d’haber estau desactivau a escape quan o tierratremo prencipió, planeya sobre ell o riesgo d’una fusión d’o nuclio. Se tractaría d’un nuevo Chernobil, quasi exactament vinticinco anyos dimpués d’a esferra que ocurrió en ixa rechión d’Ucrania. Encara que en ista ocasión a magnitut no sería comparable, porque o reactor se troba en una rechión muito mas habitada que no Chernobil.
Y encara que en ista ocasión no ye estada una error humana a razón decamín t’a esferra, a politica chaponesa tien indirectament, manimenos, una gran responsabilidat en l’ocurriu. En Chapón i existen 55 centrals nucleyars en activo que cheneran un terceno d’a electricidat d’o país. Chapón fa servir dende fa decadas, impasible, a enerchía atomica. Pero, una vegada mas, s’ha demostrau que as centrals atomicas son bombas de relochería. Obvio ye decir-lo: seguras seguntes os calculos humanos. Pero i hai condicions que a medición humana no puede concebir. Asinas ocurrió en Chernobil, quan un tecnico pretó lo botón entivocau y produció a esferra. Y agora menaza con ocurrir tamién en Fukushima, a on dengún no heba calculau que a central sería furnida d’electricidad mientres tanto tiempo y os rans d’os tanques d’augua freda baixarían tan rapedament.
Qui se refirma en a enerchía atomica accepta istos riesgos. Tan improbables como se quiera pretender, pero no se los puede excluyir. Fa 25 anyos ocurrioron en una rechión que afectó a cients de mils de personas. Agora o mundo s’enfrontina a una situación semellant. Vivimos en una epoca en a que os calculos de riesgos no son en o discurso oficial d’as electricas. Se tracta siempre nomás de probabilidatz que podrían plegar en convertir-se en una realidat aintro d’un millón d’anyos. A realidat nos da agora una lición. O pre que posiblement habremos de bosar por a enerchía atomica ye masiau altero.
Philip Grassman
AspencatYa no queda tiempo ta charrar,
ni sentir, ni caminar
como hebanos feito antis
ya no yes capable de contar
os diyas que pasan
porque son totz iguals
Ya no queda tiempo ta charrar
ni sentir, ni caminar
como hebanos feito antis
fuyes d’a tuya realidat
y o cabo de semana…
Ye arribau un nuevo diya, devantau a escape
prene-te bella cosa que prencipia a partida
no i hai atra salida, no i hai atra salida
un fascal de parasitos sucando totz en a ferida
Querebas coche, tu querebas casa
querebas una familia y tornar-te crabaza
ploras y ploras, treballas dotze horas
fas a vida en o sofá
y ni paras cuenta d’o que ignoras
Tiempo, y te falta tiempo
ta disfrutar d’a tuya chent
ta tener todas as mans a l’aire
ye o tiempo, nos falta tiempo
ta charrar d’o nuestro present
y esvenidero…
Tot ye anyudau, tot ye bien anyudau
as cartas son sinyaladas,
pero continamos chugando
tot ye anyudau, tot ye bien anyudau
tu no paras cuenta dica que nadas
aintro d’o buro
Tot ye anyudau, tot ye anyudau
as tuyas memorias ya las ha escrito un banco
tot ye anyudau, tot ye bien anyudau
te trencarás a espalda por l’estau d’o bienestar
