Fendo Orella 101.8 FM

Sinyor Jordi Hereu:

Iste martes 26 d’abril del 2011 se suicidó Patricia Heras, una d’as engarcholadas por o caso de Sant Pere mes Baix.

Le refrescaré a memoria por si no sabe a qui foi referencia.

O 4 de febrero d’o 2006 se realizó una mega-fiesta en una casa ocupada, de propiedat d’o Concello, y que heba estau precintada. Os vecins se queixón por l’estrapalucio y se disponió a presencia en o puesto de quatro Guardias Urbanos. A las 6,30 AM si fa u no fa d’ixe maitín, bi habió un enfrontimamiento, en o que, desgraciadament, quedó en estau vechetal un policía. Se i detenión a siet personas. Tres d’ellas que yeran en carrera y quatro que salión d’a fiesta. Mas tarde, se detenió a Patricia y a un amigo d’ella en un hespital.

Ixe maitín a policía entregó un informe a l’allora Alcalde de Barcelona, Joan Clos que, como ell mesmo ha ratificau anyos dimpués, deciba que “un tiesto arrullau dende l’interior de l’edificio” heba feriu a o policía.

Dengún no sabe que sucedió con ixe informe, pareix que ni o mesmo sinyor Clos, pero prou que vusté, sinyor Hereu si en sabe. Vusté yera allora Concellero de Seguridat y Movilidat d’o Concello de Barcelona, y ye de dar que en una situación tant grau, iste informe haiga continau o suyo curso correspondient antes de no plegar a l’allora Alcalde.

Tamién en sabe d’ixe documento l’allora Consellera d’Interior, Montserrat Tura.

Pero bi heba un policía grau de tot, y o Concello yera o propietario de l’edificio dende do s’arrulló lo tiesto, amás de responsable d’haber-ie ninviau a quatro policías, sin protección, a un puesto do bi heba más de 1.500 personas.

Lo que si sé, ye que l’informe desapareixió. A versión d’a policía estió cambeada por atra que feba honra ta culpar a las personas detenidas a l’azar y, d’ista traza, sacar-se a responsabilidat y comunicar bien altero que “chusto”, increyiblement, s’heba arrestau a totz os culpables d’os feitos.

Ta fer ista nueva versión, fación que i pasasen a os cambions de limpieza d’o Concello que lavón a carrera borrando todas as prebas. Dimpués redactón a falordia con os nombres d’os detenius, culpando d’o mas grau a os sudamericans.

Isto, sinyor Alcalde, se diz corrupción y racismo.

A yo, como mai de Rodrigo, o prencipal inculpau, se me parla siempre d’o policía feriu. Ye de dar. Bi ha una victima grau: bi ha un policía que quedó ta cutio en estau vechetal. Pero vusté, ta sacar-se a responsabilidat, en cuentas d’investigar lo succediu, que ye lo que totz siempre hemos demandau, cambeón os feitos, callón a prensa, culpón a os mas febles y dimpués pintón a situación con polidas parolas.

Le dición a la muller d’o policía y a os suyos fillos que estió Rodrigo qui arrullo una zaborro (a segunda versión ye d’un zaborro arrullau dende a carrera, asinas podeban acusar a belún que detenión astí y que no yera en a fiesta). No les intresa que ixa muller sepa la verdat, o contrario, asinas ta ella la suya dolor tien un rostro, o mi fillo. Asinas ella no’n sabe d’a responsabilidat d’o Concello por a situación d’o suyo mariu. Chugón con o dreito d’ella y d’os suyos fillos a saber a verdat, u a lo menos, a prebar de saber que succedió.

A os tres sudamericans los tenió dos anyos en garchola preventiva. Le remero sinyor Hereu, que faciemos mesmo una vada de fambre ta demandar chusticia. Le remero que prometió en publico recibir-me, ta dimpués no fer-lo.

(més…)