www.luchadisidente.wordpress.com
Gracias a la pachina www.euskalmemoria.com he puesto quitar o listau de victimas. No son victimas d’ETA, no son as ueitocientas victimas que ha deixau a banda y que o suyo numero s’encargan muitos de remerar y estregar como arma politica de plató en plató y parlamento a parlamento ta perchudicar a un partiu y beneficiar a atro en calcular o numero de votos lograu. Son as atras victimas, as que en o millor d’os casos s’ixublidan, porque en o caso que no se’n ixublidan, se’n faltan y denigran. encenegau l’estau en no reconoixer-las como victimas.
En iste listau de cuatrocientas personas asesinadas dende os anyos sisanta dica l’actualidat por as fuerzas de l’estau en todas as suyas dimensions, bi ha fusilaus por o franquismo, asesinaus en atentaus d’o GAL, torturaus en dependencias policials asinas como asesinaus en feitos aislaus como conseqüencia d’o que o conflicto vasco significa en a sociedat espanyola. En i hai bell conoixius miembros d’ETA, como Argala, Txiki y Otaegi, atros que simplament i pasaban y que o suyo unico delito estió estar vasco, abertzale y de cuchas, como Ángel Berrueta, asesinau a tiros por un escolta de UPN en 2004, u Aitor Zabaleta, seguidor d’a Real Sociedat asesinau en o Caldearon por a colla neonazi de l’Atletico de Madrid, Bastión, tamién i ye Germán Rodríguez, asesinau en San Fermín d’o 78 por a policía d’un disparo en o tozuelo, u Mikel Zabalza, torturau dica morir por a Guardia Civil d’Intxaurrondo y amagau en o riu Bidasoa.
Son ells, os nunca no prou insultaus por Espanya. Quan uno se arriesga a remerar a existencia d’istas cuatrocientas victimas, o Gubierno espanyol, o PP, o PSOE, u l’AVT s’encargan de clamar-los “verdugos”, y t’acusan de situar a las victimas d’ETA a o mesmo ran d’os suyos verdugos, como si istas 400 personas estasen forzosament as responsables d’os asesinatos d’ETA. Un comportamiento ta fundament ruin nomás puet venir por a ignorancia y no pas por a maldat, en o suyo encerrinamiento por simplificar o conflicto vasco y de amugar-lo a dos unicos bandos, “os asesins d’ETA y os suyos asesinaus”, a la fuerza han d’amagar istas 400 personas, pero ta que no se’n ixublida, aquí las traigo, y ixo que soy poco amigo de fer servir os muertos ta meter-los dencima d’a mesa ta demandar cuentas, como tanto les cuaca fer a PP y PSOE en a suya deriva necrofila.
Istas personas tienen cara, como se puet veyer en a pachina debandita, tienen nombres y apellius, tienen familia y en o suyo pueblo de tasament dos millons d’habitadors, tot o mundo se conoixe, y por tanto ye inútil negar as victimas d’un costau quan bi ha 400 familias enteras que saben muit bien y conoixen muit amán lo que ye a violencia que ha derivau d’iste conflicto politico, ta que continen negando-sen a calificar-lo como tal y a buscar una solución que repare a las victimas y tranque o millor posible as nafras feitas.
Filed under: Colonialismo, Internacional, Internacionalismo, Represion, Solidaridat
En os zaguers diyas os dos cuerpos policials espanyols, a Guardia Civil y a Policía Nacional, practicón a lo menos dos operacions endrezadas a xorrontar chovens independentistas, a o tiempo que buscaban informacións d’os suyos intreses. Localizadas as dos en Vigo, ciudat an que a presencia policial se ye tornando afogant en os zaguers tiempos con o pretexto de l’actividat d’a resistencia galega, estioron denunciadas por os protagonistas involuntarios a l’organismo anti-represivo Ceivar.
Servicios d’información d’a Guardia Civil
Un casal de independentistas que compartiba piso con atras dos personas fue obchecto d’una rariza operación d’espionache. Una d’as companyeras de piso fue citada por telefono en una cafetería por una achent d’a colla armada “ta controla a suya situación en l’estau espanyol” y ta “comprobar que se trobaba bien”. A mesacha, que ye latinoamericana, decidió d’acudir a la reunión a tamás d’o extravagant que le resulto o motivo (no existen istas reunions ta preocupar-sen por o bienestar d’os latinoamericanos) y d’o feito d’estar convocada en una cafetería en cuentas de en un local de l’Estau.
En a reunión a choven quedo espantada con a cantidat d’información que a guardia civil (que se i presento amostrando-le a placa y afirmando clamar-se Sara) manullaba sobre ella. A o luengo d’una hora a tal Sara mantenió una charrada “en tono distendiu, amable y confitau”, procurando d’estreitar a relación sin dentrar a o fundo en dengún tema, encara que de cabo quan eslisase bella pregunta sutil sobre os companyers de piso u sucherindo si amenistaba d’aduya economica u un puesto de treballo.
A la fin avisó que istos contactos se mantendrán mientres tot o tiempo que a mesacha permaneixca en Galiza, con que cada semana u quince diyas (quan baixe de Corunha”, an que dició que treballaba a picoleta) la citará “ta charrar”.
Dende Ceivar consideramos que “somos debant d’una chugada d’o Ministerio d’Interior ta tener acceso a la vivienda y disponer de más información sobre os melitants” y animan a continar “dando a conoixer istas practicas de l’Estau”.
Tamién avisan que “continaremos cusirando debant a posible continuidat d’a presión enta ista moza ta articular una respuesta.”
Abórdache y retención de maitinada
Tamién en Vigo quatre melitants d’a AMI, Assembleia da Mocidade Independentista, estioron abordaus de maitinada iste cabo de semana pasau quan viachaban en un auto por un camín rural. Dimpués que se les trescuzase un auto policial, atros dos vehiclos d’a Policía Nacional se i sumón a la operación, obligando-les a baixar-ne, cacheando-los y rechistrando l’auto.
Os mantenión retenius mientres una hora, y se sucedión as amenazas asinas como as preguntas de mena politica, relativas a la resistencia galega y a o independentismo en cheneral. A operación, que estió precedida horas antis por una identificación d’os mesmos melitants en o vico de Bouças quan caminaban por a carrera, estió chustificada en primer termino como “un control cutiano” más en pasar os menutos cambeón o discurso y afirmón estar en “situación d’alerta por risque d’atentaus independentistas”.
Os policías requisón bella documentación y una chicota navalla (por a que afirmón se recibirá una pinyora). Tamién querión requisar bells esprais encara que no yera ubiertos, pero os melitants consiguioron recuperar-los en un escudio policial.
Filed under: Fendo Orella, Luenga, Radio Topo | Etiquetes: 5 de noviembre, aragonés, D'estrela a estrela
Papaver Rhoeas en parlache scientifico. Clamau simplament ababol, u ababolera. Flor anyal de quatro petalos royos. Mala yerba que creixe en camins y sembraus de tierras ixutas. A tamas d’a febleza d’os suyos petalos, creixe dreita y argüellosa, emplindo los campos con a polideza d’a suya color roya anyada par d’atra. Y como qui se fa o mondiu, en ista ixuta ciudat y en ista feble luenga de quatro petalos, bi deixamos a nuestra simient.
Con enchaquia d’o Cabo d’anyo d’a Carta Europeya d’as Luengas Minoritarias, o venient sabado 5 de noviembre de 2011 se fa una emisión especial d’estrela a estrela en aragonés, en Radio Topo 101.8 fm.
Curset d’aragonés, infantil, feminismo, sciencia, cocina, programas historicos d’atras radios libres, rufierta, entrevistas, mosica, ecolochía, bicicleta, relatos… más de dotze horas de programación.
Filed under: Fendo Orella, Radio Topo | Etiquetes: Era, Negua joan da ta, Zea Mays
en ir-se-ne as nieus d’os mios monts
o sol ye dezaga d’o telon.
Tien miedo a salir-ne, miedo scenico
en ista obra que fa muito que no interpreta.
Bella chicota rayada apareixe huei,
m’abraca un gran goi.
Por favor di en alto que l’hibierno se’n ye iu
porque o mio esmo fredo no se lo crei.
Amorosia-me agora, entre auguas azulas,
ya no bi ha boira, caras espulladas,
y en buquir o chilo mas alto,
crudo interminable, porque l’hibierno se’n ye iu.
Como os recient naixius amenisto latius
ta viyer con os oius lo que os mios uellos no sienten.
Por favor di en alto que l’hibierno se’n ye iu
porque he cremau totz os linzuelos.
Soque un soniu, en o tuyo peito
porque se’n ye iu l’hibierno.
A o canto tuyo se m’han redondiau os cantons.
Una rayada tranquilizant
porque l’hibierno se’n ye iu.
Filed under: Fendo Orella, Radio Topo | Etiquetes: ASAPA, baturrismo, Era, identidat aragonesa, represión, Tarazona, Zea Mays
Podrán xucar os ríos, podrán alicionar-nos con a suya engalanada cultura impregnada de frivolidat y encorrer a critica activa y conscient, podrán inundar a vida y cementar os desiertos ta engrosar a suya mercantilizada anglucia. Podrán deshumanizar as relacions que nos unen, o que ells consideran trivial, simplista y vacivo, improductivo. Podrán rancar todas as flors, pero nunca no aturarán a primavera.
Baixa y ascuita o nuestro zaguer programa:
Emitimos como siempre en o 101.8 FM de Radio Topo, agora con nuevo horario: totz os chueves de 18.00 a 19.00 horas.
Negu Gorriak
Itxoiten
Asperando a mai,
Asperando a que pai me prenga en brazos,
Asperando o primer día d’a escuela,
Asperando a que os peitos creixcan,
Asperando a o desamen,
Asperando a o treballo,
Asperando a belún,
Asperando a l’orgasmo,
Asperando a que ell plene o mío tiempo,
Asperando a o ninón,
Asperando a que o ninón creixca,
Asperando a que ell me torne a buscar,
Asperando a visita d’os fillos,
Asperando a liberación,
Asperando.
“Quan pares cuenta que ta producir te cal obtener autorización de qui no producen cosa; quan compruebes que os diners fluyen enta qui trafican no biens, sino favors; quan percibas que muitos se fan ricos por o soborno y por influyencias más que no por o treballo, y que as leis no te protechen contra ells, sino, por o contrario, son ells os que son protechíus contra tú; quan repares que a corrupción ye recompensada y a honradez se torna en un autosacrificio, allora podrás afirmar, sin temor a entivocar-te, que a tuya sociedat ye condenada.”
Ayn Rand (1950)
Baixa y ascuita o nuestro zaguer programa:
Emitimos como siempre en o 101.8 FM de Radio Topo, agora con nuevo horario: totz os chueves de 18.00 a 19.00 horas.
Filed under: Colonialismo, Internacional | Etiquetes: 12 d'octobre, día de la raza, indichenas
“A 515 anyadas d’o más granizo espullo d’a historia universal,
os indichenas continan luitando por conservar o unico que
occident no ha puesto rancar-les: a suya (a nuestra) identidat”12 d’octobre, ni día d’a raza ni día nacional.
Cosa que celebrar, tot por luitar!
