Tierra de Biescas ye un territorio rico en falordias foscas, dende o mito de Santa Elena, o Basajaraun, sinyor d’as Selvas, o Puent d’o Diaple u os aquelarres de L’Artosa, en los que as bruixas s’estregaban belenyo en as inlladas y sobacos. Dentro d’ista tradición bruixerenca, una d’as mas grans y remeradas estió MAUT, que vivió en o sieglo XVI y de la que, se deciba, feba escanyutar a las chents d’ista val como cochos.
Inspiraus por figura tant noble, mosicos plegaus de mundos diferents de l’anvista mosical de Aragón, chents d’a electronica, o rock y o folk mas cristalino, nos quaternamos en un nuevo aquelarre con a intención d’establir un prochecto y un camín nuevo, que fusione a tradición aragonesa con l’astí y l’agora d’a electronica (drum’n'bass, minimal, dubstep, etno tecno, house…).
O resultau ye Maut, una colla nueva, en o mas estricto sentiu d’a parola, mosica radical aragonesa, neofolk y un disco, o 1.0, que nos fa chirar a vista enta un paisache nuevo, una selva, atapida y verde, encara por descubrir.
Pero no de nueit y solenco…
Baixa-te-ne u ascuita o nuestro zaguer programa:
Zaguer Fendo Orella d’ista anyada 2011, un programa especial con entrevista a Diago d’a colla Maut, una propuesta mosical que fa mezcla d’o folk y os ritmos electronicos a mans de reconoixius mosicos d’a scena aragonesa. Ascuitemos o suyo treballo 1.0 y en conoixiemos mas d’ista colla en una entrevisteta de muito buen sentir.
Remera que emitimos totz os chueves en Radio Topo, 101.8 d’a freqüencia modulada zaragozana, de 18 a 19 horas. Y que tamien puedes ascuitar-nos en directo en o ret a travies d’a web de Radio Topo u en as reemisions de Radio Chabolo 107.6 FM os viernes de 17 a 18 horas.
Filed under: Aragon, Cultura, Luenga | Etiquetes: aragonés, Catalán, Humberto Vadillo, Lei de luengas
L’actual director cheneral de Cultura d’o Gubierno d’Aragón, Humberto Vadillo, retacula y continará con l’aplicación d’a Lei de Luengas seguntes unas declaracions feitas ahier martes en un conoixiu restaurant d’a capital aragonesa.
Seguntes o propio Vadillo, se dará treslau oficialment a o Consello Superior d’as Luengas, organo creyau a radiz d’ista lei a pasada lechislatura, ta que contine “antes con antes” con a suya actividat, y aspera que as academias puedan estar funcionando de tot “antes de l’ature d’o verano de 2012”
Dimpués d’unas semanas de debatz internos cusiraus por Dolores Serrat, Francisco Bono y Luisa Fernanda Rudi, han trancau as linias d’un acuerdo que conta con o visto bueno d’o socio de gubierno “en parolas d’o propio José Ángel Biel”
En o bell meyo d’a crisi y en una lechislatura tacada por os retalles, afirmó que “continar con l’aplicación d’a lei suposaría un gasto zero” y que mesmo s’asperaba a creyación de bells puestos de treballo “en un horizont de quatro anyos”
Seguntes s’ha puesto saber, a presión feita por prestichiosos fablants patrimonials d’aragonés como l’expresident d’o Consorcio Expo 2008 Roque Gistau, natural de Bielsa, u l’expresident José María Mur, naixiu de Chistén, y de figuras tant sinyaleras como Marcelino Iglesias, naixiu de Bonansa, u a propia Dolores Serrat, naixida de Ripoll en o caso d’o catalán, han feito venir a plego a o director cheneral de Cultura.
A fosca chestión d’a suya demba y a polemica por as suyas declaracions previas a o cargo que ocupa actualment, fación que istas declaracions trucasen o ficacio d’os meyos de comunicación que se trobaban en o parking d’o restaurant “El Cachirulo” ta cubrir a celebración d’o XVIII Campionato Internacional de Morra, conqueriu por Aragón o pasau mes de noviembre en Corcega.
Humberto se despidió agredeixendo a os meyos l’atención, y antes de no dentrar en l’auto que l’asperaba adhibió “muitas gracias” en aragonés, “moltes gràcies” en catalán y “qatlho” en Klingon, un cenyo ta muitos parau d’antes, que metió a fin a una cena que seguntes podió saber-se-ne dimpués, bosó o propio Vadillo en perder una apuesta.
Ista breu información que ha feito brilar os uellos d’asperanza a muitos aragoneses s’enamplará en una rueda de prensa convocada t’os meyos huei miercols 28 d’aviento de 2011.
Filed under: Fendo Orella, Luenga, Mosica, Radio Topo | Etiquetes: Los Draps
Dimpues de l’homenache a Los Draps en o nuestro zaguer programa, hemos puesto recuperar a entrevista d’a que tos i charremos. Un programa historico que hemos trobau a pur de rechirar, y que torna a estar d’actualidat por a trista noticia d’a suya deseparacion.
Los Draps pason por Fendo Orella o 2 d’abril de 2006, quan ta muita chent encara no yeran guaire conoixius, y alto u baixo d’ixo tracta ista entrevista.
En istas cinco anyadas que han pasadas han cambiau as nuestras voces, o nuestro horario d’emision y a traza d’escribir l’aragones:
O prosimo domingo 2 d’Abril, de 17:00 a 18:00 en Fendo Orella (Radio Topo, 101.8 FM), se ferá una entrebista a la colla mosical “Los Draps” del Matarranya. Aprofeitando o suyo conzierto en Zaragoza o sabado 1 d’Abril y con enchaquia d’a salida d’o suyo nuebo disco “No nos fareu callar”. I charraremos d’os suyos nuebos proyeutos, d’a mosica y d’a politica en Aragón. ¡Tos i asperamos!
Baixa-te-ne u ascuita a entrevista a Los Draps:
Encara que huei siga 28 d’aviento, no esconfitetz de nusatr@s…
Filed under: Cultura, Luenga, Radio Topo | Etiquetes: D'estrela a estrela
O sabado 5 de noviembre de 2011 se fació una emisión especial en aragonés “d’estrela a estrela” en Radio Topo 101.8 FM con enchaquia d’o cabo d’anyo d’a Carta Europeya d’as Luengas Minoritarias, de raso en aragonés.
Una buena ripa de chent nos i arroclemos ta celebrar iste día y fer qualcosa novedosa. Qualcosa novedosa en a radio aragonesa, prou que sí:
Sona o revel
Enguero d’a emisión y curset practico d’aragonés, a solución a todas as dubdas que siempre has tenidas.
De 10 a 11 horas
Prou, prou luen
Cuentos ta un esvenider sostenible. Entrevista y cuentos ta nin@s.
De 11 a 12 horas (més…)
Filed under: Fendo Orella, Radio Topo | Etiquetes: Los Draps, O despertar de l'onso
Los Draps s’ho dixen!
Sí. Mos ho dixen. Després de moltes setmanes donant-li voltes a què ere millor pel present i el futur de la banda, Los Draps hem decidit fer una parada pel camí i continuar per separat. Han estat molts anys passant-mos ho de puta mare, disfrutant del directe, coneixent moltíssima gent i posant lo dit a la llaga quan la majoria parave el cul. Però arribe un moment en que tot projecte col·lapse, sature, i per molt que ho intentes només te poses pals a les rodes. Per això este descans, una parada que si no fos per la gent que mos heu seguit durant tants d’anys, segurament hagués arribat molt més prompte. Diuen que és una llàstima acabar amb un projecte quan li has dedicat tant de temps, il·lusió i mals de caps. Però la dificultat de compaginar vuit agendes, l’interès del projecte a parts desiguals pels membres del grup, lo col·lapse creatiu i les distàncies geogràfiques han motivat esta decisió. És una notícia trista, més per a natres que per ningú. Però que sapigueu que si no fos per tots vatres, esta història encara s’hagués dil·luit molt abans.
Mil gràcies per fer-mos cas!
Mil gràcies per ser diferents!
No descartem trobar-nos una altra vegada pel camí, però fins entonces:
Hasta sempre, companys!
Baixa-te-ne u ascuita o nuestro zaguer programa:
Debantzaguer Fendo Orella d’ista anyada 2011, un programa especial sobre a colla Los Draps en fer publico a pasada semana un comunicau de despedida. Repaso a la suya historia, discografia y homenache radiofonico de parti de Fendo Orella por a suya mosica y faina social.
D’atra man, remeremos a presentacion fa una anyada d’o libro en aragones O despertar de l’onso leyendo un d’os suyos relatos y qualques cosetas mas.
Remera que emitimos totz os chueves en Radio Topo, 101.8 d’a freqüencia modulada zaragozana, de 18 a 19 horas. Y que tamien puedes ascuitar-nos en directo en o ret a travies d’a web de Radio Topo u en as reemisions de Radio Chabolo 107.6 FM os viernes de 17 a 18 horas.
Filed under: Fendo Orella, Mosica | Etiquetes: Kase.O Jazz Magnetism, Renacimiento, Renaiximiento
Kase.O Jazz Magnetism
Renacimiento
Dentro o sol por a finestra
y me dio en a cara fendo que revellase,
soniaba que flotaba en o tuyo vientre mai…
que tornaba a naixer, que me creyaba,
que reviscolaban as ganas de vivir
que a vida encara teneba milenta presents ta yo.
Soniaba que tornaba a alentar, bien,
y he blincau d’o leito con as pilas a cient,
tenendo ideyas, oxichenadas,
d’o que quiere estar una uellada platera,
ya no foi un drama por cosa…
a vida yera esferent como yo a preneba
no’n ye fer, no’n ye tener, en ye estar,
en ye amar, en ye creyar, no’n ye fuyir ni temer, yo,
si m’ixuplide de yo mesmo por masiau tiempo rai,
porque huei ye o mio renaiximiento.
Huei ye o mio renaiximiento…
Garra droga florera a mía libertat,
no quiero fer mal a o mio cuerpo,
no quiero aparentar, quiero realidat
voi a dicir a verdat en tot momento
hue sonie que podeba cambiar, cosa cambeas
y cosa ye cambeada
o mayor amor lo tiengo a la mia persona,
ni me quiero matar ni me quiero morir sincusa,
no me fa goyo estar un infeliz,
quiero alentar por o naso,
quiero o puro sentimiento sin alterar,
quiero que o tiempo, siga una linia vertical,
quiero meter fin a o revolvin d’o mio esmo
y que a mia alma torne a reinar,
pues m’ixuplide de yo mesmo por masiau
tiempo pero ixo rai…
Porque huei ye o mio renaiximiento.
Huei ye o mío renaiximiento…
Filed under: Cultura, Internacional, Luenga | Etiquetes: Xaloa Telebista
Remeratz que mientres totz istos diyas y dica o venient chueves 22 d’aviento que tornemos a fer programa podetz conseguir bonos de refirme a Xaloa Telebista y participar en os sorteus de grans premios d’ista televisión en euskera que emite dende a val de Baztan, en Nafarroa.
¿Cómo?
Pos escribindo-nos y recentando-nos qualsiquier cosa que se tos ocurra (en aragonés, prou que sí), en iste post u en o nuestro correu fendo.orella(arredol)gmail.com
Y tamién podetz conseguir más bonos de refirme ta participar en a rifa de premios en os puestos habituals d’o Vico d’a Madalena.
Suerte!
Filed under: Fendo Orella, Radio Topo | Etiquetes: aragonés, represión, 20 d'aviento, SAT, Xaloa Telebista, Kase.O Jazz Magnetism, Kase.O, Edu Leon, Diagonal, pobreza infantil, asturiano, Arnal Cavero, Cayetano de Alba
¿Por que se que vivimos en o primer mundo?
Porque ta puyar as tasament 20 escalaretas que bi ha entre o branquil de casa mía y a primer planta, os míos vecins fan servir l’ascensor.
Baixa-te-ne u ascuita dende o ret o nuestro zaguer programa:
China-chana l’anyo va acotolando-se, en iste debant de debantzaguer programa de 2011 teniemos noticietas de l’aragones, asturiano, represion con a detencion d’o periodista Edu Leon, 20 d’aviento en Zaragoza y Uesca, pobreza infantil, respuesta d’o SAT a Cayetano de Alba y regalemos papeletas t’a rifa en refirme de Xaloa Telebista, television d’a que tos charremos fa bells programas.
Mosicalment presentemos o nuevo treballo de Kase.O, Jazz Magnetism, y traduciemos una canta suya a l’aragones ta rematar o programa.
Remera que emitimos totz os chueves en Radio Topo, 101.8 d’a freqüencia modulada zaragozana, de 18 a 19 horas. Y que tamien puedes ascuitar-nos en directo en o ret a travies d’a web de Radio Topo u en as reemisions de Radio Chabolo 107.6 FM os viernes de 17 a 18 horas.
Filed under: Colonialismo, Cultura, Internacional, Internacionalismo, Social | Etiquetes: Nación Andaluza, topicos
http://www.kaosenlared.net/noticia/andaluces-1
“Soi farto. Tant farto que ya no sé si dicir-lo, escribir-lo, chilar-lo, u meter-lo con hache intercalada. Farto de que a os andaluces se nos etiquete de galvans, sin criterio, apesebraus, subsidiaus u incultos.
Farto de que se nos asocie nomás con o flamenco, a borina, os toros y o vin.
… Farto de Loperas y musho-beti, de cuentachistes, de famosetz de tercera división, de Malayas y de Faletes.
Farto de veyer en as series de televisión os papels de criada analfabeta u fatet con accento andaluz (y garra presentador d’informativo con o nuestro accento?).
Farto de veyer programas de zapping con o penible programa de Juan y Medio fendo-se a mofla d’os nuestros ancianos en busca de parella, dando a imachen de personaches grotescos.
Farto d’a nuestra imachen de sociedat subsidiada, cateta y sin criterio. Canso de que se menosprecie o nuestro accento.
Farto de veyer andaluces que nomás triunfan en o programa de Patricia, Gran Chirmán y similars.
Farto de Jesulín, de Pozi, de Pantojas y Jurados. Farto d’o risitas, de Romerías d’o Rocío y Feria d’Abril.
Farto d’a duquesa d’Alba (a la que facioron filla predilecta d’ista tierra, toca-te os pirindolos) d’a suya filla, d’os suyos fillos, d’o suyo choven y os suyos traches de flamenca. Y agora d’a suya voda.
Farto de toriadors que s’embolican con fulanas, d’a botixa y a pandereta.
Farto, canso, fastiau, aburriu me tienen.
Sisquiera bella vegada os meyos s’alcuerden d’os millons d’andaluces que se devantan cada maitín ta devantar isto, u d’os nuestros pais y güelos que emigroron fa decenios a Suiza, Catalunya y País Basco ta treballar a on dengún no quereba.
Sisquiera qui charra d’a nuestra incultura s’alcuerde de Seneca, Maimonides, Averroes, Gongora, Becquer, Alexandre, Lorca, Juan Ramón Jiménez, Machado, Falla, Zambrano, Picasso, Velázquez, Murillo, Alberti, Blas Infante, Carlos Cano, Gala, Luis Rojas Marcos, Sabina…
Sisquiera s’alcuerden que charramos con accento andaluz advogaus, mariners, medicos, piquers, arquitectos, investigadors d’alto ran, cambrers, taxistas, prostitutas, chueces, enfermeras, interpresarios, policías, obrers, agricultors; s’alcuerden de millons de personas que se parten os cuernos cada día, dende Ayamonte dica o Cabo de Gata, millons d’andaluces que continan fendo Andalucía dillá de Despenyaperros…
Sisquiera iste post lo leyese muita, muita chent. Sisquiera dase a tornada a o mundo, encara que me temo que se quedará perdiu en o granizo ociano d’internet.
Tamién podría suceder que iste post s’espardise por o ret, que os andaluces l’enrastrasen a traviés de facebook, tuenti u twitter, que se difundise por email y plegase a totz os cantons d’o mundo, ixo ya lo deixo en as tuyas mans.
Prof. Juan José Ruiz Departamento de Quimica Fisica y Termodinámica
Aplicada Universidat de Córdoba Edificio Marie Curie
Campus Universitario de Rabanales”
