Filed under: Fendo Orella, Radio Topo | Etiquetes: Esne beltza, Gen, Grecia, magofermin, Mallacán, Mostros
Baixa-te-ne u ascuita o nuestro zaguer programa:
Aquí tenetz o programa d’a pasada semana, tos lo deixamos con un poquet de retraso.
Ixe chueves 16 de febrero faciemos una cronica d’a presentacion d’o disco-libro de Magofermin y ascuitemos dos acusticos gravaus ixe mesmo día d’as collas Gen, con a canta Dios explota, y Mallacan, con Asti soniare.
Tamien i teniemos noticietas d’actualidat social con as algaradas de Grecia contra a Troika, un breu resumen d’a nueva reforma laboral, y a convocatoria y comunicau d’a manifestacion que ilustra istas ringleras.
Os meyos comercials recullioron una noticia tocant a l’aragones, como siempre, ta remerar-nos que ye en as tres pedretas. D’atra man y dende una anvista mas positiva metiemos un troz d’un cuentet en aragones ansotano, O gatolín con borceguins de l’asociacion A Gorgocha, d’a val d’Anso.
Sonon tamien en o programa Esne Beltza con o suyo nuevo treballo, clamau 3 kolpetan y Mostros, colla que tanyeba en a veilada por o cinqueno cabo d’anyo d’os nuestros companyers de Ciutat Podrida. En a canta traducida, ista vegada, Canciu de llucha d’a colla Escuela de Odio.
Feu un comentari fins ara
Deixa un comentari
