Fendo Orella 101.8 FM

Chornada d’Aizión Global contra la Expo, combocada por a Plataforma Expo No, arrocló a zientos de personas en diferéns actos contra o macroebento, debán de l’esluzerne de buena parti d’a ziudadanalla, o refirme y simpatía d’atra y un, nos pensamos, chicot refuse d’atra parti que esfenden a muestra en un tono más propio de “hooligans” que de suposaus esfensors d’o desembolique sostenible que trata o festibal de l’augua en Ranillas. Prenzipió a chornada con l’enguero d’a Quincena Europea Zapatista, una ripa d’actos que ban a fer-sen por tot lo continén y cuyo pistoletazo de surtida estió lo zaragozano parque Bruil con una charrada d’o Centro de Documentación Zapatista, CEDOZ.

Se fazió consonar a charrada con o Día de México en la Expo, por a presenzia antimás d’o presidén mexicano Felipe Calderón y o Gobernador de Chiapas, una d’as redoladas más azuzadas por o chantache a las comunidaz zapatistas meyán a militarización d’un recurso alazetal como ye l’augua.

(més…)

[20/04/2008 José Luis Trasobares]

En l’empezipie d’os tiempos (isto ye, dentre o 2005 y o 2006), lo que agora se conoix como Gran Scala se clamaba prochecto Los Monegros. Biel y Aliaga encara no s’eban feito ixes con o tema. Os promotors de l’esbergoñau imbento sisquiá podeban nian soniar con o ran de complizidat instituzional d’o que disfrutan actualmén.

O prochecto Los Monegros estió l’imbento d’uns personaches de mal clasificar (…)

Ta Paul Stephan Allegrini y Christian Colus, dos d’os suyos actuals zelebros, Gran Scala representa la continazión lochica (dende a suya ambista) de Goldenpot, un casino birtual y global que no pas funzionó que en Bolibia y cuala zentral estió clabada en Barzelona dica que plegón as emparas.
(més…)

O patronato d’o parque natural d’as bals ozidentals estio constituyiu o martes en Echo, con l’ochetibo de colaborar en a chestión d’iste espazio. O director cheneral de desarrollo sostenible y biodibersidat, Alberto Portero, partizipo en l’auto de constituzión d’iste organo consultibo, que cuenta con representans d’os conzellos incluyius en l’aria d’o parque, a redolada d’a Chazetania, ecolochistas, asoziazions, propietarios y d’atrás instituzions. A lai d’aprobazion d’o parque natural guaranzia la partizipazión instituzional y sozial d’o territorio por meyo d’a creyazión d’iste amplo organo consultibo y de partizipazión sozial.
(més…)

A organizazión ecolochista WWF alerta de que a reduzión d’a capa de chelo en o Mar Baltico ye probocando a muerte masiba de crietas de foca anillada, que “mueren de fambre y fredor” por beyer-se obligadas a dentrar masiau luego en l’aigua.

A foca anillada d’o Baltico (Pusa hispida botnica), espezie protechida y en periglo d’extinzión, cría a os suyos bebés en espelungas de nieu y chelo dimpués d’a naxedura d’istos, que se produz entre chinero, febrero y marzo. Cuan as crías han enzebiau prou como ta tener una gruesa capa de grasa que as protecha, salen a las cheladas aiguas d’o Baltico.
(més…)

Un estudio epidemiolochico elaborau por l’Instituto de Bichilancia Sanitaria de Franzia sobre a inzidenzia d’o cánzer en os puestos que son amans a cremaderas de repuis solidos urbans ha determinau a relazión entre a emisión d’istas instalazions y a inzidenzia d’ista laquia.

En un comunicau, a Coordinadora Ecolochista d’Asturias esplanica que a dilazión -entre zinco y diez años- en l’aparixión d’a enfermedat dende a exposizión a las partíclas que emiten istas plantas podría sinnificar a existenzia d’un numero superior de casos de cánzer respeuto a os que han estau dianosticaus en a zona.
(més…)

¿Creyes que a DChA abría d’introduzir mas onsos n’o Pirineu?

En Fendo Orella queremos saber que piensan os aragonesofablans sobre iste tema, ta ixo, feremos un programa espezial en o que charraremos d’os onsos en l’ecosistema pirinenco y contimpararemos a suya situazion con a d’os suyos, cada bez mas lexanos, parientes d’a cordillera cantabrica.

Escribe-nos dando a tuya opinion sobre os onsos, u dizindo-nos tot lo que sepas sobre ellos a fendo.orella(a)gmail.com, u simplamen dixa un comentario en ista notizia.

Os onsos, luego en Fendo Orella. Quere-mos saber a tuya opinion!!

[ecolochistas en aizión]

Debán de l’anunzio d’a posible ubicazión en Aragón d’almazens subterraneos de CO2, an que se ficarían os gases beniéns de grans industrias con l’ochetibo suposau de luitar contra o cambeo climatico, Ecolochistas en Aizión considera menester fer publicas as beniens reflexions:
(més…)

O numero de fembras d’onso pardo s’ha duplicau en os zaguers diez años en toda la Cordillera Cantábrica, encara que en mayor mida en a zona ozidental que en a oriental. En o caso d’ista zaguer, que abraca Cantabria y Palencia, en os dos zaguers años s’han trobau tres onsas esferens con oseznos, lo que implica que s’ha consolidau la reproduzión, segúntes o presiden d’a Fundación Oso Pardo, Guillermo Palomero.

Asínas, en 2006 se detectoron dos onsas con dos críetas en os mons de Vega de Liébana, Pesaguero y Chirmandat de Campoo de Suso, y en 2007 una onsa con o suyo osezno en os mons de Pesaguero y Polaciones. En l´autualidat, ista poblazión oriental cuenta con un zenso aproximau de 30 onsos.

Por a suya parti, a población ozidental, que se troba entre l’oziden d’Asturias y en l’Alto Sil leonés, acaza alto u baxo 100 exemplars y se mantiene una tendenzia crecien en os zaguers años.

Antimás, en o bienio 2006-2007 s’han trobau 440 indicios “inequívocos” de presencia de onsos en Cantabria, zifra que triplica la obtenida a l’escomenzipie d’a decada, con 132 en o 2000-2001.

(més…)

A brigada d’o conzello de Platja d’Aro ha trobau güé una ballena en enantau estau de descomposizión frente a la costa d’a Cala de Belladona, han informau fuens monezipals.

Achens d’a Polizia Local y d’o Seprona d’a Guardia Zebil s’han desplazau güe de maitins dica o puesto ta prebar de remolcar dica o puerto lo cuerpo d’a ballena, que mide entre seis y siete metros de largo y se troba en enantau estau de descomposizion, por o que podría fer bels diyas u semanas de l’inte d’a suya muerte.

O consistorio de Platja d’Aro s’ha meso en contauto con o Zentro de Recuperazión d’Animals Marinos de Cataluña (CRAM) ta que os albeitars prenan una muestra d´os restos d´o zetazeo ta fer-le una necropsia que pueda determinar o suyo lugar d´orichen y a causa d´a muerte.
(més…)

O Gubierno de Chile anunzió o chuebes que adoptará una lai de “protezión indefinida” d´as ballenas y o suyo entorno en as auguas chilenas, seguntes informó a ministra de Meyo Ambien d´ixe pais, Ana Lya Uriarte.

“Imos a dictar una lai que enante en a protezión indefinida d´os zetázeos en Chile”, dizio tras reunir-se con Gustavo Vergara, boluntario chileno que remanió tres meses a bordo d´un barco de Greenpeace encorrindo a la flota ballenera xaponesa desplegada en auguas d´a Antártida.

“Él representa o clamor que tot lo mundo ye fendo ta ebitar a captura d´istos zetázeos por parti de Xapón”, aseguró Uriarte.

(més…)