Filed under: Fendo Orella, Radio Topo | Etiquetes: Artieda, Raimundo Amador, rufierta
Parola-palabra-paraulas ta prencipiar o zaguer Fendo Orella d’ista temporada 2011/12:
Con a honor de que una antiga y conoixida voz d’o programa nos acompanyase en ista despedida, teniemos un programa prou rufiertero do charremos de milenta temas y tot o que nos agano y quanto nos agano. Con tot y con ixo nos vago de fer un balanz d’ista temporada y presentar o festival Artieda 2012 – Esfendemos a Tierra.
Mosicalment ascuitemos una canta de Lendakaris Muertos y a resta d’o programa Esne Beltza, t’acompanyar a entrevista que tenebanos parada a o suyo cantaire Xabi Solano ta despedir ista temporada, pero por cosas d’o directo no podiemos contactar con ell y nos quedo una aceta sabor… Rematemos traducindo a canta de Raimundo Amador Ay que gustito pa’ mis orejas porque nos fa muit content@s que nos sintatz por as vuestras orellas!
A imachen d’alto ye d’a chera de Sant Chuan en o Parque Bruil, gracias a totz y todas as que tos i pasetz. Tos trobaremos a faltar, nos ascuitamos en que remate o verano!
Raimundo Amador
Ay que gustito pa’ mis orejas
Ay que goyet t’as mias orellas,
enfosau entre as tuyas garras,
y tu me dices ay! que te responda,
yo encara no he ascuitau, a tuya pregunta.
No te siento bien,
ye porque ando sumerchiu en a tuya piel.
O más gran d’ista nueit, que se fació de diyas,
si salise o sol, astí me veyerías.
Como un coniello entre as tuyas garras,
bebendo a tuya esencia, seguindo lo tuyo camín.
Si soi aigua tú me levas,
si soi barra, tú a mia rella,
l’horizont ye una frontera,
que me culle d’entre as cellas
Fendo Orella 101.8 FM 