Fendo Orella 101.8 FM


Polemica por una carta ofizial d’Almacelles en catalán
febrer 4, 2008, 9:41 am
Filed under: Aragon, Cultura, Luenga, Papels | Etiquetes: , , , , , , ,

[27/01/2008 EL PERIÓDICO]

Una carta d’o Conzello d’Almacelles, en a probinzia de Lerida, t’o de Fraga ha feito rebiscolar a polemica dentre istos conzellos por l’emplego d’o catalán en a francha oriental d’Aragón.

L’orichen d’ista nueba rufierta estió una carta que nimbió lo consistorio d’Almacelles t’o fragatino ta comunicar a incorporazión t’o suyo padrón munizipal d’una bezina d’a capital d’a Baxa Zinca. O problema ye que a demanda ta que iste fese tramitar a baxa yera feita sólo que en catalán, bella cosa que fazió tornar a carta con una breu nota.

A nota, siñada por l’alcalde, José Luis Moret (PP) y endrezada t’o conzello de “Almacellas” en cuentas d’Almacelles -que ye o nombre ofizial en catalán- alazetaba fer tornar a carta en “aplicación del artículo 36 de la ley 30/92 de 26 de noviembre”, seguntes adebantó ayer o diario Segre. En iste articlo se diz que “el uso de la lengua se ajustará a lo previsto en a legislación autonómica correspondiente”, y en Aragón a unica luenga ofizial ye o castellano, remeró l’alcalde de Fraga.

Respuesta d’Almacelles
L’alcalde catalán, Josep Ibarz (CIU), contestó combidando a suyo omologo aragonés a fer serbir a denominazión d’Almacelles, ya que l’Almacellas “ye preconstituzional”. Antimás, le remerá que “o catalán, con as suyas barians, ye tamién a luenga d’os fragatinos y fragatinas”.

Moret, que charra perfectamén o catalán, aseguró que respeta ista luenga y reconoxió que se fa serbir de traza cutiana en Fraga. Manimenos, remeró que ista no cuenta con caracter ofizial en Aragón. L’Estatuto d’Aragón, que reconoxe a existenzia de dibersas fablas y modalidaz luengüisticas d’Aragón como “una balor sozial de respeto, combibenzia y entendedura”, no reconoxe l’emplego ofizial d’o catalán.

http://www.elperiodicodearagon.com/noticias/noticia.asp?pkid=382343

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: