Fendo Orella 101.8 FM


Carta ubierta d’un republicano enta o príncipe Felipe en o suyo cuarenta cabo d’año
febrer 11, 2008, 9:57 am
Filed under: Colonialismo, Sozial | Etiquetes: ,

[Jaume d’Urgell (*) Escritor]

Aquí se fa serbir a parola “presidén” ta clamar a lo que en reyalidat ye un primer menistro u un chefe de gabinete, no un autentico presidén, porque en o 97% d’os países preseas en a ONU os presidens fan as funzions que aquí furta tu pai.

Felipe, ¿Qué se le puede deseyar a o fillo d’o complize d’un dictador que se asoma a las cuaranta añadas? Que tienga un poquet de rispeto democratico, prou que sí, como a cualsiquier atro autócrata armau. Ixo ye lo primer. En un país an que no se puede trigar a o Chefe d’Estau, os dictadors melitars- asesins u no-, son, debán de tot: insolens que biben d’o treballo alleno.

Tu, como tu pai, que siempre ha lebau a gala o malfurriar a costa d’o nuestro esfuerzo, me dixarás antis de cosa, que no faiga caso d’o protocolo con os d’a tuya estirpe tratan d’ebadir a ignominia que les rodia, ta dizir-te o mío deseyo de que restituyas de camín tot lo que nos ez sacau y te metas a treballar que ya prenzipias a tener edat.

Al escribir-te güe, soi felizitando a toda una chenerazión, Felipe, a chenerazión anterior a la mía, una chenerazión de chen formadas asabelo de bien, que manimenos, no sabe lo que ye eslechir a un presidén y que nunca no sintió rareza de fer serbir ixa parola, “presidén”, ta clamar a lo que en reyalidat ye un primer menistro u chefe de gabinete, pero no pas un presidén de berdat, porque en o 97% d’os países preseas en l’Asambleya Cheneral d’as Nazions Unidas os presidens de berdat poseyen funzions que aquí usurpa tu pai. Por exemplo, a o mando d’as Fuerzas Armadas (CE, art. 62. h).

A mayoría d’os chobens de güe no tiene nian un recosiro d’aquel diya en que tu pai, en as Cortes espanyolas, rodiau de bispes y melitars como él, churó fidelidat a las leis franquistas, aczedendo asinas a la zaguera boluntat d’o biello chenozida y obteniendo ixa corona, que nunca no será tan polida como una urna de metacrilato, plena de sobres de paper, depositaus sin medrana, ni mugas, ni engaños. A democrazia que os amigos de tu pai logrón destruyir no tenié cosa que bier con o rechinen que güe bibimos, ni con a republica que bi ha por debán. Ista chenerazión, sobreleba un Estau pribatizau y neoliberal. Producto de siete decadas de gobernar d’espaldas a la ziudadanía, sacando-nos o nuestro dreito a partizipar en os asuntos publicos. Ista prepotenzia ye parti de l’estilo etico d’a tuya familia: una mentira labrada a trabéis de sieglos de medrana, sangre, impunidat y una angluzia por os diners d’o demás.

A mayoría d’os que han naxiu en iste Estau padezión un engaño masibo que se iba posando, a o cubillar de sables, desinformazión y leis que acusan sonrollo entre churistas d’atros países. Tu y yo, lo mesmo que atros compatriotas a la fuerza, no faziemos adultos en una soziedat que, dimpués de siete decadas de contemplar como un melitar soba a suya más altera machistratura, prenzipia a estar farta de tot. Emos madurau en un país que s’abergüeña de si mesmo, que se i ha feito a amagar o suyo nombre y os suyos símbolos, plenos por siempre de sectarismo, dimpués de que se los apropiase o ex chefe de tu pai. Y agora tu, de rebés que a resta de ziudadanos, yes mirando-te de enfuelgar-te con un poder que no te perteneix.

Dica agora, te ha feito goyo de no treballar, de tener caprichos que a resta, treballando, les yeran biedaus. Tu, supuesto maximo exponén d’a sanidat publica, no has dudau en trigar a sanidat pribada siempre que te ha abiu a menester, prou que con os nuestros diners.

Pero ista soziedat, que acumula setenta añadas consecutibas d’opresión, ye empezipiando a prener conzienzia d’o suyo potenzial, d’a fuerza d’una población de 45 millons de ziudadans, que son ixo: ziudadans, no subditos, y lo sabemos. Cada begada en somos más. Sabemos que iste potenzial puede y be de tornar-se en una berdadera democrazia, ta meter o Estau a o serbizio de qui, sufren a tuya abarizia.

Tu pai siempre ha estau un solau franquista, y por ixo qui compartiban as suyas trazas y ochetibos creyeran que o suyo fillo podeba tener o mesmo festín… de no estar por a eclosión d’un esprito critico en pro d’a Republica.

Suposo que, ta os que son como busatros, ixa ye a berdadera mida de l’éxito: plegar a biello dimpués d’una bida plena de luxo sin aber treballau garra diya.

Buen cabo d’año, Capeto. Fe-me caso: quita as tuyas mans de os nuestros asuntos publicos. No se que tendrá a corona que siga capaz de fer-tos perder o tozuelo. ¡Salut y Republica aragonesa!

(*) Jaume d’Urgell ha estau condanau en zagueras por cambear o siñal royigualda por o siñal republicano español en un edifizio ofizial en Madrit. Ista carta ye inspirada en una misiba parellana escrita por Rodríguez Zapatero.

Anuncis

1 comentari so far
Deixa un comentari

[…] [ARAGONÉS] Carta ubierta d’un republicano enta o príncipe Felipe en o suyo cuarenta cabo d’año Image by Jaume d’Urgell Carta ubierta d’un republicano enta o príncipe Felipe en o suyo cuarenta cabo d’año Jaume d’Urgell / MADRID / fendoorella.wordpress.com/2008/02/11/carta-ubierta-d%e2%8… […]

Retroping per Nice Carta photos » guia de restaurantes, restaurantes quito, restaurantes ecuador, restaurantes, restaurante, restaurants, restaurant, bares, bar, bares quito, bares ecuador, cafeterias, cafes, cafeterias quito, cafeterias ecuador, quito, ecuador, quito




Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: