Fendo Orella 101.8 FM


¿Por qué dizimos no a la Expo 2008?
Juliol 1, 2008, 10:27 pm
Filed under: Aragon, Sozial | Etiquetes: , ,


Porque a Expo ye especulazión

Zaragoza ye a ziudat an que más puyó o pre d’a bibienda en 2006, brincando d’o 17% y duplicando a meya estatal. En bels bicos a inflazión acumulada d’a bibienda dende l’aprebazión d’a Expo sobrepasa o 30%.

De bez que a Expo se han enamplau a costruczión de bibiendas de luxo cuan os espazios destinaus ta o emplego sozial son sobresaturaus de tot y se son produzindo recalificazions de terrenos que enamplarán os de por sí, ya alteros pres d’a bibienda.

Isto responde a la busqueda de sacar partiu urbanistico d’unos terrenos que en as zagueras añadas se han bisto rebalorizaus con a costruczión d’a gara de l’AVE y d’o puen d’o Terzer Milenio, que esbarrará una firme cantidat de diners publicos enta as mans d’interpresas que faigan as obras. O Conzello aprebó a exenzión d’o 75% d’o impuesto sobre Costruczions, Istalazions y Obras ta las costructuoras adchudicatarias de contratas ta la Exposizión Internazional 2008.

Un exemplo lo trobamos en os terrenos an que se ha costruyiu a Expo, bosaus por Ibercaixa a cambeo d’os cuals rezibió a conzesión de parzelas en Arcosur ta edificar bibienda libre y de proteczión ofizial, cuan os bicos tradizionals de Zaragoza tienen un ran de bibiendas buedas que, en bellas carreras, plegan a o 50%, ya que a poblazión no creixe.

A experienzia d’as anteriors exposizions unibersals (y a de Zaragoza no’n ye: ye internazional, de segunda dibisión, ta entender-nos) y a más rezién d’o Fórum de Barzelona, contrimuestra que istos ebentos son una esferra ta as arcar publicas encara que, ixo sí, asabelo de rendibles ta costructors y especuladors urbanisticos.

Ta más trucadera, parti d’as bibiendas zaragozanas destinadas enta loguers sozials irán enta treballadors d’a Expo dica la fin d’a muestra.

Expo ye destruczión

Granizas picadas d’arbols en o meandro de Ranillas, feito denunziau por l’Asoziazión de bezins de l’Actur, y en toda la ribera, que ha dixau puestos como l’Arboleda de Macanaz, cuasi arrasadas.

A enamplazión artifizial d’o río Ebro ta tornar-lo en una zona recreyatiba de pago, rematando con una d’as pocas riberas silbestres que quedan en o país.

L’Azute de l’Ebro, prochecto feito sin parar cuenta d’a fuerte oposizión dende colectibos y asoziazions bezinals, culturals y ecolochistas, que lo han clamau de insostenible dende una ambista ecolochica, economica, sozial, ambiental, legal y cultural.

Daños causaus por l’acumulazión de toneladas de graba en o río Ebro que han lebau de bez a un dragau irresponsable, que se ha enamplau por as obras ta fer pasar os barquez d’a muestra por debaixo d’o Puen de Piedra, puen meyebal cuyo sulero ha estau rebaixau.

Expo son mentiras

O prochecto de metro y trambía son descartaus. Nomás se da una calendata alto u baxo ta la primera linia de trambía, que no será antis d’o 2011.

Garra d’as actuazions culturals y ambientals prometidas por a D.Ch.A. ye en obras u en trangos d’inagurazión. Se charra d’un posible prenzipio ta o 2009. As prometidas aduyas a atras subsiedes como Gallocanta, Exea u os balnearios se han esbafau por o camín.

O numero de bisitans “potenzials” (esquimen por entradas bendidas) se ha calculau suposando que o 40% d’os bisitans repetirá dica seis begadas.

A imbenzión de supuestas “nezesidaz” de Zaragoza (nezesidat de repercusión mundial, nezesidat de nuebas bibiendas, obras faronicas asabelo de caras, zentros comerzials…) cuan as berdaderas nezesidaz d’a poblazión como son os problemas de mobilidat, pobreza y exclusión sozial, contaminazión, melitarizazión y pribatizazión d’os espazios publicos u destruczión d’os espazios naturals, son ignoradas.

Expo ye represión

Zereñas leis “zebicas” que han tornau a Zaragoza en un estau polizial. Sobre iste afer cal remerar a represión bestial que bi abió contra la disidenzia a la EXPO de Sevilla en o 92, en a que bi abió asabelo d’agredius, deportaus, contusionaus y mesmo tres ferius de bala, o comisario encargau d’a represión en Sebilla será tamién en Zaragoza.

Tot isto antiparti d’a permanenzia 10 meses en Zaragoza de 5000 polizías, antiparti d’a contratazión de a lo menos 900 bichilans pribaus, a mayor esquimen d’as interpresas de seguridat.

Aclapamiento sistematico de cualsiquier oposizión a l’ebento, tanto en a carrera con sacada trigada de cartels y pancartas contrarias a la expo y a especulazión urbana. Silenzio en os meyos debán de cualsiquier posizionamiento cretico.

Emos puesto beyer como un zentro sozial okupau como RASMIA ha estau salbechemén desokupau, emos teniu que soportar una semana plena de melitars y desfiles belicosos en a nuestra ziudat. Una ordenanza zebica ye a punto d’aprebar-se ta no dixar nian tartir por as carreras, y as piñoras y abusos polizials sin motibos son a la orden d’o diya.

Expo ye malfurriar

A Expo 2008 costará más de 800 millons d’Euros en gastos nomás d’obra publica (gastos d’explotazión aparti). Tanimientres, o Conzello de Zaragoza tiene un defizit de más de 5 millons d’Euros.

A diya de güe encara no se han fazilitau os presupuestos detallaus d’a mayor parti d’as obras y s’ignora o salario que perziben os directibos d’a fita.

Fa bels meses o coste d’a EXPO ya eba puyau en más d’un 70%, en prochectos inutils sozialmén, como pueden estar un acuario chigán, un teleferico que no funziona con exzeso d’aire, una torre de 70 metros sin contenius u costosismas obras que dimpués s’elbodregarán, como as fronteras d’a Expo que costarán más de siete millons d’euros y s’abentarán dimpués de rematar a muestra. Un azute, unos embarcaders y unos dragaus costosismos que nomás han serbiu ta que unos barquez baigan de Vadorrey ta As Fuens (nomás esnabesan o río d’orilla a orilla y no pueden pasar d’o puen de Fierro ta debán).

Antimás d’isto… aduyas y benefizios economicos a las interpresas que i colaboren u publiziten a Expo (Ibercaixa, CAI, o grupo NOZAR u ARAMON). Prou que, tot ello bosau con diners publicos.

Y ta rematar con toda ista estafa

Tot iste puyal d’inmersión publica rematará por rebertir a benefizio pribau, ya que a Expo será retornada en un parque empresarial de cuya benda se’n son encargando dos inmobiliarias pribadas.

[Más info]
http://www.expo-no.es

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: