Fendo Orella 101.8 FM


Un bezín de Chaca demanda informazión enta Polizía Local ta conoixer si os melitars yeran desembolicando maniobras en o casco urbano d’a ziudat.
Octubre 6, 2008, 1:58 pm
Filed under: Colonialismo | Etiquetes: , , ,

A Chefatura de Tropas de Montaña de Chaca imbestiga a supuesta presenzia de melitars armaus por as carreras d’o bico d’a Unibersidat d’a capital d’a chazetania en a tardi d’o zaguer martes. Seguntes informó ayer a Polizía Local, a primera notizia sobre istos feitos la fazilitó un bezín que se personó en as suyas depenzias preguntando si se yeran fendo maniobras melitars en pleno casco urbano d’a localidat pirinenca.

Paix estar que, melitars armaus y con uniforme de guerra, daban ordens a os bezins, encara que iste extremo no ha estau confirmau por a Polizía Local (pero si por os bezins), y ha puntaualizau que no se ha presentau garra denunzia formal. Istos inzidens se produzión en a carrera de San José de Calasanz d’o bico menzionau. En ista carrera se troba o colegio publico San Juan d’a Peña y o Istituto Domingo Miral. Os achens d’a Polizía  monezipal abisón a os mandos d’o Regimiento Galicia 64, que asegurón desconoixer lo ocurriu. A l’aspera de aclarir as zircustanzias en as que se produzión os feitos, fuens d’a Chefatura de Tropas de Montaña amostrón a suya preocupazión  por l’alarma chenerada entre os bezins, a os que demandón disculpas.
Seguntes atro testimonio replegau por o Heraldo (parar cuenta si bi’n abrá más ta que se’n faiga eco l’Heraldo), ixe mesmo martes de maitins, una colla compuesta por a lo menos siete soldaus se trobaba patrullando fusil en man a rotonda d’aczeso a Chaca chunto a l’armita de San Miguel (antigo polborín franquista), amán d’o zentro comerzial Eroski, lo que trucó o ficazio de bels automobilistas.

Imbestigazión
Fuens d’a Delegazión d’o Gubierno en Aragón confirmón o miercols que l’Echerzito ha ubierto una imbestigazión ta aclarir os feitos. En primeras, o Menisterio d’Esfensa no teneba costanzia de que se estasen fendo maniobras melitars en a ziudat. Bellas fuens ofizials dizión d’una traza poco creyible que podeba estar que os protagonistas de l’inzidén estasen personas allenas a l’Echerzito bestidas con trache melitar.

A Delegazión d’o Gubierno en Aragón dizió que si se presenta bella denunzia a o respecto, se ixolomorá ta determinar si existen responsabilidaz y, en o suyo caso, depurar-las conbenientemén. O Menisterio d’Esfensa se metió en contacto o miercols con o comandante d’a plaza de Chaca, que ye o chefe d’a Brigada d’Alta Montaña, ta que ubrise una imbestigazión.

Antezedens preocupans
Fa unas añadas, bezins d’ista localidat pirinenca amostrón o suyo malestar por a presenzia de melitars armaus en a zona conoixida como Baixada de Baños, do se troba o colechio d’as Escuelas Pías. Ye una zona urbana chunto a la nueba pista de chelo.

En febrero de 2001, un granchero d’a localidat d’Atarés (Chaca) denunzió que os coniellos d’a suya explotazión sufrión estrés, abortos y atras patolochías debiu a o fuego de fogueo de bels soldau d’a Escuela Melitar de Montaña de Chaca tanimientres unas practicas en a zona. O echerzizio tactico se desembolicó arredol d’a finca. A mortalidat d’os animals puyó d’un 3 a un 15%.

Pero os feitos más graus que ha ocasionau dica l’inte en a poblazión zebil a nutrida presenzia melitar y as maniobras que se zelebran en a l’Alto Aragón se produzión a primers d’o mes de chunio de 1984 en o lugar d’Abena (Chaca). Una fuerza integrada por nueu soldaus y un tenién d’as COE con base en o lugar bizcaíno de Munguía dentró en Abena y demandó a os suyos abitadors que se conzentrasen en a plaza ta la lectura d’un importán comunicau. Dimpués, demandón a presenzia de l’alcalde pedaneo y de l’alguazil, y as tropas simulón un fusilamiento con balas de fogueo debán d’a indignazión d’os bezins. L’Echerzito ubrió un expedién y en surtió una tronada politica; pero no se plegó a castigar a dengún d’os acusaus.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: