Fendo Orella 101.8 FM


Belloch, ixe gran español
febrer 17, 2009, 2:53 pm
Filed under: Aragon, Colonialismo | Etiquetes: , ,

Tristemén conoixiu por os dragaus de l’Ebro, a relichión en o Conzello de Zaragoza, o banderón colonialista d’a Plaza Aragón… Juan Alberto Belloch, ixe gran democrata. Belloch, ixe gran sozialista. Belloch, ixe gran español.

Por orden d’o siñor alcalde a carrera General Sueiro de Zaragoza pasará a clamar-se San Josemaría Escrivá de Balaguer en bellas semanas. Y ye que o primer edil sozialista, prenió un compromís personal con un responsable d’o colechio mayor unibersitario Miraflores, ligau a l’Opus Dei, y ha dau orden a la conzellera de Cultura, Pilar Alcober (tamién sozialista, ixa que s’arreguiba de l’aragonés) de que adiba iste nombre en o listau de carreras que ban a cambiar o suyo nombre por estar ligadas a o rechimen franquista.

Con iste mandato, Belloch creba o consenso que bi eba dentre as zinco collas politicas d’o conzello en a resta de nombres a sustituyir. Caldría remerar que iste mesmo alcalde, Juan Alberto Belloch, s’embreco en a pasada lechislatura a no cambiar a denguna carrera o nombre sin consenso.

A proposa de Belloch, con tot y con ixo, tirará entabán por o refirme de l’equipo de gubierno PSOE-PAR y d’o PP. A portaboz popular botará faborable a ista proposa de Belloch porque Escrivá de Balaguer “ye puyau t’os altars y ye indandaliable que ha lebau o nombre d’Aragón por tot o mundo”.

Belloch tamién s’ha referiu a la carrera Carlos Marx de Zaragzoa “no i hai garra antimarxista culto que s’opose a ixo”, porque independientemén de cuals sigan as suyas ideyas, que “han feito berdaderas esferras en a umanidat, ye platero que ye un ombre importán”

Bien se bale que diz que ye sozialista…

D’atra mán Jerónimo Blasco (rechionalista español d’o PAR) afirmó que sustituyir o nombre d’a carrera General Sueiro a Escrivá de Balaguer no incumple a “Ley de la Memoria Histórica” porque o santo aragonés “no tenió una partizipación actiba en o golpe d’estau u exaltó lo franquismo”. Manimenos, i hai conexions d’o fundador de l’Opus Dei con o dictador a embute y asabelo escritos d’o santo de Balbastro contradizen a o rechionalista.

L’archibo d’a “Fundación Francisco” Franco alza una carta siñada en Roma o 23 de mayo de 1958 do Escrivá de Balaguer se fa cotento “como sacerdote y como español, de que la voz autorizada del Jefe del Estado proclame que la nación española considera como timbre de honor el acatamiento a la Ley de Dios, según la doctrina de la santa iglesia católica, apostólica y romana, única y verdadera y fe inseparable de la conciencia nacional que inspirará su legislación”. En ixa misma carta, Escrivá demanda a Dios “que colme a vuestra excelencia –Franco– de toda suerte de venturas y le depare gracia abundante en el desempeño de la alta misión que tiene confiada”.

En prenzipiar a guerra zebil, o relichioso uescano que se trobaba en Madrit fuye enta zona faixista, concretamén ta Burgos, do Franco eba clabau a capital. En rematar a contienda, Escrivá torna ta Madrit en abril de 1939, en un camión militar, chunto con as tropas franquistas. En bellas enchaquias estió demandau ta que fese de consellero espritual d’o dictador.

So que 17 años dimpués d’a suya muerte en 1975, estió beatificau en 1992 y diez años dimpués estaría canonizau por Juan Pablo II en Roma. O profesor Julián Casanova mete ficazio en o feito de que San Josemaría Escrivá de Balaguer morise bels meses antis que Francisco Franco y en cómo s’azeleró o suyo prozeso de canonizazión cuan ni sisquiá o papa Juan XXIII ye santo.

Y ye que seguntes amanixeba güe en os papers, l’Opus Dei ye mirando-se d’enamplar a presenzia publica d’o suyo fundador en a ziudat y fa bellas semanas demandó a l’arzobispo de Zaragoza, Manuel Ureña, permiso ta meter una imachen d’Escrivá de Balaguer en l’interior d’a basilica d’o Pilar. Ureña refusó ista posibilidat, por lo que l’Opus parix que ha trobau en Belloch un “tonto útil” que les faiga onra en ista faina.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: