Fendo Orella 101.8 FM


Keny Arkana
febrer 17, 2009, 2:55 pm
Filed under: Mosica | Etiquetes: ,

Keny naixió en abiento de 1983 en Marsella (Oczitania), en una familia con radizes archentinas.

A las nueu añadas ya eba esalampau de casa suya, pasando por bels internaus, do prenzipió a esmolar as suyas ideyas: «As suyas leis son inmorals, a mia delincuenzia tiene prenzipios» diziba. Bien luego prenzipiaría a escribir rap “me metié a escribir Rap a las 12 añadas, me yera menester, escribiba cosas intimas que me feban onra ta desafogar-me  y que alzaba ta yo, y textos prebocadors ta florer a la mierda y sembrar a rebelión.”

Keny Arkana esparde o suyo mensache ta toz os cantons d’o mundo, ixo le fazió plegar en Chiapas “m’intreso por a politica encara que no me reconoixco en dengún partiu, y extraniamén en o zapatismo me trobé. O costau alternatibo y umanista d’o mobimiento zapatista – tot lo que ye a esfensa d’a naturaleza, o ser umano y a suya dignidat y a suya libertat- ye unibersal.”

Podría dezir-se que en 1996 escomenzipió a suya carrera mosical en formar o colectibo Mars Patrie, que dimpués se tornaría en Etat-Major, con qui fería os suyos primers directos en a suya ziudat y en l’año 2003 quitaría l’EP de títol Volume 1.

Amanixió más tardi en bellas mix-tapes antis de fer solenca en 2003 L’Esquisse. Se define en as suyas cantas como «una anonima en a masa», y se niega a charrar d’ella mesma. Lo importán ye o mensache, lo importán ye lo que quiere transmitir.

En 2004, empenzipia a partizipar en a fundazión d’o colectibo La Rage Du Peuple (a rabia d’o pueblo), colectibo sozial por “una carraña positiba, federalista, portadora d’asperanza y de cambio” en as ziudaz en cheneral y en as zonas marguinadas en particular.

En octubre de 2006 quita o suyo primer álbum ofizial “Entre Ciment et Belle Etoile”. Keny Arkana, mas que no rapear, se concara, carraña, rebindica, enrabia, blinca dreitamén t’o cuello d’a inchustizia.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: