Fendo Orella 101.8 FM


L’aragonés en peligro d’extinzión (HERALDO)
febrer 27, 2009, 3:41 pm
Filed under: Cultura | Etiquetes: ,

Un informe d’a UNESCO rebela que d’os 6.000 idiomas existens en o mundo, más de 200 se han acotolaus en as zagueras tres chenerazions, 538 son en situazión cretica, 502 en serio peligro, 632 en peligro y 607 en situazión “vulnerable”.

L’aragonés y l’asturiano-leonés son, dentro d’o territorio español, dos luengas en situazión “peligrosa”, seguntes a terzera edizión de l’Atlas d’as luengas en Peligro en o Mundo feito por a Organizazión d’a ONU ta la Educazión, a Zienzia y a Cultura (UNESCO), presentau iste chuebes.

Seguntes l’Atlas, l’euskera se mantiene entre as 2.500 luengas en peligro en o mundo, dentro d’a categoría “vulnerable”, una situazión que, seguntes a UNESCO, se produze cuan a mayoría d’os ninos lo charran pero o suyo emplego ye restrinchiu a determinados ámbitos, “lo que ye de traza esclatera a ebaluazión más exacta de l’euskera”, explicó lo filologo finlandés Tapani Salminen.

Salminen, encargau d’a parti de l’informe an que se trata a situazión de l’euskera y en o que ye l’alazet de l’Atlas d’a UNESCO, consideró que a tamás de l’alta proteczión ofizial que tiene ixa luenga en o País Basco (CAV), a suya posizión ye “más débil” dentro d’España en Nabarra y, antimás, en Franzia.

O experto comentó a fortaleza d’o catalán -a o que calificó como a luenga minoritaria más fuerte d’Europa- y d’o gallego, protechiu antimás por a suya proximidat a o portugués. Istas dos luengas no son incluyidas en a clasificazión d’a UNESCO ya que no son en risque.

En l’anterior Atlas d’a UNESCO, de 2001, que clasificaba as luengas d’alcuerdo con atros criterios, l’euskera y gallego se trobaban en a categoría “en peligro” y o catalán yera “potenzialmén en peligro”. Manimenos, l’euskera no ye a unica luenga con risque en o territorio español, ya que l’Atlas d’a UNESCO replega la situazión “peligrosa” de l’aragonés y de l’asturiano-leonés, y bi incluye tamién o gascón (dialecto de l’oczitano chusto enzima d’Aragón) en a mesma categoría.

O informe rebela que d’os 6.000 idiomas existens en o mundo, más de 200 se han acotolaus en as zagueras tres chenerazions, 538 son en situazión cretica, 502 en serio peligro, 632 en peligro y 607 en situazión “vulnerable”.

Ixos cuatro son os nibels “de bitalidat” d’as luengas en as que istas se clasifican en l’Atlas.

Países con una gran dibersidat lingüistica como Estaus Unius, Brasil, Indonesia y Mexico son aquellos que tienen más luengas en peligro, seguntes constata l’estudio (remeremos que as competenzias d’a UNESCO son mundials y fan referenzia a l’aragonés).

Manimenos, tamién se puede berificar que Papúa Nueba Guinea -con 800 luengas, o país con mayor dibersidat d’o mundo- ye uno d’os que tiene menos peligro proporzionalmén (isto ye seguntes Heraldo de Aragón lo que le fa restar alarmismo a l’estudio; nos ésenos puesto prexinar lo que abrían escrito si a situazión en peligro ese estau d’o castellano).

“Heraldo de Aragón” mete como exemplo as declarazions d’o lingüista australiano y redactor chefe de l’Atlas, Christopher Moseley (toz sabrez a larga tradizión d’intransichenzia d’os australianos con as minorías etnicas). Christopher dizió que sería inchenua y simplista afirmar que as grans luengas colonials, anglés, francés y castellano son siempre as responsables d’a extinzión d’atrás.

L’Atlas interactibo que a UNESCO mete a disposizión de tot lo mundo dende güe en a suya pachina web ha estau feito por más de 30 lingüistas de tot lo mundo y dixará actualizar-lo de traza contina grazias a las alportazions d’os usuarios.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: