Fendo Orella 101.8 FM


Yo tamién lo fazié: campaña contra os chuizios por desobedienzia zebil en Iruñea
Març 26, 2009, 8:14 am
Filed under: Internazional | Etiquetes: ,

12 chobens ban a estar chuzgaus por reyalizar un acto de desobedienzia zebil. Se les demanda 2 añadas y meya de garchola por fer una posada y tallar o trafico.

Ha prenzipiau a campaña contra os chuizios que o benién diya 26 de marzo se ferá en l’Audienzia de Iruñea. 12 chobens ban a estar chuzgaus por reyalizar un acto de desobedienzia zebil. Se les demandan 2 añadas y meya de garchola por fer una posada y tallar o trafico aintro d’os actos d’a campaña por a okupazión “Iruñerria Piztera goaz” que, en rispuesta a o desaloix d’o gaztetxe Euskal Jai, remató con a okupazión d’o Palazio de Rozalejo.

Baixo lo lema “Nik ere egin nuen / Yo tamién lo fazié” se ba a denunziar a puyada d’a represión que, en contra d’os mobimientos sozials en particular y os dreitos zebils en cheneral, se ye produzindo en Nafarroa.

Somos patindo una apropiación de l’espazio publico, d’a carrera, a trabiés d’a presenzia polizial terne que terne. Ya son más de 1000 os polizías monezipals que nos cusiran y controlan por as carreras de Iruña. Y se i fan de tot en reprimir cualsiquier mena de zeño u actuazión que consone con o cuestionamiento d’as normas que esfienden.

O suyo menador, l’ex-militar Santamaría, se i fa en ista faina. Acude personalmen ta toz os desaloixos, esfiende con l’alcaldesa de UPN as actuazions biolentas d’os suyos achens, igual como cuan en chulio de 2007, matón a porrazos a una muller d’etnia chitana, mena la colla antidisturbios que él creyó, acude acompañau por a suya escolta de 10 u 15 achens a bier toz os chuizios que contra os mobimientos sozials se fan,…

Tamién acudirá o diya 26 de marzo ta iste nuebo intento de criminalizar y castigar a disidenzia, encara que aiga estau meyán una posada. Dimpués bendrán o macrochuizio contra la okupazión en o que son prozesaus 46 personas y os 2 chuizios con demanda de garchola por encadenar-se a las puertas d’un edifizio munizipal y de l’Audienzia de Iruñea.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: