Fendo Orella 101.8 FM


Ecolochistas en Aczión combida a presentar alegazons enta o nuevo prochecto d’entibo de Biscarrués
Juny 23, 2009, 4:43 pm
Filed under: Ecolochía

Ecolochistas en Aczión combida a presentar alegazons enta o nuevo prochecto d’entibo de Biscarrués, sobre o río Galligo por os suyos impactos sozials, meyoambientals, culturals y económicos. En a pachina de ecolochistas en acción puedes trobar o modelo d’alegazions. A boluntat de regular o curso meyo d’o río Galligo se remonta a prenzipios d’o sieglo, encara que dimpués de bella prebatinas ta aportar nuebos recursos a Riegos de l’Alto Aragón no estió dica 1978 cuan os reganos demandón a la CHE un estudio de regulazión que estió rematau en 1981. En l’añada 1987 a Confederazión Idrografica de l’Ebro presenta o primer prochecto ta la construczión de l’entibo. En o mesmo se replegaba a inundazión d’un lugar, Erés, una capazidat de 192 ectometro cubicos, y a ocupazión d’una superfizie de bellas 100 ectareas perteneziens a os términos monezipals de Biscarrués, Santolaria de Galligo y Morillo de Galligo. A construczión de l’entibo de Biscarrués-Mallos de Riglos ye inadmisible en o contexto sozio economico actual. Os elebaus costes económicos, sozials y ambientals no compensan de tot os supuestos benefizios que miran de conseguir. Os reganos ben de pasar por un esbenidero de modernizazión. No se puede aceptar que Riegos de l’Alto Aragón reclame imbersions de mils de millons ta entibar más augua que afoga os lugars y paisaches y que se malfurria grazias a unos sistemas de riego obsoletos de tot, entre os más inefiziens de l’Estau español. A soziedat demanda a preserbazión de grans espazios naturals an que desembolicar as suyas actibidaz d’ozio. A redolada de l’entibo Biscarrués-Mallos de Riglos ye uno d’ellos. Mils de turistas se beyerán pribaus d’os aterzeders d’os mallos, d’a baixada d’un río d’auguas furas, d’un paisache exzepzional, prebio a l’Alto Pirineo. Agora de nuebas a Galliguera ye menazada, o Nuebo Debanprochecto 02/09, de l’entibo de Biscarrués, estió publicau en o BOE de 25 de mayo de 2009. Como siempre as dificultaz que l’almenistrazión mete ta conoixer os suyos plans son grans y os propios conzellos afectaus no han rezibiu rispuesta a la suya solizitut de contar con o prochecto, que nomás se puede consultar en Zaragoza. Dimpués d’una primera lectura de l’Abanprochecto denunziamos que no se cumplen os suyos compromís de mantener os caudals menimos en o río Galligo pues inunda uno d’os poco trampos con caudal, no rispeta as auguas furas, pues plega enta la coda d’o entibo más t’alto de Murillo y arrozega toz os campos d’Eré, bien por inundar-los, bien por quitar os materials ta la presa. Y beyendo a planificazión d’a presa planteyada y as obras auxiliars ye una presa pensada ta estar recreixida y as obras complementarias son planificadas ta que sirvan con o tiempo ta la construczión d’o primer macro prochecto d’entibo. Ecolochistas en Aczión presentará as oportunas alegazions a iste prochecto de, pero t’anima a que tú tamién te i adivas a la campaña feita por a coordinadora Biscarrués-Mallos de Riglos presentando en cualsiquier rechistro publico, antis d’o 9 de chulio, as alegazions que trobarás en o archibo adchunto. Basadas en as premisas que ya sabemos.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: