Fendo Orella 101.8 FM


O fosal de l’ateu Federico
Juliol 31, 2009, 10:46 am
Filed under: Aragon | Etiquetes: , , ,

Cualsiquiera que faiga una gambada por a partida de Bal d’Atalaya, en Billamayor, rematará trobando-se-ie con un chicot edifizio meyo espaldau en un barzal. ¿Cubillar de pastors? ¿Paridera? O suyo nombre lo diz tot, o Fosal de Federico, construyiu a finals d’o sieglo XIX ta un solenco ombre, un ateu.

Mientres decadas o fosal estió a zaguera morada d’os ninos de Billamayor cualas almas iban t’o limbo: isto ye, d’ixos que moriban sin aber estau baltizaus. “Isto se sabe por tradizión oral -apunta Javier Roche, bezín d’a localidat- pero fa muitismas añadas que no se bi enterreca a dengún”. En reyalidat, sisquiá en Billamayor se remera qui yera ixe Federico que dió nombre a la construczión, dica que Roche escrubió un testamento que lo aclara tot.

Se clamaba Federico Sayrols Campomany y yera un industrial d’orichen catalán que, en 1891, biendo amanar-se a muerte, fazió  testamento: “expresa no ser catolico, apostolico y romano -escribió lo notario Juan Francisco Barta sin amagar a suya xorrontadura- y desea que en su entierro se prescinda de toda ceremonia de culto catolico, y que se le dé sepultura como se les da a los que, como él, no pertencen a nuestra Santa religión“.

Federico Sayrols disposó que se construyise un chicot fosal en una d’as suyas tierras, de si fa u no fa una bintena de metros cuadraus, y astí chazen os suyos güesos. Güe ye un campo de titularidat publica do se cautiba zerial, y dengún no se’n alcuerda de que ixo estió un fosal ni de l’ateu que mandó construyir-lo.

Fazió casio con Victoriana, y eredón parti d’a que estió casa d’a mai Martina d’Arilla, una muller naixida en Billamayor y t’a que s’han enzetau tres prozesos de beatificazión (1636, 1685 y 1819) dica agora en baldes. A cambra d’ista muller, que tenió lo ran de Benerable, remaniba igual como yera cuán i bibió en o siglo XVI. Pero arredol d’o 1864 Sayrols mercó a os Valero a resta d’a casa. Un diya fazió un muntón en a carrera con totz os obchetos relichiosos que i trobó y se disposó a pretar-les fuego.”Cuan se’n enterón os bezins i abió dos mullers que querión pribar-lo ascape y s’ufrión a mercar-los. Y lo combenzión”. Una familla de Billamayor poseye güe ixos obchetos, rescataus d’as flamas.

A imbestigazión relichiosa de Javier Roche l’endrezó enta Sayrols y asinas podemos conoixer güe a qui perteneixió lo fosal do s’enterrecaban antismás os ninos de Villamayor cualas almas bolaban ent’o limbo. Federico tenió lo temple ta mantener as suyas ideyas contra la corrién d’a epoca y cumplió lo suyo zaguer suenio: cayer en o xubliu.

Notizia orichinal

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: