Fendo Orella 101.8 FM


Etzakit
Octubre 29, 2009, 2:02 pm
Filed under: Mosica | Etiquetes: , ,

A lagor de Etzakit se troba en un bikote trikitilari, parella de trikitixas formada por Xabier Solano y Jon Mari Beasain. Una añada dimpués, en 1995, a parella se torna cuarteto cuán se i adiben un baixista y un batería,

Con ista formazión, toz ellos d’os lugars de Leitza y Hernani, Etzakit publicó los dos suyos unicos discos: Etzakit (1998) y Goiz edo noiz (1999). En ambos discos se fa notar a produczión de Kaki Arkarazo (ex Negu Gorriak), a qui teneban por “un miembro más” d’a colla.

Qui aigaz estau bella begada en una borina en tierras bascas, abrez puesto sentir, de seguras, bella canta d’ista colla. As cantas de Etzakit nunca no mancan en as fiestas populars, ya siga en as mans d’a tipica colla de bersions u d’o dj d’a berbena.

L’estilo suyo podría clamar-se  “folk radical basco”, fendo una mica de chanza con tot isto d’etiquetar a mosica. O tradizional soniu d’a trikitixa se fusiona con zeños de rock, salsa y punk, de bez que as suyas letras -cantadas de raso en euskera y con un zereño conteniu politico- implen o mezclallo.

Formazión

Xabier Solano, trikitixa
Jon Mari Beasain, guitarra
Ander Barrenetxea, batería
Aitor Zabaleta, baixo

Discografía

1998, Etzakit

Iste primer disco ye o soniu d’o rebellar d’a primabera dimpués d’un fredo ibierno. Un soniu choben y enchugardiu que ulora a fiesta popular, a carrera, a borina y a luita.

01. Izar iheskorra
02. Zergatik ez
03. Gurekin
04. Arin arina
05. Bi tiro
06. Txikita
07. Urrun izan arren
08. Kondaira
09. Maria Iñaxi
10. Esku beltzak
11. Fandangoa
12. Zu galdua

1999, Goiz edo noiz?

So que una añada dimpués d’o suyo disco debut, amanixió Goiz edo noiz?. En iste breu tiempo lo soniu madura, trebaste espontaniedat y cudia muito más os chicoz detalles. Nos trobamos con una colla muito más rockera y fura, que da un gran trango en ixa añada, pero que nunca no dixa d’estar Etzakit.

En iste disco colaborón mosicos cubanos, o trompetista y percusionista de Amparanoia, a propia Amparo Sánchez y Iñigo Muguruza.

01. Goiz edo noiz?
02. Gaur
03. Urteak
04. Zarena
05. Ene kuttun
06. Petru popari “beltza”
07. Egina
08. Landakanda
09. Denbora
10. Bizitzeko bizi
11. Kubana
12. Bihotz zatitua

Atros prochectos

Dillá de Etzakit, Xabi Solano ha continau a suya carrera mosical en diferens prochectos.

En disparixer a colla fazió parti d’a Fermin Muguruza Kontrabanda, con qui ha colaborau en discos y chiras.

Creyó dimpués The Solanos, colla d’erenzio mafioso inspirada en a serie Los Soprano con qui quitó un disco, con un soniu que remera a cantas como Ene kuttan d’o segundo disco de Etzakit.

Y a la fin Esne Beltza (lei negra), o suyo prochecto actual y que ya tos presentemos en o programa (y que podez trobar en iste mesmo blog). Una colla que bersiona la Txikita de Etzakit con aires más modernos y bailables.

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: