Fendo Orella 101.8 FM


Wolof. Ismael Lo y Daara J
Desembre 3, 2009, 11:03 pm
Filed under: Cultura, Internazional | Etiquetes: , ,

A luenga wolof, tamién clamada “volofo”, ye un idioma charrau en Senegal, Gambia y Mauritania y ye a luenga natiba d’a etnia wolof. Lo charran más de 3 millons de personas.

O wolof ye a luenga más charrada en Senegal, y ye fablau, amás de por a tribu wolof que representa o 40% d’a poblazión, por atros senegaleses.

Arredol d’o 40% d’a poblazión de Senegal (3.2 millons de personas) charra o wolof como luenga materna. Atro 40% lo tien como segunda luenga. En toda la rechión entre Dakar y Saint-Louis, y tamién a l’oeste y sudoeste de Kaolack, a mayor parte d’a poblazión charra wolof. En Casamance y en l’oeste de Senegal, s’emplega o wolof chunto con o mandinka y o diola. L’idioma ofizial de Senagal ye o franzés.

En Gambia, alto u baxo lo 15% d’a poblazión (bellas 200.000 personas) tien o wolof como luenga materna, pero iste idioma tien una influyenzia muito mayor por a suya importanzia en a capital, Banjul, an que o 50% d’a poblazión lo fa serbir como primera luenga. En Serrekunda, a ziudat más gran de Gambia, no bi ha guaire chen d’etnia wolof, pero l’idioma ye fablau por o 90% d’a poblazión. Cada bez más, os chobens d’atro orichen etnico lo fan serbir como primera luenga.

O wolof ye adquirindo mayor influenzia en Gambia, en parte a causa d’a suya asoziazión con a mosica mbalax y a cultura popular de Senegal. En Banjul y Serrekunda, o wolof ha conseguiu l’estatuto de lingua franca y ye muito más charrau que no lo mandinka; en as probinzias, manimenos, o mandinka contina estando a luenga prenzipal. L’idioma ofizial de Gambia ye l’anglés. Atros idiomas, como lo mandinka (que charra o 40% d’a poblazión), o wolof (o 15%) y o fula (o 15%), tienen tamién status ofizial, encara que no s’emplegan en a educazión.

En Mauritania, arredol d’un 7% d’a poblazión (185.00 personas si fa u no fa) charra wolof. En iste país, l’idioma s’emplega en as redoladas costeras d’o sur nomás. L’idioma ofizial de Mauritania ye l’arabe; o franzés se fa serbir como lingua franca.

Ismaël Lô

Ismaël Lô ye un mosico senegalés. Ye naixiu de Dogondoutchi en Níger o 30 d’agosto de 1956, de pai senegalés y mai nicheriana. Poco tiempo dimpués d’a naxedura de Lô a suya familia tornó ta Senegal an que s’establión en a ziudat de Rufisque, amán de Dakar. Ye un cantán y artista muit bersátil que, antiparte d’as suyas trazas como cantán, tamién tañe a guitarra y l’armonica.

En os años 70, Lô estudeó en a Escuela d’Arte de Dakar y más tarde se unió a la colla Super Diamono, albandonando-la en 1984 ta prenzipiar a suya carrera como solista. Mientres os cuatro años beniders Lô grabó zinco albums de gran exito.

En 1990 Lô siñó un contrato mosical con Barclay y grabó en Franzia o suyo seiseno album: Ismael Lo. Grazias a l’exito d’o suyo senzillo “Tajabone”, que fazió parte d’a banda sonora d’a pelicula d’Almodovar “Tot sobre mi mai” o disco se tornó en un hit en as listas europeas, lanzando asinas a Lô en a suya carrera entrenazional.

Iso estió grabau y publicau en 1994 y tamién se tornó en un exito. O disco contien melodías de guitarra y mosica tradizional senegalesa como mbalax. A l’atro’l año, Lô estió de chira en Africa. L’album recopilatorio Jammu Africa de lanzó en 1996. A canta Without Blame ye un dueto con Marianne Faithfull.

O suyo zaguer album Senegal se grabó en Dakar, París y Londres. Lô diz d’el: “Dar a iste álbum o títol de Senegal ye a mia traza de bosar tributo a o mio país, en reconoxedura por toz os regalos que m’ha daus”.

Daara J

Daara J, que sinnifica “a escuela” en wolof, ye un trio de rap de Senegal. A suya mosica mezcla Hip-Hop oczidental con ritmos tradizionals africanos, creyando una mezcla contachiosa. En o suyo zaguer album, Boomerang, treballón con bels artistas combidaus como Rokia Traeré y Sargento García.

Os titols d’os suyos treballos son DaaraJ, Xalima y Boomerang.

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: