Fendo Orella 101.8 FM


¿Qué tal si esbaruquiamos un ratet? Eduardo Galeano
gener 21, 2010, 10:34 am
Filed under: Cultura, Fendo Orella | Etiquetes:

Imos a clavar os uellos dillá d’a infamia, ta dovinar un atro mundo posible:

L’aire será escoscau de tot vereno que no vienga d’os miedos humanos y d’as humanas pasions. En as carreras, os autos serán esclafaus per os cans. A chent no será adugada per l’auto, ni será programada por a computadora, ni será mercada por o supermercau, ni será uellada por o televisor.

O televisor deixará d’estar o miembro más important d’a familia, y será tratau igual como a plancha u o lavarropas. A chent treballará ta vivir, en cuenta de vivir ta treballar. Se i adibe a os codigos penals o delito de jautada, que cometen qui viven por tener u por ganar, en cuentas de vivir por vivir nomás, como canta o paxaro sin saber que canta y como chuga o nino sin saber que chuga.

En garra país serán presos os mesaches que se nieguen a fer o servicio melitar, sino os que quieran fer-lo. Os economistas no clamarán ran de vida a o ran de consumo, ni clamarán vida a la cantidat de cosas.

Os cociners no creyerán que a las langostas (pantigranas u grichas) les fa goi que las escalfen vivas. Os historiadors no creyerán que a os países les cuaca estar invadius. Os politicos no creyerán que a os pobres les fa goyo michar promesas
A solemnidat se deixará de creyer que ye una virtut y dengún no prenerá en serio a cualsiquiera que no siga capaz de fer-se chanza a si mesmo. A muerte y os diners perderán os suyos machicos poders y ni por defunción ni por fortuna se convertirá o canalla en virtuoso caballero.

Dengún no será considerau heroe ni fato por fer lo que creye chusto en cuentas de fer lo que le fa más honra.  O mundo ya no será en guerra contra os pobres, sino contra la pobreza y a industria melitar no tendrá más remedio que declarar-se en quiebra.

A birolla no será una mercadería, ni a comunicación un negocio porque a birolla y a comunicación son dreitos humanos. Dengún no morirá de fambre porque dengún no morirá d’empapuzar-se

Os ninos d’a carrera no será trataus como si estasen basuera, porque no bi habrá ninos d’a carrera. Os ninos ricos no serán trataus como si estasen diners, porque no bi habrá ninos ricos. A educación no será o previlechio de qui pueda bosar-la.

A policía no será la maldición de qui no pueda mercar-la. A chusticia y a libertat, chirmanas siamesas condenadas a vivir trestalladas, tornarán a chuntar-sen, bien apegadetas, espalda contra espalda.

Una muller, negra, será presidenta de Brasil y una atra muller, negra, será presidenta d’os Estaus Unius d’America, una muller india guvernará Guatemala y una atra, Perú.

En Archentina, as barrenadas de Plaza de Mayo será un exemplo de salut mental, porque ellas se negón a xublidar en os tiempos d’amnesia obligatoria.

A santa mai Ilesia correchirá as errors d’as tablas de Moisés, y o seiseno mandau ordenará festejar o cuerpo. A Ilesia tamién dictará un atro mandau, que se l’heba xublidau a Dios: “Amarás a la naturaleza, que’n formas parti”.

Serán reforestaus os disiertos d’o mundo y os disiertos de l’alma. Os desesperaus será esperaus y os trebatius serán trobaus, porque els son qui desesperón de tanto esperar y os que se tresbatión de tanto buscar.

Seremos compatriotas y contemporanios de totz os que tiengan voluntat de chusticia y voluntat de polideza, sigan naixius d’an sigan naixius, y haigan viviu cuan haigan viviu, sin que importen ni una mica as mugas d’o mapa u d’o tiempo.

A perfección continará estando l’aburrido previlechio d’os dioses, pero en iste mundo zaborrero y floriu cada nueit será vivida como si estase a zaguera y cada diya como si estase o primero.

Eduardo Galeano

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: