Fendo Orella 101.8 FM


Isto s’apanya… pero con revolución
Març 8, 2010, 2:38 pm
Filed under: Papels, Solidaridat, Sozial

Una ventena d’interpresas que cotizan en bolsa y famosos d’a grandaria de Buenafuente, El Follonero, Gasol, Melendi, Angels Barceló, Michael Robinson, Juan José Millás, Javier Mariscal, Fernando Romay, Carlos Sainz, Ferrán Adriá… participan (no sabemos si a cambio de bella cosa u por motivos ideolochicos personals) en ista nueva campanya publicitaria y de marketing titulada “Isto lo apanyamos dentre totz” que preba de retornar l’optimismo perdiu, y de vez, fer-le una man a l’alicayiu gubierno.

Un eslogan: “isto lo apanyamos dentre totz”, ta no preguntar-se qué y quí son os responsables d’a situación de miseria y necesidat an que son caitos cientos de milentas de personas. Que o capitalismo “hispanico” ye en crisis, que vustet ye desemplegada, que no plega a estar nian mileurista, que ye espantau por o panorama laboral, no’n importa, una crica de famosos (muitos d’ells millonaires) han decidiu de debantar-le l’animo, porque dicen que tot ye un problema d’optimismo, y que totz chuntos (se referirán a capitalistas y treballadors/as) podemos salir d’a crisis. O desclasamiento ye serviu, o tufo a dictau dende as tucas socialdemocratas, tamién en ye.

A campanya publicitaria en radio y televisión tendrá una duración de dos meses, manimenos as atras accions continarán dica l’empecipie d’o verano.

As interpresas participants son Telefónica, Iberia, El Corte Inglés, BBVA, Banco Santander, La Caixa, Caja Madrid, Repsol, Cepsa, Endesa, Iberdrola, Red Eléctrica, Mapfre, Renfe, Abertis, Mercadona, Indra y a patronal d’a construcción, Seopan.

Una campanya organizada por a Fundación Confianza promoverá l’optimismo dentre a ciudadanía ta quitar-nos a pasividat y fer frent a la crisis. O 70% d’a cayita d’o consumo en l’estau espanyol se debe a motivos exclusivament psicolochicos, dicen.

A incertidumbre, o pesimismo, o miedo u a pasividat son beluns d’istos elementos, y totz ells pueden fer (y de feito ya ha ocurriu en atros casos) que una crisis se prolongue en tiempo dillá d’o que marcan os endicadors economicos.

“Queremos cambiar l’actitut d’a sociedat, pasar d’una actitut pasiva enta una activa”, explanica Javier Gomez-Navarro, president d’o Consello Superior d’as Camaras de Comercio (y que estió menistro de Comercio con Felipe González).

A campanya cuenta con una web: “Estoloarreglamosentretodos.org” an que os ciudadans pueden recentar o suyo caso de superación. Tamién a traviés d’a pachina se pueden conoixer iniciativas e historias d’esfuerzo y inchenio que alienten a comportamientos favorables.

Bells personaches populars han participau en a campanya y os suyos mensaches envitan a o “podemos”. L’obchetivo zaguero ye chenerar una ola d’optimismo, una mena de terapia de colla a ran estatal ta salir d’a crisis.

O suyo manifiesto

“Levamos masiau tiempo leyendo en todas partis o mal que ye tot. Ye quasi l’unico que nos cuentan. Pero a crisis no nomás ye astí difuera, que tamién ye en os nuestros tozuelos. Nos han feito cacegar a confitanza, nos han contachiau o pesimismo, o desanimo.

Isto ye o primero que hemos d’apanyar, queremos recuperar a confitanza. Tenemos motivos ta animar-nos. En ista web en trobarás muitos.

Historias de chent como tú y como yo, que s’han enfrontinau a l’inte, que amuestran que con ilusión, entrega y compromís se puede conseguir tot.

Chent que creye en si mesma y lo amuestra cutio desafiando a crisis. Por exemplo, sabebas que cada mes se creyan cinco mil interpresas en iste pais? No te pareixen cinco mil poderosas razons ta creyer-ne?

Queremos que conoixcas ixas historias, que te inspiren, que t’animes, que compartas, que formen parti d’as charradas y que consigamos que rematen plegando en os meyos de comunicación, en os telediarios, en os editorials, dentre as noticias d’o malo y o pior.

Hemos de contachiar a confitanza d’a mesma traza que s’ha contachiau o pesimismo. Porque quan tu, y tu, y tu, y yo, nos convertimos en nusatros, no bi ha cosa que no podamos apanyar.”

Fuent: www.insurgente.org

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: