Fendo Orella 101.8 FM


Somos todas enReligadas
Mai 13, 2010, 6:46 am
Filed under: Internazional, Solidaridat, Sozial | Etiquetes: , , , ,

Articlo de Hibai Arbide (miembro d’a campanya):

Un apegallo reza en un estudiet: “Los españoles primero”. Fundo azul, letras con as colors d’a bandiera espanyola, iconografía tipicament faixista. Bi ye sinyau por España 2000. Bi ha un migrant hondurenyo posau frent a ella, ixorrontau. Tien a uellada fincada en l’apegallo. No puet creyer que isto le siga pasando. Fa pocas horas saliba de treballar como cada diya. Diez horas treballando en uns apartamentos turisticos en o Barri Gòtic de lunes a domingo, sin papels, sin contrato, sin dreito a queixa. S’endrezaba t’o metro quan se l’han amanau dos hombres. L’han preguntau d’an veniba y si teneba permiso de residencia. Les ha explicau que tenió papels, pero los trebastió quan o suyo chefe no le querió esbiellar l’achuste y no podió conducir os seis meses que desiche a lei t’a esbiellar-lo. Ta quan ha parau cuenta de que yeran policías yera masiau tardi.

Nunca no pensó que isto le pasaría a él; él no se mete en emboliques. S’amuga a ir de casa suya t’o treballo y d’o treballo ta casa suya. No le queda tiempo ta guaire más. Os suyos pensamientos son crebraus por un tercer achent, posau frent a él en ixe estudiet. Ye un poquet mayor que no los anteriors, l’apegallo xenofobo acucuta chusto sobre a suya cabeza. Los españoles primero. O madero l’explica con galbana que a partir d’iste inte tien una orden ta fer-lo fuera, que pasará una nueit más en a comisaría y a o diya venient estará meso a disposición chudicial porque a Policía va a demandar que siga internau en o CIE (Centro d’Internamiento de Foranos) de Zona Franca.

Isto no ye un relato literario; ye un feito reyal. Un qualsiquier dentre as milentas posibles. Iste estudiet ye a oficina d’a “Colla de proposas” d’a Brigada Provincial de Extranjería de la Policía Nacional, en Via Laietana. Son os encargaus de montar as redadas ta detener migrants sin papels, con l’obchetivo de fer-los fuera.

Os controls d’dentidat, inveyibles t’os blancos con papels, son presents en a vida cutiana d’as personas migrants. Fan que a muga siga por totz os cabos, a todas horas. Os migrants no pueden deixar de vivir en a muga. As redadas son l’empecipiallo d’una rota que consiste en estar deteniu, estar internau en un CIE y estar forachitau t’o país d’orichen. Salir d’o metro en determinadas garas suposa un periglo de deportación parellano a o brinco d’a cleta de Ceuta.

A primavera pasada, o Red de Apoyo del Ferrocarril Clandestino de Madrid reyalizó un estudio de documentación sobre as actuacions policials de control, identificación y detención en a bastida d’o que as institucions claman como “luita contra la inmigración ilegal”. Constatón que a policía desembolica identificacions aleyatorias ta prevenir u privar un delito, lo que en reyalidat son controls planificaus. Identificacions trigadas seguntes os rasgos fisicos tot reyalizando actividatz d’a vida cutiana, quan ye imposible vinclar ixa actividat a denguna paración u comisión de delito, falta u infracción.

Bellas personas con papels recentón que les demandan terne que terne os papels quan circulan tranquilament por a carrera, 2 u 3 vegadas en un mesmo diya, lo que atribuyen a os suyos rasgos fisicos “esferents”. En un caso una persona describió que en soque un diya le’n demandón 6 vegadas. Ye platero a partir d’a información recullida que a Policía fa una triga racial baixo a presión d’os criterios de “eficacia” en terminos numericos. Como ocurrió, por eixemplo, o 14 de chenero de 2009 quan a policía deseparó a una colla d’amigos, dos mesachas blancas y dos hombres negros que petenaban chuntos por a carrera, ta demanar-les a documentación nomás que a las personas negras que, a tamás d’acreditar a suya identidat, estión trasladadas ta comisaría y mesas en libertat a las 5 horas y 6 horas.

En Barcelona a situación ye igual, pero con una peculiaridat. Dende l’estendille d’os Mossos d’Esquadra, en Catalunya la Policía Nacional nomás tien competencias en materias d’extranchería y anti-terrorismo. A tamás d’a retorica ecosocialista de conseller Saura (ICV-IU), con a suya policía “al servei del ciutada per donar suport als més febles, a les persones que es troben en situacions de major vulnerabilitat” os Mossos fan parti activament en operacions policials con criterios racistas.

Cusirar a o cusirador

A tamás d’iste fosco panorama, as redadas racistas no son inescusables.

En Madrit, se creyón fa bells meses as Brigadas Vecinals d’Observación de Dreitos Humanos con a fin de dar una respuesta organizada y colectiva debant d’ista mena d’abusos y creyar trazas d’actuación continas en o tiempo, eficaces social, politica y churidicament. Seguntes sinyalan os suyos promotors “tenemos a posibilidat y a responsabilidat d’actuar, individual y colectivament, ta fer que o control que, a la fin nos afecta a todas as personas, torne a estar enchaquia d’eslucernadura y indignación. Por ixo pensamos que cal fer visteras istas enchaquias d’inchusticia y practicar l’aduya mutua y a solidaridat.”Con a suya aición, as Brigadas vecinals fan un poder por “chirar a lochica d’o control social ta neutralizar as suyas consecuencias en a reproducción de desigualdatz socials”. Cusirando a os cusiradors, buscan aturar as actuacions discriminaderas por parti d’as autoridatz y os suyos efectos de criminalización y estigmatización sobre a población migrant. Se trata d’una respuesta colectiva que qüestiona meyant l’aición directa no violenta la proliferación de politicas represivas que afectan a o conchunto d’a sociedat.

En Barcelona, o 15 de mayo se presenta en o “Forat de la Vergonya” la campanya “Somos todas enReligadas”, en a que participan a-saber-los activistas y espacios socials. Baixo lo lema “¡Saca el pañuelo por tus vecinos!” (Quita o mocador por os tuyos vecins!) a campanya consta de tres pilars.

Por un costau, se proposa ixemenar a situación antis descrita. Fer conoixer a existencia y consecuencias d’as redadas a qui no vive en primera persona ista reyalidat.

Por atro costau, creyar un sistema d’alertas ta que os migrants que quieran puedan saber do se ubican as redadas que haiga funcionando en cada inte.

Pero o punto alazetal d’a campanya ye, como diz o suyo lema, fer d’o mocador royo un sinyal d’alerta frent a os propios checkpoint policials. Que a chent sepa que si veye a bell un sobatir un mocador royo en l’espacio publico, ye que a o canto d’ixe punto se ye realizando una redada; fer-las visteras a os uellos de totz, en a mida en que encara pasan más amagadas quan as desenvolican achents de paisano. Ista visibilización permitirá la presencia d’observadors externos y a posibilidat de que as personas afectadas as priven. Quitar o mocador royo en o puesto do se siga reyalizando una redada alertará a os peteniadors de l’actuación policial y istos se trobaran obligaus, a lo menos, a actuar-ie con as guarancias y o celo profesional d’as que a sovent prescinden.

Ta explicar cómo se i actuará, s’han feito cartels, dipticos explicativos y más materials d’espardidura. Paralelament, se ye treballando en a sistematización d’a información recullida in situ ta poder ligar os puntos y horas susceptibles de controls.

No podemos continar estando espectadors pasivos d’o racismo democratico europeu. Saboteyar en qualsiquiera d’os suyos puntos o mecanismo Redada-Detención-CIE-Expulsión ye una desichencia etica huei, aquí y agora.

Más información:
http://estamosenredadas.blogspot.com/

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: