Fendo Orella 101.8 FM


Joxe Ripiau
Juliol 14, 2010, 11:45 am
Filed under: Fendo Orella, Mosica | Etiquetes: ,

Joxe Ripiau, colla euskalduna de mosica fundada por Iñigo Muguruza. O suyo nombre vien d’una variant d’o merengue dominicano clamada perico ripiao.

A colla yera formada en os suyos empecipiallos por Iñigo Muguruza (baixo y guitarra), Jabier Muguruza (curdión) y Sergio Ordóñez (güiro y percusions), encara que en 1998 se bi adibió Asier Ituarte (trombón), pasando a estar un quarteto.

A suya mosica yera una mezcolanza de reggae, ska, ritmos latinos y parolas liricas u socials en euskera. Ligau a la colla existiba Txaranga Farrantxi, do Iñigo deixaba o baixo y tanyeba percusions, d’ista traza Joxe Ripiau se tornaba en un pasavillas.

Historia

Joxe Ripiau se fa en 1996, en tornar Iñigo Muguruza d’un viache ta Puerto Rico. Inspirau por as collas de perico ripiao decidió fer un combo de mosica caribenya. Ta part d’alavez Iñigo feba parti de Negu Gorriak y prene chunto a o suyo chermán Jabier y Sergio Ordóñez a colla como bella cosal puntual.

O primer álbum d’a colla estió Positive Bomb, grabau y publicau a tot estrús en os estudios Katarain, yera un breballo d’estilos: raggamuffin, cumbia, ska y reggae (bi amanixión dos versions de clasicos d’o ska: «Cherry Oh Baby» d’Eric Donaldson y «Pressure drop» de The Maytals). Bi colaborón, entre atros, Fermin Muguruza y Andoni Basterretxea (antigo cantaire de Delirium Tremens, colla en a que tamién militó Iñigo). A publicación de l’álbum creyó rumors sobre a deseparación de Negu Gorriak y encara que os miembros d’a colla lo desmintión en una entrevista, Fermín anunció a fin de Negu Gorriak en octubre. Iñigo decidió allora continar con o prochecto Ripiau.

En 1997 amanixió lo segundo treballo d’a colla. Igual como en l’anterior, grabón en os estudios Katarain, pero ista vegada con Kaki Arkarazo en os controls. Karpe Diem se capuzó en os ritmos latinos y deixó más de costau os ritmos chamaicanos. Ixa mesma anyada grabón una versión en asturiano d’o tema «Margarita» (d’o suyo primer álbum) t’a replega L’asturianu muévese, do participaban atras 19 collas de tot l’estau.

Istas dos primeras anyadas chirón, más que más, por Euskal Herria y Catalunya. O nuevo soníu d’Iñigo Muguruza heba sorprendiu a muitos d’os suyos fans en Euskal Herria que, en primerías, no lo aceptón de buen implaz, encara que os suyos furos directos fación honra ta que se i fesen: «Estió una apuesta difícil, porque a chent diciba que le remeraban a las Mama Chicho de Tele 5. Aquí, en que esbarras d’o doble bombo… En Catalunya teniemos prou más exito que no en Euskadi, porque astí fan mas goi os ritmos calients, caribenyos».

En 1998 s’editó lo suyo tercer disco Paradisu Zinema, disco con una endrecera orichinal, do cada canta feba referencia a una cinta. En o disco trobamos cantas como «Kaiser Sose», por o gangster d’a cinta The Usual Suspects de Bryan Singer.

En 2000 s’editó Bizitza Triste eta Ederra (en aragonés «Vida trista y beroya»), un disco de despedida con cantas más tristas d’o que gosaban estar-ne.

Miembros

  • Iñigo Muguruza – Baixo y voz
  • Jabier Muguruza – Curdión y coros
  • Sergio Ordóñez – güiro y percusions y coros
  • Asier Ituarte (dende 1998) – Trombón

Albums

  • Positive Bomb (Esan Ozenki, 1996)
  • Karpe Diem (Esan Ozenki, 1997)
  • Paradisu Zinema (Esan Ozenki, 1998)
  • Bizitza Triste eta Ederra (Esan Ozenki, 2000)

Participacions en replegas

  • «Positive bomb», en Independentzia 5 Urtez (Esan Ozenki, 1996)
  • «Margarita», en L’asturianu muévese (Discos L’Aguañaz, 1997).Versión en asturiano de «Margarita».
  • «Lo», en Ikastola Berria Eraik Dezagun Zuberoan (Esan Ozenki, 1997)
  • «Positive bomb», en Amodio eta gorrotozko kantak/Cantas d’aimor y odio (1984-1998) (Esan Ozenki, 1998)
  • «Chinatown», en Rockdelux 166 (Esan Ozenki, 1999)
  • «Antoine nahasia», en Independentzia 10 Urtez (Esan Ozenki, 2001)
Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: