Fendo Orella 101.8 FM


Noviembre Antifaixista 2010
Novembre 5, 2010, 12:26 pm
Filed under: Antifaixismo, Aragon, Social | Etiquetes: , , ,

Recupera la tuya memoria. Conquiere os tuyos dreitos.

Dimpués de quaranta anyos de Dictadura y una suposada transición continamos convivindo con as mesmas personas que provocón fambre y miseria, ixas que asesinón a mils de personas inocents que esfendeban a luita de clases, ixas que nos sacón a libertat d’expresión, ixas que torturón y exilión a mils de familias de buen implaz, ixas mesmas personas que le fació honra o sistema faixista ta enriqueixer-se y que continan impunes a tamás d’a suya colaboración con o rechimen de Franco.

Dende os colectivos organizadors d’istas chornadas creyemos en a graniza importancia de creyar espacios do se remere, s’ascuite, s’escambien y se compartan experiencias d’ixas personas que patión y paten a represión y l’obliu. Espacios do demos voz a o silencio, a o silencio imposau. Salir t’a carrera y amostrar-ie que l’antifaixismo contina vivo.

Por tercer anyo consecutivo o mes de Noviembre se torna en l’inte eslechiu t’analisar y fer visteras esferents trazas de resistencia y de luita antifaixista. Experiencias recentadas por os suyos protagonistas: guerrilleras y guerrillers, militants d’ahiere y de huei que continamos luitando ta que a ciudadanalla cosire viva la nuestra memoria, fendo camín chuntas enta un obchetivo común: conquerir os nuestros dreitos y barallar a o capitalismo.

Hemos de disenyar o maitín que deseyamos, manca muito treballo y o camín que fer a zofra ha d’estar: “Conoixer o pasau, Comprender o present, Conquerir l’esvenider”

Actividatz

EXPOSICIÓN: “Conoixer o pasau: una uellada historica d’Aragón”. Fotografías a cargo de l’Area de Memoria Historica de CGT. Mientres tot o mes de noviembre en a Vía Láctea (C/ Doctor Palomar 19).

Chueves 4
20:30 A Enrestida (Callizo Sant Cristóbal). Presentación de Noviembre Antifaixista por os colectivos organizadors y charrada: “Una Europa en crisi, ¿una extrema dreita en puyada?” con Miguel Urban (colla de redacción de Viento Sur y Diagonal).

Sabado 6
19.00 A Enrestida (Callizo Sant Cristóbal). Prochección documental “Itsasoaren alaba” (A filla d’a Mar) de Josu Martínez. Bi será present o suyo productor Txema Uriarte. (Chornadas “Aproveitar l’inte. Dialogo y paz ta Euskal Herria”). Organiza: Coordinadera por o Dialogo y a Negociación d’Aragón.

Domingo 7
11.30 Palacio de Sastago (C/ Coso 44). Visita menada por os colectivos organizadors t’a exposición “Tierra y Libertat. Cient anyos d’anarquismo en Espanya”.

Lunes 8
21.00. AVV Venecia (C/ Granada 43). Prochección d’o documental “La Bolsa de Bielsa” d’Eugenio Monesma (1995). Mientres a primavera de 1938 as tropas d’a 43 División de l’Echercito Republicano, embolsadas en Bielsa debant d’a enrestida de l’echercito de Franco, encetón con as suyas pocas pertenencias l’exodo enta Francia, de conchunta con a población civil.

Martes 9
19.00 IES Pedro de Luna (C/ Universidat 2). Charrada “Alcordanzas d’un guerrillero antifaixista” con Martín Arnal (anarquista d’Angüés en a Republica, a Revolución y a Guerrilla). Presentación a cargo de l’Asociación t’a Recuperación d’a Memoria Historica d’Aragón (ARMHA) y presentación estatal d’a campanya por a Memoria Historica d’as Coordinaderas Antifaixistas Estatals.

Chueves 11
19.00 Federación de Vicos (FABZ) (C/ Sant Vicent Paúl 26, 2º). Charrada “Situación actual d’o conflicto” con miembros d’Udalbiltza, Askapena y Martxelo Otamendi (Egunkaria). Chornadas “Aproveitar l’inte. Dialogo y paz ta Euskal Herria”. Organiza: Coordinadera por o Dialogo y a Negociación d’Aragón.

22.00 Plaza d’a Madalena. Homenache a os/as luitadors/eras antifaixistas.

Viernes 12
20.00 A Enrestida (callizo Sant Cristobal). Charrada “Luitas sindicals en Barcelona” con Josep Garganté (sindicalista de CGT y militant de CUP)

Lunes 15
21.00 A Enrestida (callizo Sant Cristóbal). Prochección d’o documental “Red Warriors. Antifa: Cazataires de Nazis” de Marc Aurele Vecchione. O documental tracta sobre esferents collas antifaixistas parisinas que mientres a decada d’os 80 se concaraban en as carreras a las collas neo-nazis d’a ciudat.

Miercols 17
20.00 AVV San Pablo (c/ Sant Pablo 23). Presentación d’o libro”Guerrilleras. A delera d’una asperanza” con a suya autora Esperanza Martínez “Sole” (ex-guerrillera d’AGLA) y con a introducción de Nieves Boj (Mayestra libertaria) sobre Mullers Libres.

Chueves 18
20.30 Vía Láctea (C/ Doctor Palomar 19). Actuación de teyatro con Lü de Lürdes y a suya obra “Nada es verdad ni mentira”.

Sabado 20
12.00 Plaza Diego Velázquez (Parque Pignatelli). Manifestación Antifaixista: “Recupera la tuya memoria. Conquiere os tuyos dreitos. Luita de clases”. “Aturemos a esferra d’o capitalismo”. Organiza: Zaragoza Antifaixista.

Domingo 21
11.00 Plaza d’o Concello de Belchit. Cursa historica menada por os colectivos organizadors.

Lunes 22
21.00 A Enrestida (callizo Sant Cristobal). Prochección d’o documental “Mullers d’o 36” d’Ana Martínez. O documental tracta sobre as mullers que mientres a Republica y a Guerra Civil luitón ta conseguir cambiar o papel d’a muller en a sociedat.

Sabado 27
20.00 Concierto con Chicharrica + KBKS + La Royal Spirografic Society + Motorrika y os Dj Aitor (Huellas de Barro) & Zoko Selektah + Scarface.
Organizan: BIC + Coordinadera Antifaixista + 4F.
A la tisba con o puesto, se conoixera o mesmo diya en: www.antifascistas.noblezabaturra.org
aenrestida.wordpress.com

Cartels

Calendario con totz os actos de Noviembre Antifaixista en:
http://img812.imageshack.us/img812/7995/calendarioprogramaactos.jpg

Cartel de Noviembre Antifaixista en:
http://img180.imageshack.us/img180/629/nobiembreantifaixista20.jpg

Cartel d’a Manifestación Antifaixista (20N) en:
http://img521.imageshack.us/img521/6991/zgzcartel20n2010colorwe.jpg

Organizan

Coordinadora Antifascista de Zaragoza
antifascistas.noblezabaturra.org
antifazgz@gmail.com

Bloque Independentista de Cuchas
bloqueindependentista@gmail.com

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: