Fendo Orella 101.8 FM


Cronica d’a manifestación antifaixista 20-N
Novembre 24, 2010, 12:15 pm
Filed under: Antifaixismo, Aragon, Social | Etiquetes: , , ,

400 personas acuden t’a manifestación organizada por “Zaragoza Antifascista” con os lemas “Recupera tu memoria, conquista tus derechos, ¡¡lucha de clases!!”.

Como en decenas de puestos de l’estau espanyol, o 20-N ha quitau t’as carreras a mils de personas antifaixistas. Una anyada más, os lemas han estau comuns t’as manifestacions organizadas por as Coordinaderas antifaixistas de muitas ciudatz d’a Peninsula.

En Zaragoza a movilización i ha arroclau a 400 personas de todas as edatz. A desproporcionada actuación policial ha tornau a tener o suyo protagonismo, pero no ha causau incidents graus. Decenas de personas d’o vico de Torrero que acudían t’a manifestación han estau retenidas y identificadas mientres varios minutos por varias dotacions d’a Policía Nacional, sin que haigan trobau materials “periglosos” dillá de pancartas, octavillas y ganas d’expresar-se.

Pasadas as 12:45 ha escomencipiau a marcha dende o Parque Pignatelli. Mientres más d’una hora y meya ha recorriu bells d’os prencipals paseyos de Zaragoza, bien nutrius de viandants que alufraban con atención y leyeban os cients de pasquins repartius y as pancartas. Os lemas trigaus han estau “Antifascismo, unión y lucha”, “Lucha de clases ya, recupera tu memoria, conquista tus derechos”, “Aturemos a esferra d’o capitalismo”, “El problema no son l@s inmigrantes, el problema son l@s ricos. Inmigrantes bienvenid@s” y “Marruecos fascista y genocida. Sáhara libre ya”.

Previo a o suyo escomencipio, as organizadoras han desichiu a la policía que mantenese una distancia respective a os manifestants, ya que o despliegue represivo yera granizo, tanto d’efectivos d’a Policía Nacional, como Local y secreta ninviaus por a Delegación de Gubierno, con Javier Fernández a o mando. Con tot y con ixo, a manifestación ha discurriu en un ambient festivo, animau por una “sound system” y a batucada de “Ritmos de Resistencia”, alternada con eslogans antifaixistas.

Pasadas as 14 horas, s’ha leyiu o comunicau en a Plaza d’Espanya, en o que s’ha informau d’a movilización que una vegada más o MSR, partiu de caracter ultradreitista, anunció ta ixe mesmo diya en Zaragoza ta promover o suyo odio racial y violencia faixista. Tamién s’han sinyalau bells aspectos d’o faixismo hue, como ye a enrestida de bells partius que se dicen democraticos contra as personas más vulnerables y ganyosas d’a sociedat u a manipulación informativa en aspectos como a memoria historica u as posibles salidas a la crisi. Amás, s’ha feito alcordanza d’o chenocidio de Marruecos contra o pueblo saharaui, sinyalando a o gubierno espanyol y a o PSOE en particular con a penible situación en os territorios ocupaus.

As actividatz d’iste fecundo “Noviembre Antifaixista” continaban a l’atro’l diya, domingo 21 con una visita guidada ta Belchit, a prochección d’o documental “Mullers d’o 36” o lunes 22 y o concierto d’o venient sabado 27.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

S'està connectant a %s



%d bloggers like this: