Fendo Orella 101.8 FM


Rispuesta antifaixista contra un acto nazi en Zaragoza
Novembre 24, 2010, 12:18 pm
Filed under: Antifaixismo, Aragon, Social | Etiquetes: , , ,

De nuevas os nazis consiguión fer un nuevo acto faixista, ista vegada o sabado 20 en o Chardín d’hibierno d’o Parque J. A. Labordeta, a pesar d’as demandas de viedar-los d’asociacions vecinals, culturals y socials d’a ciudat. O partiu nazi MSR teneba permiso de Delegación de Gubierno de poder expresar as suyas ideyas racistas y violentas en o dito puesto d’o parque, a las 19 h.

A rispuesta antifaixista, como ye de dar, no se fació asperar. A o canto d’o parque, vecinas y personas d’os movimientos socials prebaban de protestar por a presencia nazi. A presencia policial yera prou graniza, destacando a gran presencia de policía secreta. As identificacions a toda chent que se i amanaba no aturaba.

As antifaixistas repartiban octavillas en o vico de Torrero alertando d’a periglosa presencia nazi.

A policía se’n moveba por o vico, cusirando por totz os meyos a la chent antifaixista pero tractando con toda amabilidat a os violents neonazis.

Arredol de meya hora antis de l’escomencipio de l’acto, unas 15 personas antifaixistas prebón de dentrar en o Chardín d’hibierno, estando aturadas por os antidisturbios sin garra incident. A presencia antifaixista creixeba china-chana.
Varias collas d’antifaixistas yeran retenidas por a policía mientres uns 40 nazis puyaban t’o parque. As antifas poco dimpués yeran liberadas.

Pero a enrestida antifaixista no aturaba. En principiar l’acto, en o que no i heba que uns 40 nazis, y muitos plegaus de difuera, deixando clara a nula capacidat de convocatoria que en tienen, uns 50 antifaixistas consiguión plegar a nomás 100 metros de l’acto nazi, chilando y deixando mutos a os nazis. Prou que a policía no s’estió quieta y corrió a esfender a la chent d’o MSR, rodiando a las antifaixistas.

L’acto nazi continó, con os chilos antifas de fondo, deixando esclatero que no se quiere garra nazi ni en ista ciudat ni en garra puesto.

A la fin, a chent antifaixista se’n retiró sin garra incident a destacar.

Unatra vegada o Delegau d’o Gubierno ha tornau a amostrar a suya actitut feble y permisiva con os violents faixistas mientres actúa con prou dureza contra os colectivos socials y vecinals a os que se les encorre de contino y se les niegan dreitos que a os violents sí se les ne dan.

Advertisements

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: