Fendo Orella 101.8 FM


Sobre violencia y represión policial en manifestacions
Desembre 3, 2010, 1:49 pm
Filed under: Internacional, Social | Etiquetes: ,

L’actuación d’os Cuerpos y Fuerzas de Seguridat de l’Estau Espanyol, en especial  as unidatz “anti-disturbios” d’a Policía Nacional, son actuando de traza muit agresiva contra ciudadanos que exercen de traza no-violenta os suyos dreitos reconoixius constitucionalment, tals como a manifestación u a vada. Istas cargas y trucos no guardan brenca proporción entre o “mal” que pretendeban empachar y os meyos emplegaus y as nafras causadas. En l’Estau de Dreito l’aparato estatal tien o monopolio d’a violencia, pero nomás puede fer-la servir quan ye imprescindible y, siempre, de traza proporcionada.

Truca o ficacio o granizo vuedo legal de l’ordenamiento churidico espanyol  en o que no se estableixen as situacions en as que a policía puede fer servir a fuerza. En un Reino a on dica os calibres d’os bisaltos u olivas son regulaus por o correspondient reglamento, a policía tien mans libres ta emplegar a violencia contra o suyo pueblo. Sin dandalo o recient herencio franquista contina pesando muito en l’aparato represivo de l’Estau espanyol.

A manca de normas internas, nos viyemos obligaus a acudir a os tractaus internacionals sinyaus por Espanya. En o marco d’a ONU s’aprebón os “Prencipios alazetals sobre l’emplego d’a fuerza y d’armas de fuego por os funcionarios encargaus de fer cumplir a lei” en os que literalment se diz:

Actuación en caso de reunions ilegals 12. Dau que todas as personas son autorizadas a participar en reunions legals y pacificas, de conformidat con os prencipios consagraus en a Declaración Universal de Dreitos Humanos y en o Pacto Internacional de Dreitos Civils y Politicos, os gubiernos y os organismos y funcionarios encargaus de fer cumplir a lei reconoixerán que a fuerza y as armas de fuego pueden fer-se servir nomás  de conformidat con os prencipios 13 y 14.

13. En dispersar reunions ilegals pero no violentas, os funcionarios  encargaus de fer cumplir a lei evitarán l’emplego d’a fuerza u, si no ye posible, l’amugarán a o minimo que calga.

En conclusión, o que diz iste tractau y o sentiu común ye que debant de manifestacions de caracter pacifico s’ha d’evitar  l’emplego d’a fuerza. Pos bien, a Policía Nacional espanyola disolvió violentament a vecins que s’oposaban a unas espaldaduras en o vico valenciano d’o Cabanyal causando nafras a ciudadanas que nomás demandaban pacificament respecto a una sentencia chudicial. Tamién en Valencia, a Policía Nacional trucó sin garra motivo a os miembros de piquetz no-violents, en a recient vada cheneral, dica ninviar ta l’hespital a varias chovenas. En Getafe, a Policía Nacional fue dillá, disparando “a l’aire” ta empachar o dreito que tienen os treballadors a formar piquetz informativos.

Manimenos, dende o gubierno d’o Reino d’Espanya, dende a oposición d’o PP y dende os meyos de comunicación se continan impartendo licions de dreitos humanos a la resta d’o mundo, especialment a Cuba y Venezuela. Se calificó como brutalidat policial l’actuación d’a Policía Cubana en disolver una manifestación ilegal d’as “damas de blanco”. En internet se pueden viyer videos de cómo actúa a policía cubana y a policía espanyola. Que cadagún/a faiga as suyas propias conclusions sobre quál d’os dos cuerpos rispeta más a o pueblo que ha de servir.

Anuncis

Feu un comentari so far
Deixa un comentari



Deixa un comentari

Fill in your details below or click an icon to log in:

WordPress.com Logo

Esteu comentant fent servir el compte WordPress.com. Log Out / Canvia )

Twitter picture

Esteu comentant fent servir el compte Twitter. Log Out / Canvia )

Facebook photo

Esteu comentant fent servir el compte Facebook. Log Out / Canvia )

Google+ photo

Esteu comentant fent servir el compte Google+. Log Out / Canvia )

Connecting to %s



%d bloggers like this: